Jems 4:2 - Madak

² Nemi mi vara levempanga, ketla kopmen mina epovo ri lok kaka i. Nemi mi sev amet limixin la mi ngaongao ri lempanga at lentaba vetpes, ketla kopmen mina epovo ri lok kaka nom levempanga mi vara rin. Mi vetep mi levelinga la mi vesep. La kopmen mina lok kaka tempanga avukat mila kopmen mina ngising ne Moroa rin.

Jems 4:2 Iomraidhean Croise

Lagale Lavavang At Ne Iesu Karisito Jon Ga Malagan I 16:24

Ga ru ka i gano la ia se nga mo, mi goxo sing ti tevempanga xeneng at laasen tarak. Mina ngising ti tevempanga la miba ruuna ka i, kusu lomomo atnimi naba umsu.”

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Jems 1:5

Ketla do tara atnimi ik pakes ti lodoxoma avukat, ni na sing ne Moroa, atla ne Moroa naba raba aleng i min; Moroa im taba buaang lempanga ri limixin getgesara la neni xopmen noxo rebeng alis toxot teren mumu loklok atdik.

Jems 5:6

Nemi mi lok li limixin avukat at lavapaase la mip sev amet nedi di goxo lok taxakapmek; la kopmen dina tu ebelen eburu minimi.

1 Jon 3:15

Do tara ik milik angtungun ti neton, neni i lok ngan laradi sepsev amet tadi, la atakleklen i do laradi sepsep amet tadi kopmen torooro avolo rin.