Jems 4:8 - Madak

⁸ Nemi mina nemen auret ne Moroa la ni naba nemen tino eburu minimi. Nemi luvuttadi at laxakapmek, lorooro atnimi na maxat bilong, i ngan laradi i gos lukngen la ira maxat manga. Nemi mi ruuna legepu doxoma, mina lok pes nom levendoxoma xapmek basinge lorooro atnimi.

Jems 4:8 Iomraidhean Croise

Sam 119:113

Axo esuxun minedi dixo ruturun tinotno ru; ketla labalak i tu mun Lenavolo ram.

Sam 145:18

Neni ik lok saparap nedi mo di ngising tin, nedi mo di ngising tin mi luruturun.

Sam 18:20

Leeme Silok im taba ia mi luunun atla nia laradi mokmokso la ni ik lox anarong ia atla nia laradi sepsen.

Sam 24:4

Nedi mene di dadat at loklok atnedi la lodoxoma atnedi, la kopmen dina lotu saparap laxampoovo moroa la kopmen dina tong asu levengkakaape xaxarang.

Sam 26:6

O Leeme Silok, na a gos lukngak ti lox asuusu i do nia laradi sepsen. La at pas emi asu kangkan loxonin laplavang taram.

Sam 51:10

O Moroa, una lox amaxat labalak, la una lox aumsu lorooro rak mi lodoxoma maxat mo ik mokso.

Sam 73:13

Kereva ba nenia, aga kok avukat gamasa mene lorooro rak, la agoxo lok laxapmek?

Sam 73:28

Ketla nenia, i lox avukat tinotno atla a nemen saparap ne Moroa, ni Lurutu See Pa rak. Neni Leme Silok, Loorong Avolo. La i lox avukat tinotno bok mo do a paase asu lempanga axap neni gara lok pam i!

Metiu 12:33

Luuna avukat, ni i pisik larapeven una avukat. Luuna xapmek, ni i pisik mun larapeven una kapmek; limixin di ven kibis luuna at larapeven teren i pisik asu i.

Metiu 15:2

“Tila ba luvuttadi loklok ka anasa ram di ronga xepe leveloklox ase at lavalabat atdik? Dixo sogos avot be levengkikngen di la melemu dina anan.”

Metiu 27:24

Paelat ga ven kibis i do limixin di goxopara na ronga levelinga ren, la diga lok do dina ru kaxat ka leesep. Kuren la neni ga lok ka loxodan la ga gos lukngen to melamgo at limixin la ga lok tidi, “Kopmen tekot tarak at na. Lavanga mun atnimi.”

Leven Gugu 15:9

Moroa ga lok legesa ngas mun ti lorooro rinedik limixin me Judaia la tinedi limixin kopmen di me Judaia; ni ga gos amaxat lebelen di mila diga nuunu ren.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

1 Timoti 2:8

A vara i do lavatlok at levengkot axap dina ngising amisik, la dina song aurut mi levengkikngen di upana keneng at levesingising atdi la kopmen teven mukmusak la levenedak noxo nemen at lorooro atnedi.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 7:19

la Lenavolo xopmen goxo epovo na lox adadat limixin basinge laxakapmek. La ne Moroa ga lok li langas maxat, i lox avukat ti Lenavolo la maxeneng ap mo langas maxat, i epovo do tana xis esogo mi ne Moroa.

Jems 1:8

Neni xopmen na epovo ri lox alii lodoxoma at lorooro axap teren la ni xopmen na epovo ri lox aulis lunuunu ren parap ne Moroa.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 3:21

la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,

1 Jon 3:3

Nedi axap di ngangais mi lomomo ti mo laaleng, amisik di lok kepe laxakapmek at lorooro atdi kusu dina dadat basinge laxakapmek la lorooro atnedi naba dadat axap kerekngan ne Iesu.