Jems 3:6 - Madak

⁶ La lagam i lok ngan mo laxao. Ni i ngan lavanga xapmek ti lengkot axap at labantuxu, la ik lox axatu kaxat leveloklok kakapmek at labantuxu, la ik lox axatu kaxat bok leveloklok i bilingot at lorooro axap at laradi. La laxao xerepmo ip tavasu at lemenemen songsongot.

Jems 3:6 Iomraidhean Croise

Sam 140:3

Leven gam atdi ik lok ngan lempat sii angkang la levelinga atdi ik lok ngan lasak at lavatmoora.

Sam 64:3

Levelinga atnedi ip sep ngan ta lemparise sepsep ing sengsen, la levelinga xakapmek atnedi ik sixit mokmokso ngan levesoosoo.

Metiu 12:24

La lubung Parisi diga ronga i na la diga lok ti mo limixin, “Neni i riki asu lubunggas mi lololos at ne Belsebul, leeme gomgo at lubunggas.”

Metiu 5:22

Ketla mo nga ana tong i rinimi do, nege i musak mene neton, neni naba tu at lavapaase ro melamgo at laradi rongtonga linga; la do nege i tong i ri neton do ‘Nenu laradi pis,’ neni naba tu at lavapaase ro melamgo at lixitkis buru at lavanuti sangaun nedi loxongkulao silok at limixin me Israel; la do nege i lok ti neton do ‘nenu lavanga baulang’, i auret do ne Moroa naba riki i uto xeneng at laxao at lemenemen songsongot.

Lagale Lavavang At Ne Iesu Karisito Mak Ga Malagan I 7:15

Kopmen tavanga ik lok to maxamang at laradi na lox abilinga i ketla levempanga, lorooro ren i lox asuusu i, naba lox abilinga i.

Lagale Lavavang At Ne Iesu Karisito Luk Ga Malagan i 16:24

La neni ga xup lolos keretna, ‘Tamak ne Abaram, una balamu ia, la una riki ne Lasaro xusu na song arup lisivisip teren uto at taxadan, la na lox amumudut lagam tarak min; nia na a nemen at langsangan losongsongot keneng at na laxao!’

Leven Gugu 20:30

Laaleng move naba rupot la lentaba atnimi diba ba gili levelinga ruturun kusu ri sat ka limixin nuunu basinge ne Moroa.

Leven Gugu 5:3

Pita ga lok tin, “Ananias, tila u siam abeles ne Satan ia umsu at lodoxoma ram? La ia lok u, ura xarang Loroonan Kaala, la ura ranga alis bok lenep pilas ap mo luunun uga lok ka i ap mo loxongkangka.

Leven Gugu 6:13

La diga lox abeles lentaba luvuttadi xusu ti xarang taba i. Diga lok, “Na laradi i paase vupu ri na loogu laplavang at ne Moroa la Lenavolo at ne Moses.

Taitas 1:11

Una sep pepe di xusu di noxo vaase bok ba ro xeneng at laraugu lotu, mila dik lox ase limixin mi levelinga xopmen nak mokso la kerepmo dik lok kapmek lunuunu at limixin la dik lok kapmek bok lixitkis koetemen. Di lox i xerepmo xusu dina lok kaka levempilas la na loklok atdi i lok kapmek tinotno.

Jems 2:7

La di paase kapmek ti laasen avukat at ne Iesu, mo ne Moroa ga lox anarong nimi min.

Jems 3:7

Limixin di epovo na lox amenemen levenasen panga rooro axap at na lavatbung menemen, ngan levempanga mi lavanuet kangkedek boro at laxairing, levempixa, levesisi la lempanga di kaxao mi lebelen di, la levenmat at laras.

2 Pita 3:3

Avot be, minaklen avukar i do, at levenaleng kavaxap teventaba tuvuttadi rongtonga xepe dinaba rupot, la dinaba mumu asu mun levendoxoma xapmek atdi xa. La nedi na luvuttadi, dinaba paase aksaksa rinemi.

3 Jon 1:10

Kuren la do nenia ana vot saparap nimi, anaba tong asu axap lempanga neni ira lok pam i, mo i lok kapmek; ik lok levempapaase ren mumu nama ua i lok kapmek aleng. Neni xopmen nak lok mene nga mo loklok, ketla neni ixok lok tooro bok luvuttadi vavang do dit pot to at lemenemen teren la neni ip sep pepe limixin at lotu mo di vavara nak lok tooro mo luvuttadi vavang; la ik lok kepe bok mo limixin basinge lixitkis keneng at lotu.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 13:14

La neni ga ruuna lololos ti lok levempanga sangsangu kusu na lox asilok lavatpanga sio avot, la kerepmo neni ga xarang arup limixin at na lavatbung menemen. Ni ga tong i ridi xusu dina lok lovoovo vanga ap mo lavatpanga sio avot, mo ga ruuna linin kooxing at lavarise sepsep, ketla kopmen goxo met teren.

Lisilimet 18:23

Di noxo ven kaka bok ba losoosoo at lababao do xeneng at nom lemenemen, la di noxo ronga bok ba teepang amomo at teloklox epot maxat. La luvuttadi apnovos me go nedi diga lolos aleng keneng at lavatbung menemen axap, la diga sak tup mi lara nep silok axap mumu mun lengkot at lemenemen digak lox i.

Lisilimet 19:20

La nedi diga ranga alis lavatpanga sio eburu mi leeme vapaase alii xaxarang, mo gak lok lempanga sangsangu ri sar asoogong limixin kusu dina lox asilok laasen at lavatpanga sio. Ni ga lok mo lempanga sangsangu xusu na bala arup buaang nedi limixin la diga ruuna ka loklok katling at lavatpanga sio la diga lotu parap lavatpoovo vanga ren. La diga lu arup mi lavatpanga sio la leeme vapaase alii xaxarang, move duga rooro, ro at lemet kao, mo i tos amisik mi lasalpa.