Lagale Lavavang At Ne Iesu Karisito Jon Ga Malagan I 1:1 - Madak

¹ Ganoxa at lereot lavapaase mo gara nemen pam; la neni gak lox eburu mi ne Moroa, la neni ga epovo mun mi ne Moroa.

Lagale Lavavang At Ne Iesu Karisito Jon Ga Malagan I 1:1 Iomraidhean Croise

Sam 45:6

Mo lixitkis amgomgo ne Moroa ga raba u min, naba nemen amisik la kopmen noxo xap. Nu um gomgonga limixin taram mi levelinga mokmokso.

Metiu 1:23

‘Tatkin maxat naba balan madak la naba visik tamdak temes la limixin diba so asen i mi ne Emanuel.’ Ais 7:14 Lavasuun teren do, ‘Moroa eburu midik.’

Lagale Lavavang At Ne Iesu Karisito Luk Ga Malagan i 24:53

La at levenaleng axap diga nemen to at loogu laplavang diga veemi asu mi ne Moroa.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 1:18

Tara goxovisi ven ne Moroa. Ne Nitna xusuk mun, neni i epovo mi ne Moroa, neni it kis esogo mi ne Temen la neni xa ga paase axasep dik mi ne Moroa.

Lagale Lavavang At Ne Iesu Karisito Jon Ga Malagan I 1:2

Boro xa at lereot, lavapaase gak lox eburu mi ne Moroa.

Lagale Lavavang At Ne Iesu Karisito Jon Ga Malagan I 16:28

Agat pas boro at ne Tamak la aga vot nade at na lavatbung menemen; la mo nga ana on basinge na lavatbung menemen la anamlong manga uto at ne Tamak.”

Lagale Lavavang At Ne Iesu Karisito Jon Ga Malagan I 17:5

La mo nga, Tamak, una lox asilok laasen tarak to melamgo ram, la kerepmo una lox asuusu lisisixam tarak aga ruuna avor i ri luruntudum li at na lavatbung menemen, at levenaleng aga nemen eburu minu.”

Lagale Lavavang At Ne Iesu Karisito Jon Ga Malagan I 20:28

La ne Tomas ga lok tin, “Nenu Leeme Silok tarak la lo Moroa rak.”

Lagale Lavavang At Ne Iesu Karisito Jon Ga Malagan I 8:58

Iesu ga vorang i ridi xeretna, “A tong tuturun i rinimi. Gano ne Abaram goxovisi vot, nenia mo aga nemen pam.”

Lovoang At Ne Pol Ti Limixin Nunu to Rom 9:5

Nedi lubungmixin diga ravasu at loxongkulao silok at ne Moroa me gano. La ne Karisito, neni ga vot ngan laradi, neni at nedi na lubungmixin. Ata emi asu mi laasen at ne Moroa neni i lok tatao lempanga axap la kopmen taxavaxap teren! Tuturun.

Epesas 3:9

kusu nedi eburu mi limixin axap diba xasep ap mo levelinga lipe, ni mo levelinga ne Moroa ga raba ia min kusu ana tong asu i. Nom levelinga Moroa ga lipe i gano la ga nemen kuren at laxanmaares buaang, ga ru ka i at levenaleng ne Moroa ga rudum li lempanga axap.

Pilipai 2:6

Neni gat pas mi lamakmaran at ne Moroa, ketla neni goxo doma i do mi lololos axa ren la neni naba silok ngan ne Moroa.

Kolosi 1:15

Karisito neni lampoovo at ne Moroa nedik kopmen tana reven tu ren. Neni lanat meren avot, la i silok tinedi levempanga ne Moroa ga rudum li di.

Kolosi 1:17

Karisito ga rooro avot ti nom lempanga axap, la neni lusu auru atdi.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Ibru 13:8

Diga nuunu do ne Iesu Karisito ixok lox ekun levelinga ren; levelinga ren ga sorun gano la i sorun lingina la naba sorun bok melemu.

Ibru 7:3

Nedik kopmen ataklen leretere at ne temen mi nenen la leretere at lavalabat teren, la dik taxoklen i do diga visix i la ni ga met lingisa. La kerepmo Nitna ne Moroa i lok ngan ne Melkisedek, mo i nemen amisik ngan lamaasa.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.

1 Jon 5:7

Kerepmo na lavantun lempanga i lox asuusu i.

Lisilimet 1:11

La mo laxaka linga ga lok, “Una lok kaka lugun la una malagan asu na lempanga nenu uba ven i; la una lox aonon i uto at lavanuti leventaugu lotu, tara uto Epesas, la tara uto Smena, la tara uto Pegamam, la tara uto Taiataira, la tara uto Sadis, la tara uto Piladelpia, la tara bok uto Lodisia.”

Lisilimet 1:17

Se nia aga ven i, aga subu saparap luxangkedek teren la nia aga met aroo. Ketla ni ga sogo tu rak mi lekngen tino, la ni ga lok tia, “Nemen gat uta marat. Nenia mun Lurutu Kaxat la Lumumupit.

Lisilimet 1:2

la neni naba tong asu mo lempanga axap ni ga ven i. La anai, ni levelinga boro at ne Moroa, la mumu bok mo levelinga ruturun ne Iesu Karisito ga vaase i.

Lisilimet 1:8

Moroa Leeme Silok atdik ga lok keretna, “Nenia mun Lurutu Kaxat la Lumumupit at lempanga axap. Nia aga nemen gano, a nemen lingina, la anaba vot bok melemu. Nenia a lolos aleng.”

Lisilimet 19:13

La mo lavanga singsigaara ren i umsu mi lada la laasen ap mo laradi ne ‘Levelinga at ne Moroa.’

Lisilimet 2:8

Leeme Silok ga lok bok tia, “Una malagan na levelinga ri laangelo ik lok tatao limixin lotu to Smena. ‘Anai ni levelinga ap mo lara neni Lurutu Kaxat la Lumumupit, mo ga met ketla gara roo xat amlong pam.

Lisilimet 21:6

La ni ga lok bok, “Ara lox empampana vam lugugu rak; nenia Lurutu Kaxat la Lumumupit. Aba vaxain nedi limixin do di minu mi mo ladan i puvut su boro at lavatturunen at ladan at lorooro la kopmen di noxo un i.

Lisilimet 22:13

Nenia Lamgomgo la Laxavaxap, Lurutu Kaxat mi Lumumupit.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.