Jems 2:9 - Madak

⁹ Ketla do mi lox asi tara la mi lox aurut tara vetpes, nemi mi lok laxakapmek, la mira los polo vam Lenavolo at ne Moroa. La kerepmo mi lok ngan limixin tongtonga viribang.

Jems 2:9 Iomraidhean Croise

Lagale Lavavang At Ne Iesu Karisito Jon Ga Malagan I 16:8

La do neni na vot, neni naba lox ase limixin at na lavatbung menemen do nedi di umsu mi laxakapmek la kopmen tomokmokso na nemen keneng atdi, la at laaleng ete, ne Moroa naba ronga linga at limixin axap.

Lagale Lavavang At Ne Iesu Karisito Jon Ga Malagan I 8:46

Kopmen tara atnimi i epovo na lox asuusu i do nenia aga bixurun mi laxakapmek. Dola a paase ruturun, tila ba mi xopara na nuunu rak?

Lagale Lavavang At Ne Iesu Karisito Jon Ga Malagan I 8:9

Se diga ronga i na, digat pas kaxat sisi basinge mo loxot, luvuttadi mukun avot; la melemu ne Iesu xusuk mun ga nemen eburu mi latkin move ga tu go.

Leven Gugu 10:34

Pita ga vaase kaxat la ga lok, “Anaa, nia a ven kibis i do i ruturun tinotno do ne Moroa kopmen na ven kepe lentaba vetpes, i ven limixin axap ngan legesara mun.

Lovoang At Ne Pol Ti Limixin Nunu to Rom 3:20

Kuren la kopmen tinotno taradi go, neni na mumu asu rinotno leventaangas at Lenavolo kusu ni na vee ngan laradi mokmokso at lemeren ne Moroa; la mo levempanga Lenavolo ik lox i, ik lok laradi xusu neni nabaklen i do neni ira lok pam laxapmek.

1 Korin 14:24

Ketla mo do mina paase mi levelinga at ne Moroa la do luvuttadi gamasa xopla tuvuttadi kopmen dina nuunu, dina vubeles ukeneng, nedi dinaba ronga xibis mo levelinga nedi di ronga i. La mo levelinga nedi di ronga i, naba vuk gili lodoxoma atdi;

Galesia 2:19

Lavasuun at na xeretna. Lenavolo ga lox ase ia do nenia laradi xapmek, kuren la aga lok ka lunuunu maxat la aga sepmus ba basinge Lenavolo. La mo nga nia a epovo na rooro ti lok lugugu at ne Moroa.

1 Jon 3:4

Do tara na lok laxakapmek, i los polo levelinga at ne Moroa, mila laxakapmek ni loklok ti los polo levelinga at ne Moroa.

Lovoang At Ne Jut 1:15

la ni naba lok li limixin axap at lavapaase la nedi di goxo nuunu ren la nedi diga lok lempanga xapmek, la nedi diga tong asu levelinga xapmek mumu i, neni naba lok li lumumuat atdi.”