Lagale Lavavang At Ne Iesu Karisito Jon Ga Malagan I 15:16 - Madak

¹⁶ Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Lagale Lavavang At Ne Iesu Karisito Jon Ga Malagan I 15:16 Iomraidhean Croise

Sam 145:4

Limixin dinaba emi asu minu ri levempanga ugara lok pam i, tuka i at lara loola vetpes la ti lara loola melemu; la dinaba tong asuusu levempanga lolos ugarak lok pam i.

Sam 71:18

Ana nga ara sioxo la levengkabinim at lavatlak tarak irak sokso. O Moroa, uguta doxoma xepe ia. Una su aru ia at levenaleng ana paase asu lolos silok taram tinedi lavaola axap mo dibap tavasu.

Metiu 21:22

Do mi ruuna lunuunu ruturun, ne Moroa naba raba lovoporang ti mo lempanga mi sing tin.”

Metiu 7:7

La ne Iesu ga lok bok keretna, “Mina ngising, la miba ruuna xaka i; mina puse, la miba vuse xaka i; minap dipdi, la lumusaragu naba rem suang tinimi;

Lagale Lavavang At Ne Iesu Karisito Luk Ga Malagan i 6:13

Se at laxangking ga los su ga maxantamak suubu, neni ga ro bubua ka luvuttadi loklok ka anasa ren saparav i la ga soxolik ka lasangaun legepura atnedi, mo ni ga so asen di do luvuttadi vavang.

Lagale Lavavang At Ne Iesu Karisito Jon Ga Malagan I 13:18

La ne Iesu ga lok tidi, “Ketla kopmen nemi axap ta miba lok ka loklox anarong. Aklen nedi leventaba agara lok katling pam nedi ngan luvuttadi vavang tarak, ketla legesara mun atnimi, kopmen. Neni ik lok ti lox asorun levelinga xeneng at Lovoang Kaala i lok keretna, ‘Neni mo lara i an eburu minia at loxongkide, ira raba vam ia ri limixin kapmek.’ Sam 41:9

Lagale Lavavang At Ne Iesu Karisito Jon Ga Malagan I 15:19

Ketla nia aga soxolik ka nimi basinge na lavatbung menemen. Do nemi mede at na lavatbung menemen, limixin diba vara aleng nimi. Ketla kopmen nemi mede; kuren la limixin at na lavatbung menemen diba belemamao nimi.

Lagale Lavavang At Ne Iesu Karisito Jon Ga Malagan I 15:5

Nenia luuna vaen, la nemi mi ngan lengkakan una. Do nege i nemen tarak, la nenia a nemen teren, neni naba visik buaang tempeven una; kopmen mina epovo do mina visik tempeven una do nemi mixo nemen tarak.

Lagale Lavavang At Ne Iesu Karisito Jon Ga Malagan I 6:70

Iesu ga lok tidi, “Nia aga soxolik ka nemi lasangaun mi legepura ngan luvuttadi loklok ka anasa rak. Ketla legesara atnimi ni lamdak at ne Satan.”

Leven Gugu 1:24

La diga sing keretna, “Leeme Silok, nenu ukleklen lodoxoma at limixin. Una lox ase nama mi tara atdu na luradi nu ura soxolik ka vam i,

Leven Gugu 1:8

Ketla nemi minaba umsu mi lolos mo do Loroonan Kaala na vubeles atnimi; la minaba paase katling mi lorooro rak tinedi limixin to at lemenemen silok Jerusalem, la to bok at lengkot axap at lunep silok Judaia la Samaria, la to at lengkot axap bok at na lavatbung menemen kopok.”

Leven Gugu 10:41

kopmen do ti limixin axap, ketla tinama xusuk mun, luvuttadi ne Moroa ga soxolik ka vam nama kusu ri vaase asu levelinga ren. Maga anan la maga inin eburu min melemu at laxakatu kaxat amlong teren.

Leven Gugu 22:14

Ni ga lok, ‘Moroa at lavalabat atdik ga soxolik ka vam u do unaklen lodoxoma ren, la uba ven kibis Lanarong teren, luruptuvuk teren ik mokso; la unang tonga levelinga ren.

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

Lovoang At Ne Pol Ti Limixin Nunu to Rom 1:13

Luvutnetak mi luvurinuk. Nia a vara i do mina xasep nunuan; buaang laxanaleng nia agam doma i do anat pot pasa nimi, ketla lentaba lempanga ga tu pe ia. Nia a vara i xusu ana vavang dom atnemi xusu teventaba dinaba nuunu bok, kerekngan ia aga lox i ro at lengkot petpes kantubu at limixin kopmen me Judaia.

Lovoang At Ne Pol Ti Limixin Nunu to Rom 1:5

Keneng mun at ne Iesu la ti lox aurut laasen teren, Moroa ga raba ia mi letaba nabalamu ren kusu nia ana ru katling i ri lok lugugu ngan laradi vavang at ne Karisito, la ana sasar asu ka limixin boro xamang at limixin kopmen di me Judaia, kusu dinaba nuunu ren la dinang tonga res teren.

Lovoang At Ne Pol Ti Limixin Nunu to Rom 15:4

Levempanga axap ik lok at Lovoang Kaala, diga malagan i gano xusu ri lox ase nedik, kusu nedik ataba lok kaka lodoxoma voovo xeneng at Lovoang Kaala mo im taba dik mi loklox atnaasan la lavapaase tooro.

Lovoang At Ne Pol Ti Limixin Nunu to Rom 9:21

Laradi ga lok mo lososopen kangka, neni xa i epovo xusu neni na lok mo loxompong kangka at langas ua i doma i xuren, la na lok bok tegepu sosopen mi mo mun legese xompong kangka, tara nunuan ti ove at levenaleng silok la tara diba vove min at levenaleng axap.

1 Korin 10:11

Anai levempanga ga vot saparap di i ngan lampoovo ridik ik lok at Lovoang Kaala, la i lok ngan levempapaase aronga ri nedik na, ta nemen ta at levenaleng i auret ti laxavaxap at na lavatbung menemen.

Galesia 1:15

Ketla avot ti livipisik tarak, ne Moroa gara soxolik kaka avot pam ia, la keneng at letaba nabalamu ren, neni ga ro xaka ia do ateren.

Epesas 2:10

Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

Kolosi 1:6

Na Lagale Lavavang i ruuna laxampipisik solo la i sat kaka limixin at na lavatbung menemen axap kusu dina nuunu at ne Iesu Karisito la dina lok leveloklok i nunuan. La kerepmo bok Lagale Lavavang i pisik kantubu atnimi, ga ru ka i ap mo laaleng miga ronga i la miga ven kibis letaba nabalamu at ne Moroa, mo letaba nabalamu i ruturun tinotno.

1 Timoti 2:7

La nai lavasuun teren la ni ga sak tiki ia ngan laradi vavang la laradi loklox ase ti limixin kopmen me Judaia, kusu ri tong asu levelinga ruturun at lunuunu ridi. Nia xopmen ana xaxarang, nia a tong asu levelinga ruturun.

2 Timoti 1:11

Ne Moroa gara soxolik ka vam ia ngan luun pavang la laradi loklox ase ri paase asu Lagale Lavavang.

2 Timoti 2:2

Unam tebeng alolos levenanasa nu uga ronga ia aga paase asu i at lemeren nedi buaang limixin, una raba nedi limixin min no di epovo nam tebeng avukar i, la di epovo na lox ase limixin petpes bok min.

Taitas 1:5

Nenia aga lok li u, ne Taitas, to Krit la aga on basinge u. Lavasuun teren keretna; leventaba leven gugu at lotu ro Krit kovisi na sixit avukat. La a vara i do una gugu axap nom levempanga nenia goxo epovo na gu axav i. Una soxolik ka tuvuttadi amgomgo ri lox ase limixin at laraugu lotu keneng at levenmenemen getgesara. Una lox i na, kerekngan nia aga tong i ru gano.

Ibru 11:4

Abel ga ruuna lunuunu, kuren la neni ga raba ne Moroa mi laplavang ga lox avukat ti laramtaba at ne Kaen. Abel ga ruuna lunuunu, kuren la ne Moroa ga emi asu min la ga raba i mi laasen do laradi mokmokso, ap mo laaleng ne Moroa ga siam ka leventamtaba ren. Lunuunu ren move i ngan lampoovo ridik kusu ata mumu asu i, keke i do neni ga met pam.

Jems 3:18

Nedi dik lok lumulum kantubu at limixin, mo lugugu atdi ba pisik asu lorooro nunuan kantubu at limixin axap.

1 Pita 3:15

Ketla keneng at lorooro atnemi mina lok ngangao at ne Karisito, atla neni Leeme Silok. Mina gagas at levenaleng axap ti porang levesusue at limixin at levenaleng dina susue nemi mi levendoxoma lolos atnimi saparap ne Karisito.

1 Pita 3:2

Dinaba ba gili mun lorooro atnedi mumu mun loklox avukat la loklok ngangao atnemi rinedi.

1 Jon 4:10

Labalamu i lok keretna; kopmen dola nedik diga balamu ne Moroa, ketla neni ga balamu dik la ga riki ne Nitna ngan laxaavuk ti ru korop ti laxakapmek atnedik.

1 Jon 4:19

Nedik ta umsu mi labalamu atla ne Moroa ga balamu avot dik.