Lagale Lavavang At Ne Iesu Karisito Jon Ga Malagan I 2:6 - Madak

⁶ Limixin me Judaia diga ruuna leretere at loklok at lotu atdi mumu logosogos panga, ni lavasuun mun teren la lavanna lempat buxom tuntu mo ga nemen; nedi getgesara diga epovo rin tuntu ka tegepu sangaun kopla tavantun sangaun lenbuxak kidi.

Lagale Lavavang At Ne Iesu Karisito Jon Ga Malagan I 2:6 Iomraidhean Croise

Lagale Lavavang At Ne Iesu Karisito Luk Ga Malagan i 16:6

La mo laradi avot ga lok, ‘Lavanuan sangaun kobot (800) buxom at la olip.’ La laradi gugu ga lok tin, ‘Lok kaka na lovoang ti vaase axasev u mi lempanga nenu una vorang i la una xis kopok la una malagan asu lavanuet sangaun kobot (400).’

Lagale Lavavang At Ne Iesu Karisito Jon Ga Malagan I 2:7

Iesu ga lok ti lavasaxaruki, “Minantu i na lempat buxom mi laxadan.” La digantu aumsu di mi laxadan.

Lagale Lavavang At Ne Iesu Karisito Jon Ga Malagan I 3:25

Lentaba luvuttadi loklok ka anasa at ne Jon eburu mi lara laradi boro Judaia diga etep mi levelinga mumu lususu rik lox adadat laradi at lemeren ne Moroa.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 6:2

laanasa ri lesep susu; laanasa ri loklok ti sa li levengkikngen mavana at teventaba rik lox anarong di; laanasa ri laxakatu kaxat basinge lanmet; la laanasa ri lugugu at ne Moroa ngan laradi rongtonga linga at laaleng ete.

Ibru 9:10

Mo leveloklok ti laanan la liinin la leventaangas ti sogos panga, mo leventaangas ga nemen mun kusu mo limixin dina mumu asu i se at laaleng lekabus maxat ga vot.

Ibru 9:19

Ne Moses ga tong asu vam levenngas linga at Lenavolo ri limixin axap, neni ga lok ka lada at levempatnat bulumaxao, la ga lox eburu i mi ladan. La neni ga lok lavanga sep susu mi lavatkabinim sipsip diga lox amemele i la mi levengkakan una at luuna isop. Neni ga lok ka lada min la gap sep susu lugun linga at Lenavolo la limixin bok.