Jems 1:22 - Madak

²² Nemen mita lok ngan luvuttadi rongtonga xape mun di ronga levelinga at ne Moroa, la kopmen dina mumu asu i.

Jems 1:22 Iomraidhean Croise

Metiu 12:50

Neni mun i mu asu lavavara at ne Tamak no vana at laxalibet, neni netak, kopla neinuk, kopla ne naga.”

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Lagale Lavavang At Ne Iesu Karisito Luk Ga Malagan i 11:28

Ketla ne Iesu ga vorang i rin keretna, “I ruturun, ketla nedi mun di ronga levelinga at ne Moroa la di mumu asu i, Moroa naba lox anarong di.”

Lagale Lavavang At Ne Iesu Karisito Jon Ga Malagan I 13:17

Do mina xasep at na levelinga, la mina lox epovo i, Moroa naba lox anarong nimi.”

Lovoang At Ne Pol Ti Limixin Nunu to Rom 2:13

Kopmen dina so asen limixin do dik mokso atla ding tonga mun Lenavolo, ketla nedi di mumu asu levelinga at Lenavolo dik mokso at lemeren ne Moroa.

1 Korin 15:33

Mina lok tatao nimi xusu tara noxo sar asoogong nimi ri laxakapmek kerepmo. La mina xasep do limixin kapmek diba lok kapmek luruptuvuk nunuan atnimi.

1 Korin 3:18

Nemen gat tara guta xarang axa i. Mo do tara xantubu atnimi i doxoma i do neni mo laradi akleklen ngan limixin at na lavatbung menemen, i epovo do neni na ke xepe mo lakleklen teren la na lok kaka lakleklen tuturun at ne Moroa.

1 Korin 6:9

Mi xasep pam do limixin kapmek di noxo ruuna ka toxot to xeneng at Linintoo at ne Moroa. La mina xasep nunuan at na levelinga; limixin di lok loklok kakapmek maxamang at lixitkis epot, la di lotu saparap laxampoovo moroa, la di elongka, kopla lavatlok axa di velongka.

Galesia 6:3

Do tara na doma i do neni mo laasen teren i volo rinotno ketla neni laradi gamasa mene, neni mo laradi i xarang axa i.

Galesia 6:7

Nemen gat mi guta ke tara na xarang arup nimi xusu mina lok laxakapmek; ixo epovo do tara na xarang arup ne Moroa, atla lavanga sala laradi itlo li i, neni axa naba lok kaka levempipisik teren.

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.

Kolosi 3:17

Levempanga axap mi lox i la mi vaase i, mina lox i at laasen at Leeme Silok ne Iesu, la mina tong loklox avukat ti ne Moroa, ne Temen nedik mumu leveloklox anarong at ne Karisito.

2 Timoti 3:13

Ketla nedi limixin kapmek mi limixin pereven ka dinaba lok kapmek aleng, la diba xarang limixin la limixin petpes diba xarang nedi.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

Jems 1:26

Lentaba dik lok keretna, “Nenia laradi nuunu la loklok tarak i lox avukat at lemeren ne Moroa.” Ketla do ni xopmen na lok tatao avukat lavapaase ren, ni i xaxarang axa lebelen, la lunuunu ren i ngan lavanga gamasa.

Jems 4:11

Luvutnetak mi luvurinuk. Nemen mita vaase asi tara kantubu atnimi mi tevelinga. Do taradi i vaase asi neton mi levelinga, kopla na ila mumu loklok teren, i lok ngan ta do i ronga xepe Lenavolo at ne Moroa la i lox asi i. Do mina vaase asi levelinga at ne Moroa, kopmen mina ronga res teren, la mi lox asi i.

Jems 4:17

Kuren la do laradi iklen luruptuvuk nunuan, ketla neni kopmen na mu asu i, na laradi i lok laxakapmek.

2 Pita 2:13

La ne Moroa naba vorang nedi mi losongsongot mumu levesongsongot nedi diga raba limixin min. La dik lox amomo nedi xeretna, dik lok levempanga at laxasep at laaleng kangking kusu rik lox epovo lavavara xapmek at labantuxu atnedi; la loklok atdi ik token kantubu atnemi la di mumu asu loklok kakapmek at levenaleng di anan eburu minemi.

1 Jon 1:8

Dola tara na lok keretna, “Kopmen taxapmek tarak,” neni i xarang axa i, la levelinga ruturun kopmen nak lok teren.

1 Jon 2:3

Dola nedik ta mu asu levelinga at ne Moroa, i ngan nedik taklen tinotno i do nedik limixin teren.

1 Jon 3:7

Luvutnuruk orong. Mina lok tatao avukat nemi kusu tara noxo sar asoogong nimi. Do tara ik lox amisik lempanga ik mokso, neni laradi mokmokso, kerekngan ne Iesu ik mokso aleng.

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 22:7

Iesu ga lok keretna, “Mina ronga i na, anaba vot soso mun. Luvukat tinedi di mumu asu levempapaase alii at na lubuk.”