Jems 2:7 - Madak

⁷ La di paase kapmek ti laasen avukat at ne Iesu, mo ne Moroa ga lox anarong nimi min.

Jems 2:7 Iomraidhean Croise

Sam 111:9

Neni xusuk mun laradi loklok asepmus ti limixin teren, la ga vaxaxis aulis mo lekabus teren kusu naba nemen amisik; la laasen mun teren i melemelengan la dira pavanga i.

Metiu 1:23

‘Tatkin maxat naba balan madak la naba visik tamdak temes la limixin diba so asen i mi ne Emanuel.’ Ais 7:14 Lavasuun teren do, ‘Moroa eburu midik.’

Metiu 12:24

La lubung Parisi diga ronga i na la diga lok ti mo limixin, “Neni i riki asu lubunggas mi lololos at ne Belsebul, leeme gomgo at lubunggas.”

Metiu 27:63

La diga lok tin keretna, “Leeme Silok, nema ma doma mumu levelinga ap mo laradi xaxarang at laaleng neni move ga rooro la ga lok keretna, ‘Anaba roo xat amlong basinge lanmet melemu at lavantun aleng.’

Leven Gugu 11:26

La ne Banabas ga vosiga i la ni ga lam kaka i uto Antiok. At legesa maares kudun nedu dugat pot eburu minedi buaang limixin ap mo loxot la duga anasa di. Mo go mun Antiok limixin nuunu diga lok ka avot na laasen Kristen.

Leven Gugu 15:17

Nia anaba lox i na xusu limixin kopmen di me Judaia bok diba puse ria; nedi mo, nia ara ro ka vam di do atarak.

Leven Gugu 26:11

Buaang laxanaleng agak lox asongot di ro xeneng at laraugu singising, la agak lok di xusu dina tong i do di xopara ri ne Iesu. Agak musak aleng tinotno di, kuren la agat pas bok uto vaxalom at lara menemen petpes kusu anak lox asongot nedi.

Leven Gugu 4:12

Keneng mun at laasen teren nedik ataba lok ka lorooro avolo; mila kopmen bok ba teta at na lavatbung menemen kopok, laasen teren ne Moroa ga raba limixin min kusu nedik ataba rooro mu i.”

Epesas 3:15

Neni i so asen limixin teren mi laasen loklox avolo ren, nedi boro vana at laxalibet la nedi bok at na lavatbung menemen, nedik axap di lok ngan legesa bungmixin.

1 Timoti 1:13

Keke i do gano migomgo aga paase vupu rin, la agap sep limixin teren, la agak lox asongot di. Ketla ne Moroa ga lox asuusu lebelemumu ren tia, mila nenia agoxoklen levempanga salai gak mokso la goxopmen tunuunu rak.

1 Pita 4:16

Ketla do mina lok ka loklox asongot mumu mun i do nemi luvuttadi mumu asu at ne Karisito, nemen gat nemi guta mangan at loklok di lox i rinimi, ketla mina tong avukat ti ne Moroa atla nemi mip kip laasen at ne Karisito.

Lisilimet 19:13

La mo lavanga singsigaara ren i umsu mi lada la laasen ap mo laradi ne ‘Levelinga at ne Moroa.’

Lisilimet 19:16

La lara langas linga ik lok to at lisingsigaara ren la to bok at laaon teren; nom langas linga i lok keretna, “Loorong Silok mavana at lavaorong silok la Leeme Silok mavana at lavaeme silok.”