Jems 3:2 - Madak

² Nedik axap tak sak kikixin at leventaangas buaang. Ket do laradi kopmen nak lok laxakapmek at lavapaase ren, neni laradi mokmokso rinotno la ni iklen bok ti lok tatao lorooro axap teren.

Jems 3:2 Iomraidhean Croise

Sam 34:13

Dola mi vara i xuren, nemen bok ba mita tong levelinga xapmek, la nemen bok lavapaase xaxarang.

Sam 39:1

Nia ara tong pam i, “Nia anaba lok tatao avukat langsuk mi levempanga anaba lox i, kusu noxo sar asoogong ia. Nia anoxo tong tepanga xerepmo mo do luvuttadi xapmek dik lok auret.

Metiu 12:34

Nemi laxamdak at lempasii. Nemi xopmen mina epovo na tong asu levelinga avukat mila nemi mi umsu mi laxakapmek. Levenngusno nimi i paase asuusu lempanga lebelen nimi i umsu min.

Metiu 12:37

Mo do levelinga at tara ga lox avukat, Moroa naba lox asepmus i. Mo do levelinga at tara ga lok kapmek, Moroa naba lok li lumumuat teren.”

Lovoang At Ne Pol Ti Limixin Nunu to Rom 3:10

I ngan Lovoang Kaala i vaase i xeretna, “Kopmen teta nak mokso. Kopmen tinotno tegesara go.

Lovoang At Ne Pol Ti Limixin Nunu to Rom 7:21

Kuren la a long terex i do lara loklok mo ik lok lugugu ren keretna, at loxonaleng ak lok do anak lok luvukat, ketla kopmen, ak soxolik ka manga laxapmek.

1 Korin 9:27

Nenia a gugu lolos ti lok kaka limixin uto xeneng at Linintoo la ba lok kapmek do nenia noxo vubeles teren. Kuren la a lox amisik labantuxu rak kusu ana mumu asu leventaangas linga la kerepmo nenia aba epovo bok ti nom luunun mo ne Moroa ba raba limixin nuunu min.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Galesia 5:17

atla levempanga labantuxu atnedik i vavara i, neni i lok petpes ti levempanga Loroonan i vavara i; la levempanga Loroonan i vavara i, i lok petpes ti levempanga labantuxu atnedik i vavara i. Nedu na dixo vepen, la Loroonan Kaala i lok nemi xusu mi noxo lok lempanga, labantuxu atnemi i vavara i.

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

Ibru 13:21

A sing ne Moroa do na lox agagas avukat nimi xusu minaba mu asu lavavara ren la neni na gugu at lebelen nimi xeneng at loklok tooro at ne Iesu Karisito. Ata ba lok mo levempanga neni naba momo ren la ata emi asu min la na leemi asu rin noxo xap. Tuturun.

Jems 1:26

Lentaba dik lok keretna, “Nenia laradi nuunu la loklok tarak i lox avukat at lemeren ne Moroa.” Ketla do ni xopmen na lok tatao avukat lavapaase ren, ni i xaxarang axa lebelen, la lunuunu ren i ngan lavanga gamasa.

Jems 1:4

Mina tu lolos amisik maxeneng at levenmumuat, la nemen mita subu kot. La kerepmo miba vee ngan limixin mukun at lunuunu atnimi la kopmen tempanga xapmek bak lok at lorooro atnimi mo ba umsu aleng mi leveloklok nunuan.

Jems 2:10

Do taradi i mumu asu avukat Lenavolo at ne Moroa, ketla i ronga xepe loxot lixilik teren, i lok ngan neni ia los polo axap pam i.

1 Pita 3:10

I ngan Lovoang Kaala i vaase i xeretna, “Do nege i vara i xusu na ruuna lorooro nunuan, la i vara i xusu neni na ven levenaleng avukat, neni na ke xepe lavapaase kapmek, la na xav i at laxaxarang.

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.