Lagale Lavavang At Ne Iesu Karisito Jon Ga Malagan I 19:6 - Madak

⁶ Se lavamaasa silok la luvuttadi silok at loogu laplavang diga ven ne Iesu, diga xup keretna, “Mina vaxarem i ro at laxaba; mina vaxarem i ro at laxaba.” Paelat ga lok tidi, “Nemi xa mina lok ka i, la mina vaxarem i ro at laxaba. Nenia axo vuse ka tavasuun kusu ri lok li lumumuat teren.”

Lagale Lavavang At Ne Iesu Karisito Jon Ga Malagan I 19:6 Iomraidhean Croise

Metiu 26:58

Pita ga mumu asu ne Iesu ro xa vaxalom la ga rupot saparap loogu at lamaasa gomgo la ga vubeles at lemelua. Ni ga xis kopok eburu mi luvuttadi rutu mu xusu na ven lavanga salai naba vot saparap ne Iesu.

Metiu 27:22

La ne Paelat ga sue di, “La nenia aba lok lavanga sala ri ne Iesu, di tong i do Lanarong?” La nedi axap diga vorang i xeretna, “Una vaxarem i at laxaba.”

Metiu 27:24

Paelat ga ven kibis i do limixin di goxopara na ronga levelinga ren, la diga lok do dina ru kaxat ka leesep. Kuren la neni ga lok ka loxodan la ga gos lukngen to melamgo at limixin la ga lok tidi, “Kopmen tekot tarak at na. Lavanga mun atnimi.”

Lagale Lavavang At Ne Iesu Karisito Luk Ga Malagan i 23:4

Melemu ne Paelat ga lok ti lavamaasa silok la limixin keretna, “Axo vuse ka tavasuun kusu ri sev amet na laradi.”

Lagale Lavavang At Ne Iesu Karisito Jon Ga Malagan I 18:3

Lavamaasa silok mi lubung Parisi diga riki luvuttadi gugu atdi xusu dina emu mi ne Judas. Leventaba luvuttadi esep bok mo. La ne Judas gamgo nga di uto at laraamang. Digap kip levenapti mi lenbabao, la levempanga esep atdi.

Lagale Lavavang At Ne Iesu Karisito Jon Ga Malagan I 18:31

Paelat ga lok tidi, “Nemi xa mina lok ka i la mina ronga linga ren kerekngan Lenavolo atnimi i tong i.” La diga lok, “Nemi boro Rom kopmen mina mulus tinama do mana sev amet tara.”

Lagale Lavavang At Ne Iesu Karisito Jon Ga Malagan I 18:38

Paelat ga sue i, “Lavanga salai nom luruturun?” La ne Paelat gamlong amu manga uto xamang ti luvuttadi amgomgo la ga lok tidi, “Kopmen nia ana vuse ka tavasuun kusu ri sev amet na laradi.

Lagale Lavavang At Ne Iesu Karisito Jon Ga Malagan I 19:15

Diga xup lolos keretna, “Sev amer i. Sev amer i. Paxarem i ro at laxaba.” Paelat ga sue di xeretna, “Kereva, mi vara i do ana vaxarem loorong silok atnimi ro at laxaba?” La lavamaasa silok diga vorang i rin keretna, “Loorong silok mun atnema ma ruuna i, neni ne Kaisar.”

Lagale Lavavang At Ne Iesu Karisito Jon Ga Malagan I 19:4

Paelat ga vas su amu manga uto xamang la ga lok ti limixin, “Mina ronga i na; ana lok ka i ude xamang tinimi, xusu miba xasep do axo ka tavasuun kusu ri lok li lumumuat teren.”

Leven Gugu 2:23

Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.