Jems 2:14 - Madak

¹⁴ Luvutnetak mi luvurinuk. Do taradi i tong i do i ruuna lunuunu, ketla kopmen teveloklok nunuan at lorooro ren, lunuunu ren i lok ngan lavanga gamasa la ixo epovo do lunuunu kerepmo na lox arooro i.

Jems 2:14 Iomraidhean Croise

Metiu 5:20

A tong i rinimi. Mo do luruptuvuk atnimi noxo lox avukat ti luruptuvuk at luvuttadi loklox ase at Lenavolo la lubung Parisi, kopmen mi noxo vubeles at Linintoo, no vana at laxalibet.”

Lagale Lavavang At Ne Iesu Karisito Luk Ga Malagan i 3:11

La ni ga vorang i ridi xeretna, “Do nege i ruuna tegepu vanga singsiga, neni na raba tara ti mo laradi kopmen tara ren; la do nege i ruuna leveluxa, neni na raba box i ri mo laradi kopmen teveluxa ren.”

Lagale Lavavang At Ne Iesu Karisito Luk Ga Malagan i 6:49

Ketla lara i ronga levelinga rak la kopmen na mu asu i, neni i ngan laradi ga vaxaru loogu to at laxangka, la kopmen ni goxo vaxaru i at laxanuat; ise ladanut gak ma nom loogu, la soso mun ga subu, la ga lok kapmek tinotno.

Leven Gugu 15:9

Moroa ga lok legesa ngas mun ti lorooro rinedik limixin me Judaia la tinedi limixin kopmen di me Judaia; ni ga gos amaxat lebelen di mila diga nuunu ren.

Leven Gugu 8:13

Simon bok neni ga nuunu, la melemu at lesep susu ren ni ga nemen auret ne Pilip, la ni ga rakdu aleng at lempanga sangsangu ni ga ven ne Pilip gak lox i.

Leven Gugu 8:21

Nenu xopmen tekot taram at na lugugu atnama; mila labalam kopmen nak mokso at lemeren at ne Moroa.

Lovoang At Ne Pol Ti Limixin Nunu to Rom 2:25

Loklok ti rivit kepe lengkontuxu naba lok tooro mun taradi mo do i mumu asu Lenavolo; ketla do laradi na los polo Lenavolo, ni naba lok ngan mun mo laradi xopmen di goxo vit kepe loxontuxu ren.

1 Korin 15:2

Mo do lunuunu atnimi natmatkun teren, miba lok ka lorooro ren. Ket do kopmen mina nuunu at levelinga xerekngan nia aga vavang min, lunuunu atnimi naba lok ngan lavanga gamasa.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

Galesia 5:13

Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

1 Timoti 1:5

Lavasuun at nai levelinga rak, ti lox axatu labalamu xantubu at limixin nuunu; nom labalamu i ravasu boro xeneng at lorooro kopmen taxakapmek teren la boro bok at lodoxoma, kopmen tusumsuma xapmek teren la boro bok at lunuunu ruturun.

1 Timoti 4:8

Lugugu at labantuxu i lox asuusu loklok tooro ri labantuxu; ketla leveloklok at Loroonan at ne Moroa, naba lox asuusu leventaangas axap i nunuan, la uba ruuna ka lorooro avukat at na lorooro xopok la at lorooro melemu bok.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 11:17

Abaram ga ruuna lunuunu, kuren la ap mo laaleng ne Moroa ga lok tong pen i, neni ga ronga res la ga raba ne Aisak ngan laplavang. Abaram neni mo laradi ne Moroa ga vaase alii rin do livipisik li ren naba umsu aleng. Ketla melemu manga ni ga gagas kusu naplavang mi mo legesa nitna.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

Jems 1:16

Luvutnetak mi luvurinuk orong. Nemen tara na xarang nimi mumu i na.

Jems 2:16

la do tara atnimi na vot pasa di la na lok tidi keretna, “Moroa na lox anarong nimi, mina nemen avukat la mina anan avukat,” ketla kopmen na lok tooro di mi lempanga singsiga la lempanga anan, mo levelinga ren kopmen na lok tooro di.

Jems 2:18

Taradi na lok keretna, “I lox avukat mun do lara i ruuna lunuunu la lara vetpes i ruuna leven gugu nunuan;” ketla nia a tong i rin keretna, “Do tara xopmen na lok teven gugu nunuan, neni xopmen na ruuna lunuunu. Nia a ruuna leven gugu nunuan, mo i lox asuusu lunuunu rak.”

Jems 2:26

Kuren la mina xasep keretna, labantuxu kopmen toroonan teren, ni ira met pam; la kerepmo bok lunuunu kopmen teven gugu nunuan teren, ni ira met pam.

2 Pita 1:5

Neni lavasuun ba ren la mina lolos tinotno xusu minak lox epasum luvukat ukeneng ti lunuunu atnemi; la minak lok epasum lakleklen ukeneng at luvukat atnemi;