Lagale Lavavang At Ne Iesu Karisito Jon Ga Malagan I 2:16 - Madak

¹⁶ La ni ga lok ti luvuttadi diga sesep mi levenamno xeretna, “Mina lok kepe nom lavapixa uto xamang basinge na loogu. Nemen mita lok loogu at ne Tamak na lok ngan ta loogu sesep.”

Lagale Lavavang At Ne Iesu Karisito Jon Ga Malagan I 2:16 Iomraidhean Croise

Metiu 21:12

La ne Iesu ga beles ukeneng at loogu laplavang la ga xala su mi limixin diga unun panga la limixin diga sesep mi lempanga atdi. La ni ga ba gili levenora lili atnedi digak lox ekun lempilas la ga ba gili levengkonin kitkis atnedi diga sesep mi levenamno.

Metiu 21:13

La ni ga lok tidi, “Levelinga at ne Moroa ik lok keneng at Lovoang Kaala i lok keretna, ‘Loogu rak diba so asen i mi loogu singising.’ Ais 56:7 Ketla nemi mira lok pam i, i ngan loogu loklox alipe at luvuttadi dip sep paxat ka panga.”

Metiu 22:5

Ketla nedi diga ronga xape mo levelinga la digak lox angtang mene at leven gugu atdi xa. Lara avot ga vas kaxat uto at laraamang teren. Lara bok ga lok lugugu ti sesep mi lempanga.

Lagale Lavavang At Ne Iesu Karisito Mak Ga Malagan I 11:17

La ne Iesu ga anasa di xeretna, “Levelinga at ne Moroa ik lok at Lovoang Kaala i lok keretna, ‘Loogu rak diba so asen i mi loogu singising ti limixin at levengkot axap’; Ais 56:7 ketla nemi mira lok gili vam i, i ngan loogu loklox alipe at luvuttadi dip sep paxat ka panga.”

Lagale Lavavang At Ne Iesu Karisito Luk Ga Malagan i 2:49

Ni ga vorang i ridu keretna, “Tila mu lok do muna puse ria? Kereva, muxoklen i do nia aba nemen to at loogu at ne Tamak?”

Lagale Lavavang At Ne Iesu Karisito Jon Ga Malagan I 10:29

Ne Tamak ga raba ia mi nom laxasipsip la neni i silok ti levempanga vipis axap, la tara noxo lok kepe nedi laxasipsip basinge loklok tatao ren.

Lagale Lavavang At Ne Iesu Karisito Jon Ga Malagan I 2:15

Iesu ga lok lakpiksa mi luxua, la ga xala su mi nom levempanga mi lavanuet kangkedek atdi boro xeneng basinge loogu laplavang, laxasipsip eburu mi laxanbulumaxao; la ni ga sogo pupukus levengkot lili la ga reeve laxampilas atdi.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lagale Lavavang At Ne Iesu Karisito Jon Ga Malagan I 5:17

Iesu ga lok tidi, “Ne Tamak i gugu at levenaleng amisik se lingina, la nenia bok a gugu.”

Lagale Lavavang At Ne Iesu Karisito Jon Ga Malagan I 8:49

Iesu ga vorang i ridi xeretna, “Lagas kopmen na nemen tarak, a lok ngangao at ne Tamak, ketla nemi mixo lok ngangao rak.

1 Timoti 6:5

la lumukmusak naba nemen alolos amisik kantubu atnedi la lodoxoma atdi ba lok kapmek tino. La di doxoma i do lotu ni langas tip novos.

2 Pita 2:3

La loklok ti belegaao bok at na lavaeme loklox ase xaxarang naba silok la dinaba lok ka lempilas atnimi mi leventetere xaxarang diga doxoma xaka i. La at laxanaleng buaang, ne Moroa ira gagas pam kusu na lok li lumumuat atdi la naba sele utut nedi.