Jems 3:13 - Madak

¹³ Do tara xantubu atnemi i ruuna lodoxoma avukat mi lakleklen solo, neni na lox asuusu i mi lavatpas teren i lox avukat axap la i umsu mi leveloklok nunuan; neni i lox i na mi langsangan loklok ngangao mi lodoxoma avukat.

Jems 3:13 Iomraidhean Croise

Sam 107:43

Do nege lodoxoma ren i xasep nunuan, ni na doma mumu i na lempanga, la na doma mumu avukat bok labalamu lexen at Leeme Silok.

Sam 122:8

Nia a lok lisingising mumu lemenemen Jerusalem keretna, “Limila nak lok keneng teren.” Ak lox i xerepmo kusu lentaba rak la larapentangas tarak dinaban tuuna lorooro nunuan.

Sam 149:4

Leeme Silok in tuuna ka lomomo mumu limixin teren; im taba asen silok tinedi ua dik lok atnaasan la imtaba di mi lolos ti sak tup mi lavamunepen atdi.

Sam 25:9

Nedi dik lox axakalik di at langas ik mokso, neni im gomgonga di. La i anasa bok di mi lavavara ren.

Sam 45:4

Nenu loorong mi laasen silok, ut kis pana at la os (horse) ti esep. La uk sak tup mi lavamunepen taram ti lox alolos loklok mokmokso la levelinga ruturun.

Metiu 11:29

Mina siam ka loklok tarak la mina ronga ka levenanasa rak; mila lorooro rak i umsu mi loklok mulus mene, kuren la miba lok ka loklox amas ti labaroonan atnimi.

Metiu 21:5

“Una tong i ri limixin to Jerusalem do, ‘Pen ba i. Loorong Silok atnimi it pas saparap nimi, neni laradi loklok mulus mene la it kis at lodongki, ni lodongki maxat.” Sak 9:9

Metiu 5:5

Luvukat mo ik lok tinedi dik lox asi di, mila ne Moroa naba raba di mi lixitkis to xeneng at Linintoo ren.

Metiu 7:24

La ne Iesu ga lok bok tidi, “Kuren la, do tara i ronga na lempapaase rak la i ronga res mu i, neni i lok ngan laradi leklen ga xip loogu ren la ga sev asi lemet ukopok tinotno la ga lok nom loogu ren pana at laxanuat.

1 Korin 6:5

A tong i na rinimi ri lox amamangan nimi. Kereva, kopmen taradi dom kantubu atnimi i epovo ri ila mumu loklok atnemi limixin at lotu?

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 8:24

Kuren la mina lox asuusu labalamu atnimi ridi, kusu laraugu lotu axap diba xasep do levelinga atnama ti emi asu minimi i ruturun.

Galesia 5:23

loklok mulus, la lodoxoma avukat ti sasar i. Kopmen bok ba tevelinga go i ru pepe nedi na levempanga.

Galesia 6:1

Luvutnetak mi luvurinuk. Amo dola limixin nuunu dina long terek tara xantubu atdi do neni i lok tavanga i lok kapmek, nemi limixin tongtonga res at Loroonan Kaala, mina lox akmokso mo laradi; ketla mina lox i mi lumulus. La mina lok tatao avukat lorooro atnemi axa, kusu mo laxakapmek teren noxo lok tong pen nemi.

Galesia 6:4

Nemi getgesara mina viila avukat luruptuvuk atnemi. Dola luruptuvuk at tara atnemi na lox avukat, i epovo ba do neni na momo at levempanga neni ga lox i; ketla ixok mokso do neni na mii poovo i mi luruptuvuk at leventaba vetpes.

Epesas 4:2

Lorooro axap atnimi na umsu mi langsangan loklok ngangao la loklox anare; mina nemen mulus mene la mina lox asuusu labalamu rinedi di lok laxakapmek.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

1 Timoti 4:12

Nemen uta ke xepe tara na vas asi u ukopok atla nenu laau doxodok; ketla una lok ngan lampoovo ri limixin nuunu, at levempapaase ram, luruptuvuk taram, labalamu ram, lunuunu la loklok i dadat.

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

Taitas 3:2

la di noxo paase xapmek mumu tara; ketla limila na nemen at lebelen di; dina balamu limixin; la dina lok ngangao ruturun at limixin axap, limixin nuunu la limixin bok maxamang at lotu.

Ibru 13:5

Mina ke xepe loklok ti vavara solo levempilas la mina lok momo mi mo levempanga mi ruuna i, mila ne Moroa ga lok keretna, “Nia noxo on basinge rinotno nimi la loklok tatao rak kopmen tinotno noxo xap.” Len 31:6

Jems 1:21

Kuren la, leveloklok axap i bilingot la laxakapmek i umsu aleng at na lavatbung menemen, ni nom mina lok pes kape i. La mina lox asi nimi la mina xonom ka levelinga at ne Moroa, ni gatlo li i ro xeneng at lorooro atnimi. Ni mun nom levelinga i epovo na lox arooro nimi.

Jems 2:18

Taradi na lok keretna, “I lox avukat mun do lara i ruuna lunuunu la lara vetpes i ruuna leven gugu nunuan;” ketla nia a tong i rin keretna, “Do tara xopmen na lok teven gugu nunuan, neni xopmen na ruuna lunuunu. Nia a ruuna leven gugu nunuan, mo i lox asuusu lunuunu rak.”

Jems 3:1

Luvutnetak mi luvurinuk. Kopmen na lox avukat do buaang atnimi na lok ka lugugu ngan luvuttadi loklox ase at levelinga at ne Moroa, mila ne Moroa naba ila mumu aleng lugugu at luvuttadi loklox ase. Mira xasep pam at na.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

1 Pita 1:15

La levempanga minak lox i, minak lox i eburu mi lorooro axap atnemi nan manton; atla ne Moroa neni ga ro xaka nemi, neni in manton.

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

1 Pita 3:4

Ketla lorooro atnemi nak milik maraanu la mina umsu mi loklox atnaasan i lok nunuan aleng, neni mo loklok i silok aleng ti ne Moroa.