Jems 1:9 - Madak

⁹ Do laradi banbalo ik lok kantubu atnemi limixin nuunu, neni na lok momo mun, keke i do kopmen tevempanga ren; laaleng move ne Moroa naba xip aurur i.

Jems 1:9 Iomraidhean Croise

Sam 62:9

Nemen gat mita nuunu saga at limixin atla di lok ngan mene legesa mamas silok laradi i mas abeles ka i. Limixin silok la lixilik di lok ngan levempanga gamasa mun. Do mina lok li di at lisikel, kopmen tumumuat atnedi; di balalak ngan mene lamamas gamasa.

Lagale Lavavang At Ne Iesu Karisito Luk Ga Malagan i 1:52

Ni ik lox asi lavaorong silok basinge lixitkis orong atdi, la ik lox asilok limixin etaba.

Lagale Lavavang At Ne Iesu Karisito Luk Ga Malagan i 10:20

Ketla nemen mita momo mumu i do lubunggas di ronga res atnimi; ketla mina momo mila levenasen atnimi, Moroa ira malagan pam i ro at laxalibet.”

Lagale Lavavang At Ne Iesu Karisito Luk Ga Malagan i 14:11

Lavasuun at na lavapaase poovo i lok keretna; do nege i lox asilox i, ne Moroa ba lox alixilix i, la do nege i lox alixilix i, ne Moroa ba lox asilox i.”

Lagale Lavavang At Ne Iesu Karisito Luk Ga Malagan i 9:48

la ga lok tidi “Do nege i lok loklok nunuan keneng at laasen tarak ti na lamdak kakalik, neni i lok loklok nunuan tia; la do nege i lok loklok nunuan tia, neni i lok loklok nunuan ti ne Moroa, neni ga riki ia. Mila do nege i lixilik tinotno xantubu atnemi axap, neni i silok tinotno.”

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

Pilipai 3:14

Kuren la ak sixit mokmokso ri ruuna ka mo levempanga, mo ne Moroa ga ro ka ia rin keneng at ne Iesu Karisito ri lorooro no vana.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.