Lagale Lavavang At Ne Iesu Karisito Jon Ga Malagan I 13:21 - Madak

²¹ Iesu ga vaase axav i na la lebelen goxo xis saga avukat. La ga lok keretna, “A tong tuturun i rinimi, do lara mo xantubu atnimi naba song araba ia ri limixin kapmek.”

Lagale Lavavang At Ne Iesu Karisito Jon Ga Malagan I 13:21 Iomraidhean Croise

Metiu 26:21

Nedi diga anan la ni ga lok tidi, “Nia a tong tuturun i na rinimi. Legesara mo atnimi naba song araba ia ri limixin kapmek.”

Metiu 26:38

La ni ga lok tidi, “Lorooro rak i umsu mi lainbulu silok mo na lox amer ia. Minak lok de la mina kuxut tooro ia.”

Lagale Lavavang At Ne Iesu Karisito Mak Ga Malagan I 14:18

La diga xis la digara anan, la ne Iesu ga lok tidi xeretna, “A tong tuturun i rinimi, lara atnimi naba song araba ia ri lavamaasa silok. Mo it kis de la i anan eburu minia.”

Lagale Lavavang At Ne Iesu Karisito Mak Ga Malagan I 3:5

La ni ga ven tangtagap tinedi la ga musak di la ga lok bukbulu aleng bok atla lebelen di ga lolos aleng. La ni ga lok ti nom laradi xeretna, “Una song asu mi lakngam.” La nom laradi ga song asu mi lekngen la lekngen ga lox avukat.

Lagale Lavavang At Ne Iesu Karisito Jon Ga Malagan I 11:33

Iesu ga ven i gang teng, la luvuttadi amgomgo bok mo diga emu min digang teng, la lebelen ga lok tuntun aleng.

Lagale Lavavang At Ne Iesu Karisito Jon Ga Malagan I 11:35

La ne Iesu gang teng.

Lagale Lavavang At Ne Iesu Karisito Jon Ga Malagan I 11:38

Lebelen ne Iesu ga lok tuntun amu bok, la neni gat pas uto at lamaaut; mo lamaaut gak lok to at lubuang la lavaruat gak lok pe lungusungus ap mo lubuang.

Lagale Lavavang At Ne Iesu Karisito Jon Ga Malagan I 12:27

La ne Iesu ga lok bok tidi, “Mo nga labalak ixo xis saga la aba tong ka lavanga salai? Agut aba lok do, ‘Tamak, i epovo do una lok kepe na lumumuat basinge ia?’ Kopmen. Nia aga si ude xusu ri beles at na loxonaleng at losongsongot.”

Lagale Lavavang At Ne Iesu Karisito Jon Ga Malagan I 13:18

La ne Iesu ga lok tidi, “Ketla kopmen nemi axap ta miba lok ka loklox anarong. Aklen nedi leventaba agara lok katling pam nedi ngan luvuttadi vavang tarak, ketla legesara mun atnimi, kopmen. Neni ik lok ti lox asorun levelinga xeneng at Lovoang Kaala i lok keretna, ‘Neni mo lara i an eburu minia at loxongkide, ira raba vam ia ri limixin kapmek.’ Sam 41:9

Lagale Lavavang At Ne Iesu Karisito Jon Ga Malagan I 13:2

Iesu eburu mi luvuttadi loklok ka anasa ren digat kis eburu at laanan ga ukantinao. La ne Satan ga li vam lodoxoma ro xeneng at ne Judas Iskariot, lamdak at ne Simon do neni naba song araba ne Iesu ri limixin kapmek.

Lagale Lavavang At Ne Iesu Karisito Jon Ga Malagan I 13:22

Luvuttadi loklok ka anasa ren diga epen etang, di goxoklen i do, Iesu ga paase mumu nege.

Leven Gugu 17:16

Pol ga nemen tangais ne Sailas mi ne Timoti ro Atens, ni ga bulu aleng mila ni ga ven i do mo lemenemen ga umsu mi laxampoovo moroa.

1 Jon 2:19

Gano diga nemen eburu minedik ngan limixin at ne Iesu Karisito. Ketla nedi goxopmen limixin teren; kuren la diga on basinge dik. Nedi do gita nuunu at ne Iesu Karisito, nedi gitoxo on basinge dik. Ketla diga on basinge vam dik, kuren la dik ta xasep do nedi xopmen at ne Iesu Karisito.