Jems 4:4 - Madak

⁴ Loklok atnimi i lok ngan loklok at laradi ing longka tixin. Do laradi i vara mu loklok at na lavatkangka, neni i sok tixirixes kepe ne Moroa. Kerepmo la laradi i vara na etangas mi loklok at na lavatkangka, neni i munepen mi ne Moroa.

Jems 4:4 Iomraidhean Croise

Sam 21:8

Loorong naba xoxo alis ka limixin axap di munepen min, la ni naba xoxo alis axap nedi di velox angtungun min.

Sam 50:18

Mi etangas mi luvuttadi xipkip pilo, la mi vemu eburu mi limixin longlongka.

Sam 73:27

Nedi di doxoma xepe u, ne Moroa, dinaba seeve. Unaba sele utut nedi di babala vukpux u mi lorooro atnedi.

Metiu 12:39

La ne Iesu ga lok tidi xeretna, “Limixin at na levenaleng nedi limixin kakapmek tinotno. Di sue ri tavanga sangsangu, ketla kopmen a noxo lok tara ridi, ketla diba doma mumu mun leretere at leeme vapaase alii, ne Jona.

Metiu 16:4

Limixin kapmek mo di on basinge vam ne Moroa, di vara tavanga sangsangu, ketla nia noxo lox ase di mi tara, ketla mina doma mumu loklok katling at ne Jona, no ga nemen at lavantun aleng kangking la lavantun aleng kanimin to xeneng at lebelen leemat.” La ne Iesu ga vas kaxat basinge di.

Metiu 6:24

Kopmen tara i epovo na nemen ngan lasaxaruki at legepu radi; neni naba ke xepe lara la na balamu mo lara; neni naba ruturun ti lara, la ni na sok tixirixes mo lara. Kopmen na epovo do tara na nemen ngan lasaxaruki at ne Moroa la lebelen na ngaongao mu lempilas.

Lagale Lavavang At Ne Iesu Karisito Luk Ga Malagan i 19:27

Ketla tinedi na limixin di munepen minia, la di goxopara i xusu nenia loorong silok atdi, mina lam kaka di ude la mina sev amet di de melamgo rak!”

Lagale Lavavang At Ne Iesu Karisito Jon Ga Malagan I 15:19

Ketla nia aga soxolik ka nimi basinge na lavatbung menemen. Do nemi mede at na lavatbung menemen, limixin diba vara aleng nimi. Ketla kopmen nemi mede; kuren la limixin at na lavatbung menemen diba belemamao nimi.

Lagale Lavavang At Ne Iesu Karisito Jon Ga Malagan I 17:14

Nia aga raba vam di mi levelinga ram ketla limixin at na lavatbung menemen diga sok tixirixes di, mila nedi xopmen di mede at na lavatbung menemen, kerekngan nenia xopmen ia mede.

Lagale Lavavang At Ne Iesu Karisito Jon Ga Malagan I 7:7

mila limixin at lavatkangka di noxo musak nimi; ketla diba musax ia, mila nia a tong amisix i do loklok atdi i lok kapmek.

Lovoang At Ne Pol Ti Limixin Nunu to Rom 5:10

Nedik diga munepen mi ne Moroa, ketla neni ga vaxat ka buru nedik saparav i mumu lanmet at ne Nitna. La amo nga Moroa ga lok lumulum eburu minedik, i epovo rinotno do nedik ataba roo suu mumu lorooro at ne Karisito.

Lovoang At Ne Pol Ti Limixin Nunu to Rom 8:7

Limixin dinaba ravasu ngan lavamunepen mi ne Moroa do, levendoxoma atdi na mumu asu mun lavavara at labantuxu atdi. Kopmen dina ronga res at levelinga at ne Moroa, la ixo epovo rinotno do dina ronga res teren.

1 Korin 1:20

La kereva ba levelinga at limixin dokdoxoma? La kereva ba levelinga at limixin akleklen? La kereva ba levelinga at limixin di etep mi levelinga at na lavatbung menemen? Moroa ira lox asuusu vam i do levelinga at na lavatbung menemen ni lavanga gamasa.

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

Galesia 1:10

Nenia xopmen ana vaase i na xusu do ti lok limixin diba lok momo minia, kopmen tinotno. Nenia a vaase i na xusu ti lox amomo ne Moroa. La nenia kopmen ana vaase i na xusu limixin dinaba emi asu minia. Kopmen. Do nenia gita lox i xuren, ixo epovo bok do nenia giba lok ngan lasaxaruki at ne Karisito.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.