Lagale Lavavang At Ne Iesu Karisito Jon Ga Malagan I 14:2 - Madak

² Buaang lengkontaugu lixilik mo i nemen at loogu at ne Tamak. Mo dola kopmen, nia gita ba tong i rinimi. Anat pas ugo xusu ana lox agagas li lengkot tinimi.

Lagale Lavavang At Ne Iesu Karisito Jon Ga Malagan I 14:2 Iomraidhean Croise

Lagale Lavavang At Ne Iesu Karisito Luk Ga Malagan i 14:22

La lasaxaruki ga lox i xuren la ga lok ti leeme gomgo xeretna, ‘Levelinga ram ara lox epovo vam i, ketla lengkonnin angavang nave ri teventaba.’

Lagale Lavavang At Ne Iesu Karisito Jon Ga Malagan I 13:33

Luvutnuruk. Aba nemen eburu minimi at loxonaleng kakalik mun. La melemu miba reven tia, kerekngan nia aga tong pam i ri leme Judaia; kuren la a tong box i mo rinimi, mo loxot nia anat pas tin, ixo epovo do minat pas uve.

Lagale Lavavang At Ne Iesu Karisito Jon Ga Malagan I 13:36

Simon Pita ga sue i, “Leeme Silok, ubat pas ua?” Iesu ga vorang i rin, “Loxot nia anat pas uve, nenu u noxot pas tin monga, ketla melemu nenu uba mumu ba ia.”

Lagale Lavavang At Ne Iesu Karisito Jon Ga Malagan I 14:28

Mia ronga vam levelinga rak keretna; ‘ana on basinge nimi, ketla anabamlong bok ude saparap nimi.’ Do mina balamu ia, miba momo aleng do nenia anat pas uto at ne Tamak; mila neni i silok aleng tia.

Lagale Lavavang At Ne Iesu Karisito Jon Ga Malagan I 16:4

La a tong pam i na rinimi, do levenaleng na vot kusu dina lok na levempanga, miba doxoma bilong ti na levelinga rak.” La ne Iesu ga lok bok tidi xeretna, “Agoxo vaase i na levempanga at lavakpaxaru kaxat at levenanasa rak tinimi, mila aga nemen eburu minimi.

Lagale Lavavang At Ne Iesu Karisito Jon Ga Malagan I 17:24

Tamak. Uga raba vam ia midi, la a vara i xusu dina nemen eburu minia ap mo lenep nenia ana nemen e, kusu diba ven lisisixam tarak, mo lisisixam nenu ga raba ia min, mila uga balamu ia avot ti luruntudum li at na lavatbung menemen.

Leven Gugu 9:16

La nia aba lox ase i mi mo lempanga ni naba songot teren mumu lunuunu ren saparav ia.”

2 Korin 5:1

Dik atakleklen i do lorooro atdik at na labantuxu noxo nemen abao, ba lok ngan mun loogu xukuxut. Mo do ira rem utut pam, nedik di ruuna lara loogu ro vana at laxalibet ne Moroa ga gagas li vam i ridik la naba tu amisik. Mo loogu limixin di goxo lok i mi levengkikngen di.

1 Tesalonia 5:9

Moroa xopmen goxo soxolik ka nedik kusu tana ekip tangarang mi lebelemamao ren; ketla neni ga soxolik ka dik kusu taba lok kaka loklox arooro at Leeme Silok, ne Iesu Karisito.

Taitas 1:2

la dinam doma voovo ri lorooro avolo. Na lorooro avolo ne Moroa ga tong alii i ganoxa at lereot. La levelinga ren i ruturun tinotno, neni xopmen laradi xaxarang.

Ibru 11:10

Neni ga ronga res mila neni gam doma ngangais ti mo lemenemen silok, bak lox amisik la ne Moroa ga lox agagas mo lemenemen silok ti limixin teren.

Ibru 13:14

mila kopmen temenemen tino ridik nade xopok at lavatbung menemen, ketla nedik ta ngangais ti mo lemenemen ne Moroa ga lox agagas li i ridik.

Ibru 6:20

La kerepmo bok ne Iesu gamgo ridik uto vana xusu na lok lugugu ngan Lamaasa Avolo kerekngan ne Melkisedek, la lugugu at Lamaasa Avolo noxo xap.

Ibru 9:8

Loroonan Kaala i lox ase dik, mumu na lavanga do langas povolo uto saparap ne Moroa goxovisi rem suang, ap mo levenaleng loogu kadis move ga tu.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 21:2

La aga ven lemenemen melemelengan, ni lemenemen maxat Jerusalem, ga si boro vana at laxalibet boro at ne Moroa, ni ga nganang ngan latkin i gagas kusu na epot maxat at latlok teren.

Lisilimet 3:12

Do tara na tu lolos, aba lox i ngan luxus una at loogu laplavang at ne Moroa rak, la ixo epovo rinotno do neni naba vas su basinge i. Aba malagan li laasen at ne Moroa rak teren la laasen orong bok at lemenemen silok at ne Moroa rak. Mo lemenemen silok, ni Jerusalem maxat mo naba ravasi boro vana at laxalibet basinge ne Moroa rak. La aba malagan bok laasen maxat tarak go ren.

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.