Lagale Lavavang At Ne Iesu Karisito Jon Ga Malagan I 5:23 - Madak

²³ kusu limixin diba lok ngangao rak ne Nitna kerekngan mun di lok ngangao at ne Tamak. Do tara noxo lok ngangao rak ne Nitna, i lok ngan ta do ixo lok ngangao at ne Tamak, mo ga riki ia, ne Nitna ude.

Lagale Lavavang At Ne Iesu Karisito Jon Ga Malagan I 5:23 Iomraidhean Croise

Sam 2:12

Minat kis tintiding to melamgo ren; naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.

Metiu 10:37

Do nege i balamu aleng ne temen kopla nenen la ixo balamu aleng ia, neni xopmen na epovo do na ravasu ngan laradi rak. Do nege i balamu aleng ne nitna xopla ne nitnono, la ixo balamu aleng ia, neni xopmen na epovo do na lok ngan laradi rak.

Metiu 11:27

La ne Iesu ga lok ti mo limixin, “Tamak, ira raba vam ia mi lempanga axap. Kopmen teta naklen ia, ketla ne Tamak kusuk mun; la kopmen teta naklen ne Tamak, ketla nenia ne Nitna xusuk mun, la tinedi mun nenia a vara i kusu ana lox ase di min.

Metiu 12:21

La levenabung mixin axap diba nuunu at laasen teren.’ Ais 42:1-4

Metiu 15:8

‘Na limixin di lok ngangao rak mi levelinga mun atdi, ketla lebelen di i vaxalom tino basinge ia.

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Lagale Lavavang At Ne Iesu Karisito Luk Ga Malagan i 10:16

La ne Iesu ga lok ti luvuttadi loklok ka anasa ren keretna, “Do nege ing tonga nimi, neni ing tonga ia; la do nege i sok tixirixes nimi, i sok tixirixes ia; la do nege i sok tixirixes ia, i sok tixirixes ne Moroa ga riki ia ude.”

Lagale Lavavang At Ne Iesu Karisito Jon Ga Malagan I 14:1

Iesu ga lok ti luvuttadi loklok ka anasa ren keretna, “Nemen gat lebelen nimi na bulu. Mina nuunu at ne Moroa, la mina nuunu bok tarak.

Lagale Lavavang At Ne Iesu Karisito Jon Ga Malagan I 16:14

Neni naba lox asilok laasen tarak mi lugugu ren, mila neni naba lok kaka levelinga rak la na anasa nimi min.

Lagale Lavavang At Ne Iesu Karisito Jon Ga Malagan I 17:10

Levempanga axap tarak ik lok at lakngam, la levempanga axap taram ik lok at lakngak. La maxeneng teren uga lox asilok laasen tarak.

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 15:12

La ne Aisaia i vaase bok keretna, “Lara at livipisik li at ne Jesi naba vot; la neni naba ravasu xusu ri lok tatao limixin kopmen nedi me Judaia, la dinaba lok li levendoxoma atnedi ren.” Ais 11:10

Lovoang At Ne Pol Ti Limixin Nunu to Rom 6:22

Ketla, amo nga migara sepmus pam basinge laxapmek, la mo nga mi lok ngan lavaanat saxaruki at ne Moroa; mo lavanga nemi minaba lok kaka i, neni lorooro i xaala, la livipisik teren neni lorooro avolo.

Lovoang At Ne Pol Ti Limixin Nunu to Rom 8:9

Ketla nemi xopmen mina rooro at lavavara at labantuxu; ketla mi rooro mu mun lavavara at Loroonan Kaala, mo do Loroonan Kaala at ne Moroa i nemen keneng atnimi. La do nege di, dixo ruuna Loroonan Kaala at ne Karisito, nedi xopmen limixin at ne Karisito.

1 Korin 1:3

Letaba nabalamu mi lenmila rinimi boro at ne Temen nedik la Leeme Silok ne Iesu Karisito.

1 Korin 10:31

I lox avukat mene, ketla levempanga salai do mi lox i, mina anan kopla mina inin, mina lox i xusu ri lox asu lisisixam at ne Moroa.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

1 Korin 6:19

Mi xasep pam do labantuxu atnimi, i lok ngan loogu laplavang at Loroonan Kaala, mo i nemen keneng atnimi, la ne Moroa axa ga raba nemi min. Nemi xopmen atnimi xa, ketla nemi at ne Moroa.

2 Korin 1:9

I ruturun tinotno do maga nua i do nema mo mana met ta. Ketla ana lumumuat ga vot ti lox alolos nama xusu ma noxo nuunu at lolos axa atnama, ketla at ne Moroa xusuk mun, mo ik lox arooro limixin basinge lanmet.

2 Korin 13:14

Letaba nabalamu at Leeme Silok ne Iesu Karisito la labalamu at ne Moroa la loklok mukmulus at Loroonan Kaala nak lox eburu amisik minemi axap. I ruturun

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

2 Korin 5:19

Moroa gak lok mo lugugu ren keneng at ne Karisito, ni ga vaxat buru ka limixin at na lavatbung menemen do tin; la ni goxo doma mu laxakapmek digak lox i. La ni ga raba nema mi levelinga mumu na lugugu ri vaxat buru limixin uto saparap ne Moroa.

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

Ibru 1:6

La at loxonaleng ne Moroa ga riki asi lamdak avot teren ude xopok ti na lavatbung menemen, neni ga lok, “Lubung angelo axap tarak dina lotu saparav i.” Len 32:43

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

1 Jon 2:23

Do taradi i sok tixirixes kepe ne Nitna ne Moroa, i ngan do neni i sok tixirixes kepe bok ne Temen. Do taradi i nuunu at ne Nitna ne Moroa, neni i nuunu bok at ne Moroa, ne Temen nedik.

2 Jon 1:9

Do tara ixo mumu asu levenanasa at ne Karisito, la i lox epasum i mi levenanasa vetpes, neni xopmen nat kis esogo mi ne Moroa. Ketla do tara i mumu asu levenanasa at ne Karisito, neni it kis esogo mi ne Temen dik la ne Nitna.