Lagale Lavavang At Ne Iesu Karisito Jon Ga Malagan I 1:51 - Madak

⁵¹ La ni ga lok bok tidu, “A tong tuturun i rinumu do muba ven laxalibet na rem suang la muba ven lubung angelo at ne Moroa dinat pas si la dinat pas urut uto saparav ia Laradi Mevana.”

Lagale Lavavang At Ne Iesu Karisito Jon Ga Malagan I 1:51 Iomraidhean Croise

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Metiu 26:24

Nenia, Laradi Mevana, anaba met kerekngan Lovoang Kaala i tong i, ketla naba lok kapmek aleng ti mo laradi naba song araba ia ri limixin kapmek. Giba lox avukat do nenen gitoxo visik ka i.”

Metiu 3:16

Melemu at ne Jon ga sep susu ne Iesu, neni ga vas urut basinge ladan la uto at lisigege dan. La ne Moroa ga suang laxalibet ti ne Iesu, la neni ga ven Loroonan at ne Moroa ga si boro vana la ukopok; ga ven ngan ta lamno la gasga ne Iesu.

Metiu 4:11

La ne Satan ga on basinge i, la lubung angelo diga vot la diga lox alolos i.

Metiu 8:20

La ne Iesu ga lok tin, “Lubungman sio di ruuna lengkot mikmidi atdi, la lavapixa di ruuna levempotpos atdi, ketla nenia, Laradi Mevana, axo ruuna temenemen kusu ria rik midi la na lok mamana ren.”

Metiu 9:6

Ketla a vara minaklen i do nenia, Laradi Mevana, a ruuna lololos at na lavatbung menemen kusu ri doxoma xepe leveloklok kakapmek.” La ne Iesu ga vaase bok ti mo laradi xeretna, “A tong i ru, una xatu upana la una xip kaka loora ram la una vas kaxat uto xolonu.”

Lagale Lavavang At Ne Iesu Karisito Mak Ga Malagan I 1:10

La ne Iesu ga vas basinge ladan la soso mun neni ga ven laxalibet ga rem suang, ga ven bok Loroonan Kaala ga lok ngan lamno ga rava si, la gasga i.

Lagale Lavavang At Ne Iesu Karisito Mak Ga Malagan I 14:62

La ne Iesu ga vorang i rin keretna, “Nenia vam. La nemi minaba ven ia, Laradi Mevana, anabat kis saparap lekngen tino at ne Moroa i lolos aleng la anaba vot eburu mi lenbantakabu boro vana at laxalibet.”

Lagale Lavavang At Ne Iesu Karisito Luk Ga Malagan i 2:13

La soso mun, buaang nedi lubung angelo boro vana at laxalibet diga vot eburu mi mo laangelo, diga emi asu saparap ne Moroa; la diga lok keretna,

Lagale Lavavang At Ne Iesu Karisito Luk Ga Malagan i 2:9

La laangelo at ne Moroa ga vot saparap di, la lisisixam at ne Moroa ga so axasep nedi la ga vung kamit mo loxot axap. La diga marat aleng tinotno.

Lagale Lavavang At Ne Iesu Karisito Luk Ga Malagan i 22:43

[La laangelo ga vot saparav i, ga si boro vana at laxalibet kusu na raba i mi lololos.

Lagale Lavavang At Ne Iesu Karisito Luk Ga Malagan i 22:69

Ketla i ru ka nga i mo lingina, nenia, Laradi Mevana, anabat kis to saparap lekngen tino at ne Moroa i lolos aleng.”

Lagale Lavavang At Ne Iesu Karisito Luk Ga Malagan i 24:4

Diga tu go la diga rakdu aleng mumu i na, la soso mun legepu radi mi leventamon atdu gam games aleng, duga ru saparap di.

Lagale Lavavang At Ne Iesu Karisito Luk Ga Malagan i 3:21

Avot ti loxokoxo at ne Jon, ni ga sep susu limixin. At lara laaleng ni ga sep susu bok ne Iesu. Laxalibet ga rem suang ap mo loxonaleng neni ga lok lising.

Lagale Lavavang At Ne Iesu Karisito Jon Ga Malagan I 1:50

Iesu ga lok tin, “U nuunu mene rak mila nenia a tong i ru do a ven u ro maxopok at luuna pik. Uba ven levempanga silok aleng ti na lavanga.”

Lagale Lavavang At Ne Iesu Karisito Jon Ga Malagan I 10:1

La ne Iesu ga lok bok tidi, “A tong tuturun i rinimi; laradi do ixok beles at lumusmarakom at loroboro at laxasipsip, ketla i xot lixa at lengkot petpes, neni laradi xipkip pilo la laradi saksak paxat panga.

Lagale Lavavang At Ne Iesu Karisito Jon Ga Malagan I 10:7

Kuren la ne Iesu ga lok manga, “A tong tuturun i rinimi. Nenia lumusmarakom ti laxasipsip.

Lagale Lavavang At Ne Iesu Karisito Jon Ga Malagan I 13:16

A tong tuturun i rinimi, kopmen tasaxaruki na silok ti laradi gomgo ren, kopla laradi xipkip linga na silok ti lara ga riki i.

Lagale Lavavang At Ne Iesu Karisito Jon Ga Malagan I 13:38

La ne Iesu ga vorang i rin, “Kereva, u epovo ri raba ruturun lorooro ram tia? A tong tuturun i ru, avot ti laxaxak naba reng ningina nubung la unaba sev apkap naba vantun do uxoklen ia.”

Lagale Lavavang At Ne Iesu Karisito Jon Ga Malagan I 14:12

A tong tuturun i rinimi do nege i nuunu rak, neni naba lok levempanga i ngan nia agak lox i. Neni naba lok levempanga i silok aleng ti mo levempanga nia agak lox i, mila nia anat pas uto vana at ne Tamak.

Lagale Lavavang At Ne Iesu Karisito Jon Ga Malagan I 16:20

A tong tuturun i rinimi do, mibang teng la mina saxaanu. Ketla limixin at na lavatbung menemen diba momo; miba bulu, ketla lainbulu atnimi naba rem gili ri lomomo.

Lagale Lavavang At Ne Iesu Karisito Jon Ga Malagan I 16:23

Do mo laaleng na vot, nemi noxo sue bok ba ia ri tavanga. A tong tuturun i rinimi, ne Tamak naba raba nimi mi levempanga salai nemi miba sing tin keneng at laasen tarak.

Lagale Lavavang At Ne Iesu Karisito Jon Ga Malagan I 21:18

A tong tuturun i. Ga se nenu laau maxat mene, uga siga lempanga singsiga ram la ugat pas mu lavavara ram. Ketla do una sioxo, ubang song asu mi lukngam la tara vetpes nabak paxasiga u la dibam lam ka u uto at lengkot u noxopara unat pas uve.”

Lagale Lavavang At Ne Iesu Karisito Jon Ga Malagan I 3:3

Iesu ga vorang i rin keretna, “A tong tuturun i na ru; do tara noxo lok kaka livipisik amaxat, neni noxo vubeles at Linintoo at ne Moroa.”

Lagale Lavavang At Ne Iesu Karisito Jon Ga Malagan I 3:5

La ne Iesu ga vorang i rin, “A tong tuturun i na ru; do tara noxo lok kaka lesep susu la noxo lok kaka lorooro maxat boro at Loroonan Kaala, neni noxo beles at Linintoo at ne Moroa.

Lagale Lavavang At Ne Iesu Karisito Jon Ga Malagan I 5:19

La ne Iesu ga lok tidi, “A tong tuturun i rinimi, nenia ne Nitna xopmen anak lok tevempanga mi lololos axa rak; nenia ak lok mun levempanga salai nenia a ven i at ne Tamak. Levempanga salai ne Tamak ik lox i, nenia ne Nitna bok ak lox i.

Lagale Lavavang At Ne Iesu Karisito Jon Ga Malagan I 5:27

La neni ira siam avolo vam ia, ne Nitna xusu anaba ronga linga at laaleng ete, mila nenia Laradi Mevana.

Lagale Lavavang At Ne Iesu Karisito Jon Ga Malagan I 6:26

Iesu ga vorang i ridi xeretna, “A tong tuturun i rinimi. Mi reven pupuse ria mila miga anan levengkongkide la nemi axap miga an mais teren, ketla kopmen do miga xasep avukat at lavasuun at levempanga sangsangu nenia aga lox i.

Lagale Lavavang At Ne Iesu Karisito Jon Ga Malagan I 6:32

Iesu ga lok tidi, “A tong tuturun i rinimi. Ne Moses goxo raba nemi mi lakde boro vana at laxalibet, ketla ne Tamak axa im taba nemi mi lakde ruturun boro vana at laxalibet.

Lagale Lavavang At Ne Iesu Karisito Jon Ga Malagan I 6:47

A tong tuturun i rinimi; do tara na nuunu rak, neni naba ruuna ka lorooro avolo.

Lagale Lavavang At Ne Iesu Karisito Jon Ga Malagan I 6:53

Iesu ga lok tidi, “A tong tuturun i rinimi. Do mi noxo anan at levenuut tarak, Laradi Mevana, la mi noxo inin at lada rak, mi noxo ruuna ka lorooro.

Lagale Lavavang At Ne Iesu Karisito Jon Ga Malagan I 8:34

Iesu ga lok tidi, “A tong tuturun i rinimi. Do tara i lok laxapmek, neni lasaxaruki at laxapmek.

Lagale Lavavang At Ne Iesu Karisito Jon Ga Malagan I 8:51

A tong tuturun i rinimi. Do tara na ronga res at levelinga rak, neni noxo seeve.”

Lagale Lavavang At Ne Iesu Karisito Jon Ga Malagan I 8:58

Iesu ga vorang i ridi xeretna, “A tong tuturun i rinimi. Gano ne Abaram goxovisi vot, nenia mo aga nemen pam.”

Leven Gugu 10:11

Neni ga ven laxalibet ga rem suang la neni ga ven lara lavanga ga si boro vana at laxalibet ga lok ngan lavattamon silok, mo lavanga ga ruuna lavanuet mesuluk la diga lox asi i uto xopok saparap ne Pita.

Leven Gugu 7:56

Ni ga lok, “Mina ven i! Nia a ven laxalibet i rem suang; la Laradi Mevana i tu ro at lekngen tino at ne Moroa.”

2 Tesalonia 1:7

La neni naba lok kepe levesongsongot basinge nimi la atnema bok ap mo laaleng Leeme Silok, ne Iesu naba si ukopok boro vana at laxalibet. Neni ba vot eburu mi lubungangelo lolos teren la lisisixam silok, naba soosoo ngan laxao bokbolot.

2 Tesalonia 1:9

La Leeme Silok naba raba di mi lumumuat i silok aleng la dibap kip amisix i. Diba nemen amisik to vetpes basinge lemeren Leeme Silok la di noxo suma lololos avukat at ne Moroa.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Ibru 1:14

Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

Lovoang At Ne Jut 1:14

Enok ni laradi sepsev avanna melemu at ne Adam, la neni ga paase alii mumu nom luvuttadi kapmek. Ni ga lok keretna, “Mina reven avukat. Leeme Silok naba rupot eburu minedi buaang limixin dadat teren,

Lisilimet 19:11

La nia aga ven laxalibet ga rem suang la aga ven lara lavaros bunbun. La mo laradi gat kis go mavana ren, laasen teren, ne Luruturun. Lodoxoma ren ik mokso la kerepmo neni laradi ing tonga linga la ik paxaru kaxat levenesep.

Lisilimet 4:1

Melemu at na, aga ven manga lara lisilimet; maxeneng teren aga ven lara lumusaragu ga rem suang to vana at laxalibet. La aga ronga laxaka at lara xerekngan no avot nia aga ronga i, gang teng ngan luru; ga lok tia, ‘Ude vana u, la ana lox ase u mi lempanga naba rupot melemu at nai.’