Jems 2:5 - Madak

⁵ Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

Jems 2:5 Iomraidhean Croise

Metiu 11:5

Nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, di lox avukat pam; la nedi levenbaalung atdi i repe, ding tonga manga; la nedi diga met pam mo di roo xat amlong pam; la limixin banbalo, mo ding tonga Lagale Lavavang.

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Metiu 5:3

Iesu ga lok keretna, “Luvukat mo ik lok tinedi dikleklen i do labaroonan atdi ik pakes ti ne Moroa, mila limixin erepmo dinaba vubeles at Linintoo no vana at laxalibet.

Lagale Lavavang At Ne Iesu Karisito Mak Ga Malagan I 7:14

La ne Iesu ga ro xaka limixin uto saparav i la ga lok lavapaase poovo tidi xeretna, “Nemi axap mina ronga na levelinga rak la mina xasep teren.

Lagale Lavavang At Ne Iesu Karisito Luk Ga Malagan i 12:21

La ne Iesu ga lok bok, “Anai i lok ngan nedi di lili laxampanga solo kusu ridi, ketla to at lemeren ne Moroa kopmen di, dinap novos.”

Lagale Lavavang At Ne Iesu Karisito Luk Ga Malagan i 12:32

La ne Iesu ga lok bok, “Limixin tarak, nemen mita marat, mila ne Temen nemi, i momo xusu naba raba nemi mi Linintoo ren.

Lagale Lavavang At Ne Iesu Karisito Luk Ga Malagan i 16:22

At lara laaleng laradi banbalo ga met la lubung angelo diga xip kaka i uto saparap ne Abaram, to vana at laxalibet; la nom laradi nopnovos bok ga met la digak mir i.

Lagale Lavavang At Ne Iesu Karisito Luk Ga Malagan i 16:25

Ketla ne Abaram ga lok, ‘Nuruk, una doxoma i na. At lorooro ram uga ruuna laxampanga solo, la ne Lasaro ga lok kaka lempanga xapmek; ketla na nga neni mo i momo aleng nade, la nenu nga mo ura nemen keneng at langsangan losongsongot.

Lagale Lavavang At Ne Iesu Karisito Luk Ga Malagan i 22:29

Ne Tamak ga lok li ia xusu ri vaxaxis avukat limixin, la ana lok li nimi xusu ri vaxaxis avukat limixin.

Lagale Lavavang At Ne Iesu Karisito Luk Ga Malagan i 6:20

Iesu ga ven ti luvuttadi loklok ka anasa ren la ga lok, “Luvukat tinemi limixin banbalo, mila Linintoo at ne Moroa, neni atnimi!

Lagale Lavavang At Ne Iesu Karisito Jon Ga Malagan I 7:48

Kereva, tara at luvuttadi amgomgo kopla tara at lubung Parisi go i nuunu ren?

Leven Gugu 7:2

La ne Stiven ga vorang i ridi xeretna, “Luvutnetak la luvuttamak. Mina ronga be levelinga rak. Moroa at laxasep ga rupot saparap ne Abaram ne temen dik ap mo laaleng neni ga nemen to Mesopotemia, la avot ti laaleng neni gat pas uto Aran;

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

1 Korin 2:9

Ketla levelinga at Lovoang Kaala i lok keretna, “Buaang leveloklox anarong, ne Moroa ga gagas min tinedi di balamu aleng i; tara goxo ven mo leveloklox anarong kopla gita ronga i, la tara goxo doma ka i do naba vot.” Ais 64:4

2 Korin 4:15

Ma suma levesongsongot nop nimi; kuren la do letaba nabalamu at ne Moroa na vot saparap bok teventaba tuvuttadi, nedi diba umsu aleng mi levelinga loklox avukat la diba lox asuusu leemi asu ri ne Moroa.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

1 Tesalonia 2:12

Maga paase tooro nimi, la maga paase amenemen nimi, la maga paase aronga nimi xusu lorooro atnimi na lox avukat kerekngan ne Moroa i vara i. Moroa ga ro ka nimi xusu minaba nemen eburu min to xeneng at Linintoo ren la minaba lok kaka lisisixam teren.

2 Tesalonia 1:5

Lunuunu atnimi i tu lolos, la na i lox asuusu i do lodoxoma at ne Moroa ik mokso aleng la at laaleng ete neni naba ila mumu loklok atnimi la minaba epovo xusu mina vubeles uto xeneng at Linintoo ren. Ni lavasuun at levesongsongot atnimi.

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

2 Timoti 4:18

La neni naba lox aroo ia basinge leveloklok kakapmek axap, la neni naba lam abeles ia uto vana at laxalibet at Linintoo ren. Leemi asu amisik tin la kopmen taxavaxap teren. I ruturun.

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Ibru 11:26

Moses ga doma i do ik mokso do neni na lok ka lainmangan eburu mi limixin teren at lugugu at Lanarong. Mo lainmangan ga lox avukat aleng ti lapnovos boro Isip, mila neni ga reven ti mo luunun move ne Moroa ba raba i min.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Jems 1:16

Luvutnetak mi luvurinuk orong. Nemen tara na xarang nimi mumu i na.

Jems 1:19

Luvutnetak mi luvurinuk. Mina doxoma na lavanga. Nemi axap mina lok soso ri ronga res, ketla nemen mita vaase porang soso levelinga, la mita musak soso,

Jems 1:9

Do laradi banbalo ik lok kantubu atnemi limixin nuunu, neni na lok momo mun, keke i do kopmen tevempanga ren; laaleng move ne Moroa naba xip aurur i.

1 Pita 1:4

La nedik ataba epovo xusu ataba ven tu at laaleng ua taba lok kaka levenapnovos at leveloklox anarong no ne Moroa ik lok li i ri limixin teren to vana at laxalibet, kusu mo leveloklox anarong noxo lok kapmek la na xap gamasa.

2 Pita 1:11

Do mina mu asu na langas, lumusaragu naba rem suang tinotno xusu miba vubeles ukeneng at Linintoo ik lox amisik la neni Linintoo at Laradi Loklox Arooro atnedik, Leeme Silok ne Iesu Karisito.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.

Lisilimet 21:7

Dola nege na vas asi lololos at laxakapmek, neni naba ruuna na leveloklox anarong keretna; nenia aba nemen ngan ne Moroa ren la neni naba nemen ngan ne nuruk.

Lisilimet 3:18

Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.