Lagale Lavavang At Ne Iesu Karisito Jon Ga Malagan I 15:10 - Madak

¹⁰ Do mina ronga res at levelinga rak, miba nemen keneng at labalamu rak, kerekngan mun nia agang tonga res at levelinga at ne Tamak la aga nemen keneng at labalamu ren.

Lagale Lavavang At Ne Iesu Karisito Jon Ga Malagan I 15:10 Iomraidhean Croise

Lagale Lavavang At Ne Iesu Karisito Jon Ga Malagan I 10:18

Kopmen teta naba lok pes lorooro rak basinge ia. Aba raba gamasa mun i at lavavara axa rak. La a epovo xusu ri raba lorooro rak la a epovo bok kusu ri roo xat amlong. Ne Tamak ga raba ia mi lololos ti lox i xuren.”

Lagale Lavavang At Ne Iesu Karisito Jon Ga Malagan I 12:49

Anai i ruturun aleng, mila kopmen nenia xusuk mo a paase mi lololos axa rak, ketla ne Tamak neni ga riki ia, ni ga tong lolos mo levelinga ria do nia aba tong i, la langas salai nia aba mu i ri vaase axasev i.

Lagale Lavavang At Ne Iesu Karisito Jon Ga Malagan I 14:15

Do mina balamu ia, minaba lok levempanga nia a tong i.”

Lagale Lavavang At Ne Iesu Karisito Jon Ga Malagan I 14:21

Do nege na siam ka levelinga rak la na ronga res teren, neni laradi i balamu aleng ia. La ne Tamak naba balamu nege tara do na balamu ia. La nenia bok anaba balamu i la ana lox asuvos ia rin.”

Lagale Lavavang At Ne Iesu Karisito Jon Ga Malagan I 14:23

Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.

Lagale Lavavang At Ne Iesu Karisito Jon Ga Malagan I 14:31

Ketla limixin at na lavatbung menemen dinabaklen ka i do a balamu aleng ne Tamak, la nia ak lok levempanga axap kerekngan neni ga tong i ria. Dik ta mo, ata vas kaxat basinge na lenep.”

Lagale Lavavang At Ne Iesu Karisito Jon Ga Malagan I 17:4

Nia agara lox asilok pam laasen taram nade xopok at lavatbung menemen keretna, agara lox epovo vam lugugu uga raba ia min.

Lagale Lavavang At Ne Iesu Karisito Jon Ga Malagan I 4:34

Ketla Iesu ga lok lavapaase poovo ridi, “Leveluxa rak keretna, ana ronga res at lavavara at ne Moroa ga riki ia la ana lox axap lugugu neni ga raba ia min.

Lagale Lavavang At Ne Iesu Karisito Jon Ga Malagan I 8:29

La mo laradi ga riki ia ude, mo ik lox eburu minia, ixo ke xepe xusux ia, mila nenia ak lok amisik levempanga i lox amomo i.”

Lagale Lavavang At Ne Iesu Karisito Jon Ga Malagan I 8:55

Nemi xa xopmen minat kis ekilen mi ne Moroa, ketla nenia at kis ekilen min. Dola nia gita tong i do nia xopmen anat kis ekilen min, nenia a lok ngan laradi xaxarang, kerekngan nimi. Ketla nenia at kis ekilen min, la ang tonga res at levelinga ren.

1 Korin 7:19

La kerepmo loklok ti rivit kepe loxontuxu kopla loklok ti ke xepe i, ni lavanga gamasa mun. Lavanga mun i mumuat ni laradi ing tonga res at levelinga at ne Moroa.

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

2 Pita 2:21

Gitaba lox avukat tinotno rinedi xusu di gitoxoklen langas at lomokmokso; la i lok kapmek tinotno mila di garaklen pam i la melemu diga repukus basinge manga mo levelinga xaala ne Moroa ga raba nedi min.

1 Jon 2:3

Dola nedik ta mu asu levelinga at ne Moroa, i ngan nedik taklen tinotno i do nedik limixin teren.

1 Jon 2:5

Ketla mo do tara na mu asu levelinga at ne Moroa, i lox asuusu i do labalamu at ne Moroa ik lox ampana avukat keneng at lorooro ren. Neni na langas nedik ataba ven asuusu ba i do nedik dit kis esogo mi ne Moroa;

1 Jon 2:6

do taradi na doma i do lorooro ren ik lok keneng at ne Moroa, lavatpas teren na lok ngan tinotno ne Iesu Karisito.

1 Jon 5:3

Do nedik ta ronga res at levelinga ren, i lox asuusu i do dik ta balamu ne Moroa. La noxo lolos tinedik kusu tana mumu asu levelinga ren.

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.