Lagale Lavavang At Ne Iesu Karisito Jon Ga Malagan I 15:11 - Madak

¹¹ A tong na levempanga rinimi xusu lomomo rak naba nemen keneng at lorooro atnimi, la nom lomomo atnimi naba silok.

Lagale Lavavang At Ne Iesu Karisito Jon Ga Malagan I 15:11 Iomraidhean Croise

Lagale Lavavang At Ne Iesu Karisito Luk Ga Malagan i 15:23

La minat pas la mina lok ka lubulumaxao maxat, la mina sev amer i, la ata lok laanan la ata momo!

Lagale Lavavang At Ne Iesu Karisito Luk Ga Malagan i 15:32

Ketla ata lok leluxa la ata momo, mila netam ga met, ketla ira roo xat amlong pam; neni ga vuktanga, ketla ara vuse ka amlong pam i.”

Lagale Lavavang At Ne Iesu Karisito Luk Ga Malagan i 15:5

La neni ba lok momo aleng la na lok li i at laxaka ren,

Lagale Lavavang At Ne Iesu Karisito Luk Ga Malagan i 15:9

Dola neni na vuse ka i, neni ba xup bubua ka larapen tangas teren la nedi di nemen aurer i, la na lok tidi, ‘A momo aleng mila ara vuse ka vam legesuxuven denarias tarak, no aga xip kepe i. Ata lok leluxa silok!’

Lagale Lavavang At Ne Iesu Karisito Jon Ga Malagan I 16:24

Ga ru ka i gano la ia se nga mo, mi goxo sing ti tevempanga xeneng at laasen tarak. Mina ngising ti tevempanga la miba ruuna ka i, kusu lomomo atnimi naba umsu.”

Lagale Lavavang At Ne Iesu Karisito Jon Ga Malagan I 16:33

Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Lagale Lavavang At Ne Iesu Karisito Jon Ga Malagan I 17:13

Mo nga ana vot pasa u, ketla a tong na levelinga ru at na lavatbung menemen kusu nedi na diba ruuna ka lomomo xerekngan lomomo rak.

Lagale Lavavang At Ne Iesu Karisito Jon Ga Malagan I 3:29

At loklox epot laradi i lok ka latkin tin, ketla lentangas teren i tu saparav i la ing tonga i; i lok momo xusu ri ronga levelinga ap mo laradi. La kerepmo nia a lok momo la lomomo rak i silok.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

2 Korin 1:24

Ma xopara i do mana pu soso nimi ri levelinga salai miba nuunu ren, mila mi tu lolos pam at lunuunu atnimi. Ketla ma gugu xantubu atnimi xusu miba ruuna ka lomomo.

Epesas 5:18

La nemen mita inin tangtangku mi laxadan lolos; mo loklok naba lok kapmek nimi. Ketla mina umsu mi Loroonan Kaala,

Pilipai 1:25

Aklen tinotno i la a xasep do aba nemen. Nenia aba nemen eburu minemi axap, ti lox asilok lususu at lunuunu atnimi, la kusu lomomo na silok keneng at lorooro atnimi.

1 Tesalonia 5:16

Minak lok momo amisik.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Jon 1:4

Nema ma malagan na levelinga nunuan tinimi kusu lomomo atdik naba umsu aleng.

2 Jon 1:12

A ruuna buaang lempapaase xusu ana tong i rinimi. Ketla axo vara i xusu ana malagan i at lovoang mi lavanga mamalagan; kusuk mun a doxoma i do aba vosiga nimi, la ana epaase eburu minimi kusu nedik taba lok momo aleng.