Lagale Lavavang At Ne Iesu Karisito Jon Ga Malagan I 2:2 - Madak

² la ne Iesu eburu mi luvuttadi loklok ka anasa ren bok mo diga sing nedi do diba vot go at loklox epot.

Lagale Lavavang At Ne Iesu Karisito Jon Ga Malagan I 2:2 Iomraidhean Croise

Metiu 12:19

Neni noxo etep mi levelinga kopla nap kup mukmusak; neni noxo ru asuvos i ro melamgo at limixin axap.

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Metiu 25:45

La nenia anaba vorang i ridi xeretna, ‘A tong tuturun i rinimi. Do mi goxo lox i na ri tara atdi limixin banbalo, mi goxo lox i ria.”

Lagale Lavavang At Ne Iesu Karisito Jon Ga Malagan I 2:12

Melemu at nai, Iesu eburu mi nenen la luvutneton la luvuttadi loklok ka anasa ren digat pas uto Kaprenaum, la diga nemen lixilik go at lentaba levenaleng.

Lagale Lavavang At Ne Iesu Karisito Jon Ga Malagan I 2:17

Luvuttadi loklok ka anasa ren diga doxoma ka i do Lovoang Kaala ga lok, ‘Labalamu rak ti na loogu ram ne Moroa i lolos aleng la ni lavasuun teren limixin bilinga dinaba sev amer ia.’ Sam 69:9

Lagale Lavavang At Ne Iesu Karisito Jon Ga Malagan I 2:22

Melemu at laaleng neni ga roo xat amlong at lanmet, luvuttadi loklok ka anasa ren diga doma amlong ti na levelinga ren. La diga nuunu at Lovoang Kaala la diga nuunu bok ap mo levelinga ne Iesu ga tong i.

Lagale Lavavang At Ne Iesu Karisito Jon Ga Malagan I 2:3

Se limixin diga in axap levendan vaen, nenen ne Iesu ga lok tin, “Levendan vaen atdi ira xap pam.”

Lagale Lavavang At Ne Iesu Karisito Jon Ga Malagan I 3:22

Melemu at nai Iesu eburu mi luvuttadi loklok ka anasa ren digat pas tangtagap maxeneng at lenep silok Judaia. Ni ga nemen eburu midi go at lentaba leven gaaling, la neni gap sep susu limixin.

Lagale Lavavang At Ne Iesu Karisito Jon Ga Malagan I 4:2

Ne Iesu xa xopmen goxo sep susu tara; ketla luvuttadi loklok ka anasa mun teren digap sep susu limixin.

Lagale Lavavang At Ne Iesu Karisito Jon Ga Malagan I 4:33

La luvuttadi loklok ka anasa ren diga esue xantubu atdi xeretna, “Kereva, tentaba go di raba i mi teveluxa?”

Lagale Lavavang At Ne Iesu Karisito Jon Ga Malagan I 4:8

Luvuttadi loklok ka anasa ren no nga di at lemenemen silok diga un panga anan.

Lagale Lavavang At Ne Iesu Karisito Jon Ga Malagan I 6:12

Se diga an mais axap, Iesu ga lok ti luvuttadi loklok ka anasa ren, “Mina lok ka bubua lengkon atat luxa; nemen dik ata ke xepe tengkot.”

Lagale Lavavang At Ne Iesu Karisito Jon Ga Malagan I 6:16

Ga ukantinao bukbuxumin, luvuttadi loklok ka anasa at ne Iesu diga vas si uto xopok at lavatdan kis,

Lagale Lavavang At Ne Iesu Karisito Jon Ga Malagan I 6:60

Buaang atnedi luvuttadi loklok ka anasa at ne Iesu diga ronga i na la diga lok, “Anai levenanasa i lolos tinotno. Nege i epovo na siam ka i?”

Lagale Lavavang At Ne Iesu Karisito Jon Ga Malagan I 6:66

Melemu at nai, buaang atnedi luvuttadi loklok ka anasa ren digamlong basinge i la kopmen bok ba di goxo emu eburu min.

Lagale Lavavang At Ne Iesu Karisito Jon Ga Malagan I 6:67

La ne Iesu ga sue lasangaun mi legepura luvuttadi loklok ka anasa ren keretna, “La nemi bok mi vara i do minamlong?”

Lagale Lavavang At Ne Iesu Karisito Jon Ga Malagan I 6:70

Iesu ga lok tidi, “Nia aga soxolik ka nemi lasangaun mi legepura ngan luvuttadi loklok ka anasa rak. Ketla legesara atnimi ni lamdak at ne Satan.”

Lagale Lavavang At Ne Iesu Karisito Jon Ga Malagan I 6:71

Iesu ga tong asu i na mumu ne Judas, lamdak at ne Simon Iskariot; Judas neni lara atnedi lasangaun mi legepura luvuttadi loklok ka anasa, la ga song araba ne Iesu ri limixin kapmek.

Lagale Lavavang At Ne Iesu Karisito Jon Ga Malagan I 6:8

Laradi loklok ka anasa at ne Iesu, laasen teren ne Endru, neton ne Simon Pita ga lok,

Lagale Lavavang At Ne Iesu Karisito Jon Ga Malagan I 7:3

Luvutneton ne Iesu diga lok tin, “Una vas kaxat basinge na loxot, la unat pas uto Judaia ti mo leluxa, kusu luvuttadi loklok ka anasa ram diba ven levempanga sangsangu uba lox i.

Leven Gugu 11:26

La ne Banabas ga vosiga i la ni ga lam kaka i uto Antiok. At legesa maares kudun nedu dugat pot eburu minedi buaang limixin ap mo loxot la duga anasa di. Mo go mun Antiok limixin nuunu diga lok ka avot na laasen Kristen.

Leven Gugu 11:29

Limixin nuunu boro Antiok diga vaase i do dina lok tooro limixin nuunu ro Judaia. Nedi diga ruuna lempilas buaang, diga raba i.

1 Korin 10:31

I lox avukat mene, ketla levempanga salai do mi lox i, mina anan kopla mina inin, mina lox i xusu ri lox asu lisisixam at ne Moroa.

1 Korin 7:39

Ixo epovo dola latkin epot na soxope latlok teren, ketla do latlok teren na met, i epovo do neni na epot kaka tatlok petpes do neni i vara rin. Ketla nemen gat ni na epot at laradi xopmen na nuunu at Leeme Silok;

Kolosi 3:17

Levempanga axap mi lox i la mi vaase i, mina lox i at laasen at Leeme Silok ne Iesu, la mina tong loklox avukat ti ne Moroa, ne Temen nedik mumu leveloklox anarong at ne Karisito.

Ibru 13:4

Nemi axap mina mu asu avukat loklok keneng at leepot la mina ke loklok ti elongka mila nedi di mu asu loklok ti elongka, Moroa naba lok li di at lavapaase, eburu minedi bok limixin di los polo levelinga at ne Moroa mumu loklok keneng at leepot.

Lisilimet 3:20

Mina ronga i na. A tu ro at lumusaragu la ap dipdi; la do tara i ronga xibis laxaka rak la na suang lumusaragu, aba vubeles ukeneng at loogu ren la mana anan eburu.