Lagale Lavavang At Ne Iesu Karisito Jon Ga Malagan I 1:12 - Madak

¹² Ketla nedi diga siam ka i la diga nuunu ren, ni ga lok li nedi ngan tinotno luvutnitna ne Moroa.

Lagale Lavavang At Ne Iesu Karisito Jon Ga Malagan I 1:12 Iomraidhean Croise

Metiu 10:40

La ne Iesu ga lok bok tidi, “Do nege i seega rangarang nemi, neni i seega rangarang ia; la do nege i seega rangarang ia, neni i seega rangarang ne Moroa mo ga riki ia ude at na lavatbung menemen.

Metiu 12:21

La levenabung mixin axap diba nuunu at laasen teren.’ Ais 42:1-4

Metiu 18:5

La do nege i seega rangarang tamdak keretna at laasen tarak, i lok ngan ta do neni i seega rangarang ia.”

Lagale Lavavang At Ne Iesu Karisito Jon Ga Malagan I 1:11

Neni gat pas uto at lubungmixin teren, ketla limixin axa ren di goxo siam ka i.

Lagale Lavavang At Ne Iesu Karisito Jon Ga Malagan I 1:7

Ga vot kusu na paase ri limixin mumu nom laxasep, kusu nedi diba ronga i la dina nuunu at laxasep.

Lagale Lavavang At Ne Iesu Karisito Jon Ga Malagan I 11:52

la kopmen tinedi xusuk, ketla tinedi bok limixin kopmen di me Judaia no diga epeseves la neni naba lox asi buru du ngan legesa bungmixin.

Lagale Lavavang At Ne Iesu Karisito Jon Ga Malagan I 2:23

At laaleng ne Iesu ga nemen to Jerusalem at leluxa at Lovovolo Pe, buaang nedi limixin diga nuunu at laasen teren atla diga ven mo levempanga sangsangu ren.

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Lagale Lavavang At Ne Iesu Karisito Jon Ga Malagan I 3:18

Do nege i nuunu at ne Nitna, neni noxo lok kaka loxokoxo; do nege xopmen na nuunu, neni ira sok ka vam loxot tin, mila neni xopmen na nuunu at legesa madak mun at ne Moroa.

Leven Gugu 3:16

At lunuunu mun at laasen at ne Iesu la na laradi mi ven i la miklen i, ira lok ka lolos maxat keneng at luxangkedek teren. Lunuunu keneng at laasen at ne Iesu na, i lox aroo na laradi de melamgo atnimi axap.

Lovoang At Ne Pol Ti Limixin Nunu to Rom 8:14

Nedi no Loroonan at ne Moroa i sasat nedi, nedi luvutnitna ne Moroa,

Lovoang At Ne Pol Ti Limixin Nunu to Rom 8:16

Loroonan at ne Moroa i tu buru mi leventoonan atnedik, kusu ri lox asuusu i do nedik luvutnitna ne Moroa.

Lovoang At Ne Pol Ti Limixin Nunu to Rom 8:19

Lempanga axap at ne Moroa ga rudum li di, di ngangais tinotno kusu ne Moroa na lox asuvos tinotno luvutnitna.

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.

Galesia 4:6

Nedik luvutnitna ne Moroa, kuren la neni ga riki asu Loroonan i nemen keneng at ne Nitna ukeneng ti lorooro atnedik, la neni mo Loroonan ik lok nedik la diram doma su at ne Temen nedik la dira toro rin keretna, “Tamak, Tamak!”

Kolosi 2:6

Nemi miga siam kaka ne Iesu Karisito ngan Leeme Silok atnimi, kuren la minat kis esogo eburu min.

2 Pita 1:4

Keneng at na lempanga, neni gara raba vam nedik mi leventamtaba i nunuan aleng, neni ga tong li i rinedik, kusu na leventamtaba naba beng pe nemi basinge levendoxoma xapmek at na lavatkangka la lavavara xapmek, la kusu na leventamtaba naba lam kaka nemi xusu minaba ruuna xaka luruptuvuk nunuan la minak mokso kerekngan neni.

1 Jon 3:1

Labalamu at ne Temen dik i silok aleng, ni gara lok asuusu vam i ridik keretna. Neni ga soxot nedik do luvutnitna ne Moroa. La i ruturun tinotno, nedik luvutnitna ne Moroa. Limixin at na lavatkangka dixokleklen ne Moroa; kuren la nedi xopmen dinaklen bok dik.

1 Jon 3:10

Anai i lox axasep dik do nege di luvutnitna ne Moroa, la nege bok di luvutnitna ne Satan. Lara do i lok tavanga kopmen nak mokso, kopla kopmen na balamu neton, neni xopmen ne nitna ne Moroa, ketla neni ne nitna ne Satan.

1 Jon 3:2

Larapen tangas orong tarak. Mo nga nedik luvutnitna ne Moroa, ketla kovisi bok ata xasep do nedik taba lok tinotno xereva. Ketla nedik takleklen i do at laaleng ne Iesu na ru asuvos, nedik taba lok ngan i mila ataba epen etang tinotno ba min.

1 Jon 3:23

La levelinga ren tidik i lok keretna, nedik tana nuunu at laasen at ne Nitna, neni ne Iesu Karisito la atana ebalamu ela kerekngan ne Iesu ga tong i ridik.