Lagale Lavavang At Ne Iesu Karisito Jon Ga Malagan I 4:23 - Madak

²³ Ketla mo laaleng naba vot, nanga ira vot pam, la limixin lotu ruturun diba lotu parap ne Temen di mi lusumsuma at Loroonan Kaala la mi luruturun. Nedi mo limixin lotu ruturun, ne Temen di i vara di do dina lotu saparav i.

Lagale Lavavang At Ne Iesu Karisito Jon Ga Malagan I 4:23 Iomraidhean Croise

Sam 147:11

ketla in tuuna xaka lomomo atla limixin di nuunu saga at labalamu lexen teren.

Sam 17:1

O Leeme Silok, una ronga lorotoro rak la una ru ria mi levelinga ruturun, una ronga res at lerengteng tarak saparav u ri loklok tooro. Una ronga na lising tuturun tarak saparav u.

Sam 32:2

Do taradi go la Leeme Silok kopmen na vuse ka taxapmek teren la kopmen bok taxaxarang teren, ni na lok momo.

Sam 51:6

Nenu u vavara limixin kusu dina umsu mi lununuan mi levelinga ruturun taram; una suxa aumsu lodoxoma rak mi lodoxoma nunuan taram.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Lagale Lavavang At Ne Iesu Karisito Jon Ga Malagan I 12:23

La ne Iesu ga lok tidu xeretna, “Loxonaleng mo ia epovo vam kusu ne Moroa na lox asilox ia, Laradi Mevana.

Lagale Lavavang At Ne Iesu Karisito Jon Ga Malagan I 16:2

Luvuttadi amgomgo dinaba sep pepe nimi xusu mi noxo vubeles bok ba uto at laraugu singising. La laaleng move naba vot, la do tara na sev amet tara atnimi, ni naba nua i do i lox i mo ri lox amomo ne Moroa.

Lagale Lavavang At Ne Iesu Karisito Jon Ga Malagan I 16:32

Laaleng move naba vot, la na nga ia nemen pam, la miba epeseves basinge ia, la nenia xusuk abak lok. Ketla kopmen nenia xusuk, ne Tamak naba nemen eburu minia.

Lagale Lavavang At Ne Iesu Karisito Jon Ga Malagan I 4:21

Iesu ga lok tin, “Latkin, una nuunu at na levelinga rak; laaleng naba vot la limixin axap di noxo lotu parap ne Moroa at na lakaana kopla to Jerusalem.

Lagale Lavavang At Ne Iesu Karisito Jon Ga Malagan I 5:25

A tong tuturun i rinimi. Laaleng mo i auret la nangai ira vot pam la limixin diga met pam diba ronga linga rak, ne Nitna ne Moroa; la do nedi dina ronga res tarak, diba roo.

Lagale Lavavang At Ne Iesu Karisito Jon Ga Malagan I 5:28

Nemen mita sangu at nai mila laaleng naba vot la limixin diga met pam diba ronga laxaka tarak,

Lovoang At Ne Pol Ti Limixin Nunu to Rom 1:9

Moroa nia a gugu rin mi lorooro axap tarak, la nia a vavang mi Lagale Lavavang at ne Nitna, neni iklen i do na levelinga rak i ruturun aleng do nia am doma amisik nimi,

Lovoang At Ne Pol Ti Limixin Nunu to Rom 8:15

atla Loroonan no ne Moroa gara raba vam nimi min ik lok nimi xusu mi noxo marat ngan lasaxaruki; ketla i lok nimi xusu nemi luvutnitna ne Moroa, la nedik di toro ri ne Moroa mi lololos at Loroonan Kaala keretna, “Tamak! Tamak!”

Lovoang At Ne Pol Ti Limixin Nunu to Rom 8:26

Keneng at na lodoxoma voovo, Loroonan Kaala naba lok tooro nedik do nedik taxo ru lolos, atla dik taxoklen i do ataba sing kereva; la Loroonan axa i ngising tinedik saparap ne Moroa mi levelinga metmes nia axo epovo xusu ana mii poovo i mi tekolinga.

Galesia 4:6

Nedik luvutnitna ne Moroa, kuren la neni ga riki asu Loroonan i nemen keneng at ne Nitna ukeneng ti lorooro atnedik, la neni mo Loroonan ik lok nedik la diram doma su at ne Temen nedik la dira toro rin keretna, “Tamak, Tamak!”

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.