Lagale Lavavang At Ne Iesu Karisito Jon Ga Malagan I 9:7 - Madak

⁷ La neni ga lok tin, “Unat pas la una gos lamaram to at lavatdan kis Siloam.” Lavasuun at na laasen do, ‘Gariki.’ La mo laradi ga vas kaxat, la ga gos lemeren la gamlong uto xolonu, luxatli ren monga ga repalas pam, ga reven ta.

Lagale Lavavang At Ne Iesu Karisito Jon Ga Malagan I 9:7 Iomraidhean Croise

Sam 146:8

la irak lox arepalas lengkatli atnedi ua dixo reven. Neni im tebeng aonon nedi ua diga subu; neni i vavara aleng tinotno nedi limixin mokmokso ren.

Metiu 11:5

Nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, di lox avukat pam; la nedi levenbaalung atdi i repe, ding tonga manga; la nedi diga met pam mo di roo xat amlong pam; la limixin banbalo, mo ding tonga Lagale Lavavang.

Lagale Lavavang At Ne Iesu Karisito Luk Ga Malagan i 13:4

La kereva ba di nom lasangaun mi lavanuan luvuttadi to Siloam diga met at loxonaleng loogu babaalom ga subu kimit di? Mi doxoma i do nom luvuttadi diga xapmek tinotno rinedi limixin avukat diga nemen to Jerusalem?

Lagale Lavavang At Ne Iesu Karisito Luk Ga Malagan i 2:32

i ngan laxasep kusu naba lox axasep langas taram ti limixin kopmen di me Judaia, la na raba lisinorong ti limixin taram boro Israel.”

Lagale Lavavang At Ne Iesu Karisito Jon Ga Malagan I 10:36

La ne Tamak ga soxolik ka ia la ga riki ia ude at na lavatbung menemen. Tila ba la, mia tong i do nenia a paase vupu ri ne Moroa mila a tong i do nenia Nitna ne Moroa?

Lagale Lavavang At Ne Iesu Karisito Jon Ga Malagan I 11:37

Ketla leventaba atdi diga lok, “Neni ga lox arepalas luxatli at laradi luxatli ren ga main. La kereva, ni goxo epovo do na lox aroo ne Lasaro xusu ni noxo met?”

Lagale Lavavang At Ne Iesu Karisito Jon Ga Malagan I 9:11

La ni ga vorang i ridi xeretna, “Lara laradi, laasen teren ne Iesu i xalaubis amumulum loxongkangka, la ia gis i de at luxatli rak, la ia lok tia do anat pas uto Siloam la ana gos lamarak. La nia a vas kaxat la ise do nia a gos lamarak, ara ven bok ba.”

Lagale Lavavang At Ne Iesu Karisito Jon Ga Malagan I 9:39

Iesu ga lok tin, “Aga vot nade at lavatbung menemen kusu ri ila mu loklok at limixin, la nedi lengkatli main diba reven avukat, la nedi di reven, levengkatli atdi ba main.”

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Galesia 4:4

Ketla loxonaleng ga vot ne Moroa ga vit li i, neni ga riki ne Nitna rinotno. La neni ga ravasu ngan lamdak at latkin at na lavatkangka, la neni gak lok maxopok at Lenavolo at leme Judaia,