Lagale Lavavang At Ne Iesu Karisito Jon Ga Malagan I 19:4 - Madak

⁴ Paelat ga vas su amu manga uto xamang la ga lok ti limixin, “Mina ronga i na; ana lok ka i ude xamang tinimi, xusu miba xasep do axo ka tavasuun kusu ri lok li lumumuat teren.”

Lagale Lavavang At Ne Iesu Karisito Jon Ga Malagan I 19:4 Iomraidhean Croise

Metiu 27:19

Ap mo loxonaleng Paelat gat kis at loxot kitkis at laradi rongtonga linga; la latkin teren ga lox aonon na levelinga rin, ga lok keretna, “Nemen gat uta lok tavanga ri na laradi kopmen taxakapmek teren, mila itinongo at laxanimin nia ata robo i la labalak ixo xis aulis tino.”

Metiu 27:24

Paelat ga ven kibis i do limixin di goxopara na ronga levelinga ren, la diga lok do dina ru kaxat ka leesep. Kuren la neni ga lok ka loxodan la ga gos lukngen to melamgo at limixin la ga lok tidi, “Kopmen tekot tarak at na. Lavanga mun atnimi.”

Metiu 27:4

Ni ga lok, “Nia ara lok pam laxakapmek silok, la ara raba vam limixin esep mi laradi xopmen taxakapmek teren, la i auret ta loxonaleng kusu dina sev amer i.” La diga lok tin, “Kopmen tekot at nom atnama. Lavanga nga nom taram!”

Metiu 27:54

Ap mo loxonaleng laasesep at luvuttadi esep eburu mi limixin esep teren diga tu la diga suma langne la levempanga axap ga vot ap mo loxonaleng, diga marat aleng la diga lok, “Neni lamdak tuturun pam at ne Moroa.”

Lagale Lavavang At Ne Iesu Karisito Luk Ga Malagan i 23:4

Melemu ne Paelat ga lok ti lavamaasa silok la limixin keretna, “Axo vuse ka tavasuun kusu ri sev amet na laradi.”

Lagale Lavavang At Ne Iesu Karisito Luk Ga Malagan i 23:41

La lumumuat tida ik mokso mila taga lok laxakapmek, i epovo ri na lumumuat; ketla neni laradi goxo lok taxakapmek.”

Lagale Lavavang At Ne Iesu Karisito Luk Ga Malagan i 23:47

La laasesep ga ven i na la ni ga emi asu mi ne Moroa la ga lok, “I ruturun tinotno, neni laradi mokmokso.”

Lagale Lavavang At Ne Iesu Karisito Jon Ga Malagan I 18:33

Paelat gamlong ukeneng at loogu silok la ga ro ka ne Iesu la ga lok tin, “Kereva, nenu loorong silok at limixin me Judaia?”

Lagale Lavavang At Ne Iesu Karisito Jon Ga Malagan I 18:38

Paelat ga sue i, “Lavanga salai nom luruturun?” La ne Paelat gamlong amu manga uto xamang ti luvuttadi amgomgo la ga lok tidi, “Kopmen nia ana vuse ka tavasuun kusu ri sev amet na laradi.

Lagale Lavavang At Ne Iesu Karisito Jon Ga Malagan I 19:6

Se lavamaasa silok la luvuttadi silok at loogu laplavang diga ven ne Iesu, diga xup keretna, “Mina vaxarem i ro at laxaba; mina vaxarem i ro at laxaba.” Paelat ga lok tidi, “Nemi xa mina lok ka i, la mina vaxarem i ro at laxaba. Nenia axo vuse ka tavasuun kusu ri lok li lumumuat teren.”

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

1 Pita 1:19

ketla ne Moroa ga un ka nemi mi lada, ni luunun silok at ne Karisito kopmen taxakapmek teren la kopmen bok tibira at Lanasip at ne Moroa.

1 Pita 2:22

“Neni goxo lok bok tekakapmek, la teta goxo ronga asu bok tekaxarang ga ravasu at lungusno ren.” Ais 53:9

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Jon 3:5

La nemi mikleklen i do ne Iesu ga rupot kusu ri lox asepmus limixin basinge laxakapmek atdi. La kopmen taxapmek nak lok at ne Iesu.