Jems 3:9 - Madak

⁹ Mi leven gam atdik nedik di xip aurut laasen at ne Moroa, ne temen dik. La nedik di paase kapmek bok min ti limixin petpes no ne Moroa ga rudum li di kerekngan lampoovo ren.

Jems 3:9 Iomraidhean Croise

Sam 10:7

Levempapaase ren i umsu mi lavapaase aksaksa, laxaxarang la levelinga xikiilu, la i paase asu soso mun levelinga bilinga.

Sam 108:1

O Moroa. Labalak it kis saga ram. Anak pixan tu, la ana emi asu minu mi lorooro axap tarak. Labalak, una aus!

Sam 145:1

Moroa, nenu Loorong Silok tarak. Anaba tong asuusu laasen silok taram atla nenu Loorong Silok la ne Moroa rak; anaba tong avukat amisik tu la a noxo xap tinotno ri tong avukat.

Sam 145:21

Anaba emi asu amisik mi Leeme Silok la mo lempanga axap ua neni ga rudum i, dina emi asu amisik mi laasen melemelengan teren.

Sam 16:9

Kuren la nia a tong loklok avukat tu, Leeme Silok; la a momo la kopmen tinotno nia na marat tangarang ka tepanga,

Sam 30:12

Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.

Sam 34:1

Nia anaba tong loklok avukat amisik ti Leeme Silok, la a noxo xap mun at leges aleng ti emi asu min.

Sam 35:28

La kerepmo nia anaba tong asu lomokmokso ram, la anaba emi asu minu at levenaleng axap.

Sam 51:14

O Moroa, una lok tooro ia xusu nia a noxo met la una lox asepsu ia basinge laniu; la nia anaba tong asu ba loklok manmanton taram mi lomomo.

Sam 57:8

Lodoxoma rak, una xatu kaxat. Loxontaaleng tarak mi ligita, muna gagas. Nia anaba sak aus laxangking at labara koxot mi loxompixan.

Sam 59:12

Laxakapmek i nemen mene at levenngusno di; levelinga axap atnedi i lok kapmek. I lox avukat do dina onon at larapelixo mumu latlas atnedi. Di paase xapmek la di xaxarang;

Sam 62:4

Mi vara mene i do mina lox asi i basinge nom loxot kitkis silok teren; mi lok momo rik lox asuusu levelinga xaxarang. Mi paase asu levelinga loklox anarong, ketla keneng at lebelen nimi mim doma ali nemnem saxaek tin.

Sam 63:4

Nia anaba tong loklok avukat tu at levenmaares nia ana rooro ren, la anaba xip aurut lukngak do ana sing u.

Sam 71:24

At levenaleng axap anaba paase asu loklok manmanton taram, atla ugara sev asi vam nedi ua diga vara i do dina lok kapmex ia; uga sak tup midi la nanga dira baava.

Metiu 26:74

La ni ga vangpe mi levelinga vangpangpe xeretna, “Levelinga rak i ruturun; do xopmen, ne Moroa naba lox asongor ia. Nia axoklen mo laradi.” La soso mun laxaxak ga reng.

Metiu 5:44

Ketla mo nga ana tong i rinimi do; mina balamu nedi di munepen minimi, la mina ngising tinedi dik lox asongot nimi,

Leven Gugu 2:26

Kuren la nia a umsu mi lomomo, la a paase momo mun. Nenia a ruuna lodoxoma voovo,

Lovoang At Ne Pol Ti Limixin Nunu to Rom 3:14

levenngusno atnedi i umsu mi levelinga xapmek i so mamao.

1 Korin 11:7

Ixo epovo do latlok na xua pe lavatlak teren, mila neni i lox asuusu lampoovo mi lisisixam at ne Moroa la kerepmo ni i emi asu mi ne Moroa. Ketla latkin na xua pe lavatlak teren at lotu mila neni i lox asuusu lampoovo at loklok ngangao ren ti latlok teren.

Epesas 1:3

Nedik ata emi asu mi ne Moroa, Temen ne Iesu Karisito, Leeme Silok atdik. Neni gara lox anarong pam nedik mi leveloklok anarong axap boro vana at laxalibet tinedik limixin at ne Karisito.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

Jems 3:10

Levelinga ri xip aurut laasen at ne Moroa la levelinga xapmek bok ip tavasu at legesa gam mene nga. Luvutnetak mi luvurinuk, na loklok kopmen nak mokso.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.