Jems 1:21 - Madak

²¹ Kuren la, leveloklok axap i bilingot la laxakapmek i umsu aleng at na lavatbung menemen, ni nom mina lok pes kape i. La mina lox asi nimi la mina xonom ka levelinga at ne Moroa, ni gatlo li i ro xeneng at lorooro atnimi. Ni mun nom levelinga i epovo na lox arooro nimi.

Jems 1:21 Iomraidhean Croise

Sam 25:9

Nedi dik lox axakalik di at langas ik mokso, neni im gomgonga di. La i anasa bok di mi lavavara ren.

Metiu 5:5

Luvukat mo ik lok tinedi dik lox asi di, mila ne Moroa naba raba di mi lixitkis to xeneng at Linintoo ren.

Lagale Lavavang At Ne Iesu Karisito Jon Ga Malagan I 6:63

Loroonan Kaala im taba limixin mi lorooro; levenuut kusuk mun kopmen na epovo na lok tooro di. Levelinga nenia a vaase vam nimi min, neni levelinga at Loroonan kaala la at lorooro.

Lagale Lavavang At Ne Iesu Karisito Jon Ga Malagan I 6:68

Simon Pita ga vorang i rin keretna, “Leeme Silok, kopmen bok ba tara mabat kis esogo min. Nenu xusuk mun u ruuna levelinga im taba lorooro avolo.

Leven Gugu 10:33

Kuren la nenia aga riki soso luvuttadi gugu rak ap mo mun loxonaleng kusu dina lam kaka u, la i lox avukat dola ura vot pasa ia. Nanga nema mak lok at lemeren ne Moroa, ma ngangais kusu mana ronga levelinga mo ne Moroa ga tong pam i ru do uba vaase i rinama.”

Leven Gugu 13:26

Luvutnetak mi luvurinuk. Ana tong na levelinga rinemi. Moroa ga riki ne Iesu ri livipisik li at ne Abaram, la tinemi bok kopmen me Judaia mi nemen de mo mi lotu saparap ne Moroa. Ni ga raba nedik mi na Lagale Lavavang ti lorooro avolo!

Lovoang At Ne Pol Ti Limixin Nunu to Rom 1:16

Nia xopmen ana lok mamangan ti vavang mi Lagale Lavavang, atla ni lololos at ne Moroa ri lox arooro nedi axap di nuunu, leme Judaia avot la melemu rinedi limixin kopmen me Judaia,

Lovoang At Ne Pol Ti Limixin Nunu to Rom 11:17

Lentaba levengkakan at luuna olip toonu ga repit su basinge luuna ren, la levengkakan at luuna olip aaxa boro at laxairing gara ru kun ta i. Nemi limixin kopmen nemi me Judaia mi lok ngan na levengkakan una aaxa, la na nga mi lolos la mipnovos at lorooro at loroonan atnemi xerekngan leme Judaia.

Lovoang At Ne Pol Ti Limixin Nunu to Rom 6:17

Ketla a tong loklox avukat tinotno ri ne Moroa. Gano nemi migak lok ngan lavaanat saxaruki at laxapmek; ketla melemu ren mi lorooro axap atnemi, miga ronga res at levelinga ruturun miga ronga i.

1 Korin 15:2

Mo do lunuunu atnimi natmatkun teren, miba lok ka lorooro ren. Ket do kopmen mina nuunu at levelinga xerekngan nia aga vavang min, lunuunu atnimi naba lok ngan lavanga gamasa.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Epesas 4:25

Kuren la nemi getgesara mina lok pes kepe levelinga xaxarang la mina paase mi luruturun ti limixin at ne Moroa, mila nedik axap lengkot at labantuxu at ne Karisito.

Epesas 5:4

La mina ke xepe lavapaase kapmek, levelinga rangtangku, la lavapaase sese i lok kapmek; na lempanga kopmen na lox avukat. Ketla mina umsu mi levelinga ti tong avukat ti ne Moroa.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

1 Tesalonia 2:13

La nema ma tong avukat amisik ti ne Moroa mumu nimi. Ap mo laaleng miga siam kaka levelinga at ne Moroa maga tong asu i rinimi, miga doma i do mo levelinga boro at ne Moroa, la goxopmen levelinga at luvuttadi gamasa. Mo levelinga i gugu xeneng at lorooro atnemi limixin mi nuunu.

Taitas 2:11

Nom limixin nuunu dina mumu asu avukat levelinga at ne Moroa, mila ne Moroa ga lox asuusu letaba nabalamu ri limixin axap, neni ga riki ne Iesu Karisito xusu na lox arooro di.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 2:3

La kerepmo bok do nedik ata ronga xepe Lagale Lavavang, ixo epovo do nedik taba sepsu basinge lebelemamao at ne Moroa. Leeme Silok neni avot ga ru ka lavavang at langas ti loklox arooro, la nedi luvuttadi vavang diga ronga xaka mo levelinga ren, la diga lox aruturun i ridik.

Ibru 4:2

Nemi bok miga ronga Lagale Lavavang kerekngan nedi diga ronga i. Ketla mo lavavang diga ronga i, goxo lok tooro di mila di goxo nuunu ren.

Jems 4:8

Nemi mina nemen auret ne Moroa la ni naba nemen tino eburu minimi. Nemi luvuttadi at laxakapmek, lorooro atnimi na maxat bilong, i ngan laradi i gos lukngen la ira maxat manga. Nemi mi ruuna legepu doxoma, mina lok pes nom levendoxoma xapmek basinge lorooro atnimi.

Jems 5:20

Nemi mina ven kisip na lavanga. Do taradi i lok tooro laradi kakapmek, la laradi kakapmek i on basinge langas at lanmet la iamlong parap ne Moroa, neni ira lox arooro vam mo laradi basinge lanmet lexen la ne Moroa naba doxoma xepe buaang laxaloklok kakapmek teren. I ruturun.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 1:9

Lavasuun teren keretna, nemi min tuuna xaka loklox arooro xeneng at labaroonan atnemi, mumu mun lunuunu atnemi saparav i.

1 Pita 2:1

Kuren la mina lok pes laxaloklok kakapmek basinge nemi; la nemen bok ba mita xaxarang, kopla mina lili aage levelinga, la mina reven peves, kopla mina lox asi tara mi levelinga.

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.