Kolosi 1:10 - Madak

¹⁰ Ma lok levesingising keretnom kusu lorooro atnimi ba epovo mi lavavara at Leeme Silok la kusu mina lok lempanga naba lox amomo i. Nom lempanga i lok keretna, lorooro atnimi naba pisik asu leveloklok nunuan solo, la nemi minaba lok kaka lakleklen at ne Moroa,

Kolosi 1:10 Iomraidhean Croise

Lagale Lavavang At Ne Iesu Karisito Jon Ga Malagan I 15:16

Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Lagale Lavavang At Ne Iesu Karisito Jon Ga Malagan I 15:8

Do mina visik aleng, miba lox asuusu ba i do nemi luvuttadi loklok ka anasa rak, la miba lox asilok laasen at ne Tamak.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Lovoang At Ne Pol Ti Limixin Nunu to Rom 1:13

Luvutnetak mi luvurinuk. Nia a vara i do mina xasep nunuan; buaang laxanaleng nia agam doma i do anat pot pasa nimi, ketla lentaba lempanga ga tu pe ia. Nia a vara i xusu ana vavang dom atnemi xusu teventaba dinaba nuunu bok, kerekngan ia aga lox i ro at lengkot petpes kantubu at limixin kopmen me Judaia.

Lovoang At Ne Pol Ti Limixin Nunu to Rom 4:12

Neni ne temen nedi bok mo diga vit kepe vam lengkontuxu atnedi la diga lok ka lunuunu ngan lunuunu at ne temen nedik ne Abaram ga ruuna i, avot tinotno ri laaleng diga vit kepe loxontuxu ren.

Lovoang At Ne Pol Ti Limixin Nunu to Rom 6:4

Kuren la mumu bok lesep susu atnedik, i lok ngan digak mit nedik eburu min la digak lox eburu min at lanmet teren kusu nedik bok ataba roo xat mi lorooro maxat, kerekngan ne Iesu ga roo xat amlong at lanmet mi lololos at ne Temen.

2 Korin 2:14

Ketla ata tong avukat ti ne Moroa, mo im gomgo amisik tinama at lugugu atnama; anai i lok ngan at lavatpas momo atnema xeneng at ne Karisito ik sak tup mi lavamunepen atnama; la at lekngen nama neni i paase asu Lagale Lavavang at lengkot axap la neni i so misigisigis tinedi dikleklen i.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

2 Korin 5:9

Kuren la do nedik tak lok at na lorooro kopla ata met, ata lolos kusu atak lox amomo Leeme Silok;

2 Korin 9:8

La ne Moroa xa i epovo na raba nimi mi leveloklox anarong axap naba umsu aleng, kusu at levenaleng axap miba ruuna epovo amisik at levempanga axap la ne Moroa xa ba lok levempanga atnimi mitlotlo i na pisik nunuan kusu miba epovo rinotno do mina lok leven gugu nunuan.

Epesas 1:17

la a sing amisik lagale lo Moroa, ne Temen Leeme Silok atdik, Iesu Karisito, ti song araba nimi mi Loroonan teren, mo naba suxa nimi mi lodoxoma nunuan la laxasep kusu nemi mibakleklen avukat ne Moroa.

Epesas 2:10

Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 4:13

La na loklok ba gugu xeneng nedik axap se taba lok ngan legesara rinotno at lunuunu saparap ne Nitna ne Moroa la taba ruuna ka nom lakleklen mumu ne Nitna ne Moroa. Kerepmo la nedik taba vee ngan limixin mukun ap mo lunuunu la lorooro atdik ba nunuan axap kerekngan ne Karisito.

Epesas 5:10

La mina lok tong pen i kusu mina xasep ap mo leveloklok, i lox amomo Leeme Silok.

Epesas 5:15

Nemi mina lok tatao avukat lavatpas atnemi. Nemen mitat pas ngan laradi kopmen takleklen teren. Minat pas ngan laradi i ruuna lakleklen.

Epesas 5:2

La lorooro atnimi na umsu mi labalamu kerekngan ne Karisito ga lox asuusu labalamu ren tidik la ga raba lorooro ren; mo loklok at ne Karisito i lok ngan laramtaba i so misigisigis la lavanga laplavang saparap ne Moroa.

Pilipai 1:11

la lorooro atnimi nabak mokso xusu minaba visik asu levempipisik nunuan, ne Iesu Karisito naba lox asuusu i at lorooro atnimi; kerepmo lisisixam eburu mi leemi asu nabat pas ti ne Moroa.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Pilipai 4:18

Nia ara lok ka vam leventamtaba atnimi, no ne Epaprodaitas gap kiv i ria ude boro atnimi, la i volo mo levempanga agak pakes tin. Na leventamtaba i lok ngan leventamtaba somavak limixin di xotos i ri ne Moroa, la ni i sisiam kaka i la i sosoro rin.

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.

Kolosi 2:6

Nemi miga siam kaka ne Iesu Karisito ngan Leeme Silok atnimi, kuren la minat kis esogo eburu min.

Kolosi 3:20

Nemi laxamdak mi laxaalik. At lorooro axap atnemi, minang tonga res at luvuttemen nimi mi luvutnen nimi. Do mina lox i xuren, nom loklok naba lox amomo Leeme Silok.

Kolosi 4:5

Mina ruuna ka loklok nunuan at lorooro atnimi rip tuvuk avukat saparap nedi nom kopmen dina nuunu; la mina gagas at levenaleng axap ti tong asu Lagale Lavavang tidi.

1 Tesalonia 2:12

Maga paase tooro nimi, la maga paase amenemen nimi, la maga paase aronga nimi xusu lorooro atnimi na lox avukat kerekngan ne Moroa i vara i. Moroa ga ro ka nimi xusu minaba nemen eburu min to xeneng at Linintoo ren la minaba lok kaka lisisixam teren.

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.

2 Timoti 2:4

Laradi esep i gugu lolos kusu laradi gomgo ren na lok momo min, la neni noxo gugu at teven gugu vetpes.

Taitas 3:1

La ne Taitas, una tong box i ri nom limixin nuunu do dina doxoma mumu lixitkis atdi maxopok at lagavaman mi lavaeme silok; la dinang tonga res at levelinga atdi la dina gagas kusu dina lok leven gugu nunuan;

Taitas 3:14

La limixin axap atnedik, dina lolos amisik ti lok leven gugu nunuan kusu diba lox epovo lavakpakes atdi la diba lok tooro limixin petpes.

Ibru 11:5

Enok ga ruuna lunuunu, kuren la neni goxo met, ketla ne Moroa ga lok ka i uto vana at laxalibet, la limixin diga puse rin la di goxo vuse ka i, mila ne Moroa ga lam ka vam i uto vana. Avot at na, Moroa ga emi asu min, mila loklok teren ga lox amomo i.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

Ibru 13:21

A sing ne Moroa do na lox agagas avukat nimi xusu minaba mu asu lavavara ren la neni na gugu at lebelen nimi xeneng at loklok tooro at ne Iesu Karisito. Ata ba lok mo levempanga neni naba momo ren la ata emi asu min la na leemi asu rin noxo xap. Tuturun.

2 Pita 1:8

Do mina ruuna xaka i na levempanga la dina umsu xeneng at lorooro atnemi, dinaba lok nemi la mina lox asuusu leveloklok nunuan mumu lakleklen atnemi keneng at Leeme Silok atnedik ne Iesu Karisito.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

1 Jon 3:22

la i epovo do ata sue ne Moroa ri lempanga ta vara rin. La neni naba raba dik min mila nedik ta mumu asu levelinga ren la tak lok lempanga ik lox amomo i.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.

3 Jon 1:6

Diga vaase asuusu labalamu ram to melamgo at limixin at lotu nade. La ba lox avukat do una lok tooro nedi at lavatpas atdi, mila loklok kerepmo i epovo at lavavara at ne Moroa.