Jems 1:16 - Madak

¹⁶ Luvutnetak mi luvurinuk orong. Nemen tara na xarang nimi mumu i na.

Jems 1:16 Iomraidhean Croise

Metiu 22:29

La ne Iesu ga vorang i ridi xeretna, “Nemi mi soogong at na lavanga mila nemi xopmen minaklen levelinga at Lovoang Kaala la lololos at ne Moroa.

Lagale Lavavang At Ne Iesu Karisito Mak Ga Malagan I 12:24

La ne Iesu ga vorang i ridi xeretna, “Nemi mi soogong at na lavanga mila mixo xasep at levelinga xeneng at Lovoang Kaala la mixo xasep at lololos at ne Moroa.

Lagale Lavavang At Ne Iesu Karisito Mak Ga Malagan I 12:27

Ap mo laaleng ne Moroa ga tong i na, nedi lavantun diga met pam. La neni ne Moroa atnedi limixin di rooro, la kopmen atnedi luvuttadi met. Levendoxoma atnimi xopmen nak mokso.”

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

1 Korin 6:9

Mi xasep pam do limixin kapmek di noxo ruuna ka toxot to xeneng at Linintoo at ne Moroa. La mina xasep nunuan at na levelinga; limixin di lok loklok kakapmek maxamang at lixitkis epot, la di lotu saparap laxampoovo moroa, la di elongka, kopla lavatlok axa di velongka.

Galesia 6:7

Nemen gat mi guta ke tara na xarang arup nimi xusu mina lok laxakapmek; ixo epovo do tara na xarang arup ne Moroa, atla lavanga sala laradi itlo li i, neni axa naba lok kaka levempipisik teren.

Pilipai 2:12

Larapen tangas orong tarak. Migang tonga res amisik tarak ap mo levenaleng, nenia aga nemen eburu minemi, la nemi move mirang tonga res bok tarak at na levenaleng nia a nemen paxalom basinge nemi. Kuren la mina gugu lolos kusu lorooro atnimi naba lok nunuan at lemeren ne Moroa, eburu mi loklok ngangao,

Pilipai 4:1

Luvutnetak mi luvurinuk. Mi ronga vam na levelinga rak; kuren la mina tu atmatkun at lorooro atnimi keneng at Leeme Silok. Larapen tangas orong tarak. A balamu aleng nimi la a sosoro aleng ti tong asuusu nimi ri limixin mila labalak i lok momo aleng mumu nimi.

Kolosi 2:4

A malagan na levelinga rinimi, kusu tara noxo xarang arup nimi mi tevelinga xaxarang, keke i do i reng nunuan mene nga.

Kolosi 2:8

Mina lok tatao avukat nimi kusu teta noxo lox asoogong nimi mi leventetere xaxarang, kopmen tavasuun teren; mo lakleklen i laa boro at leveloklox ase at limixin mun la boro bok at leveloklok mede xopok at na lavatkangka, kopmen boro at ne Karisito.

2 Timoti 2:18

Nedu duga soogong basinge levelinga ruturun at ne Moroa. La duga lok kapmek lunuunu at leventaba limixin, duga xarang di keretna, “Moroa ga lox arooro vam limixin at na lorooro la noxo lox axatu amlong bok ba limixin basinge lanmet.”

Ibru 13:1

Mina balamu ela nimi mila nemi limixin at ne Moroa.

Jems 1:19

Luvutnetak mi luvurinuk. Mina doxoma na lavanga. Nemi axap mina lok soso ri ronga res, ketla nemen mita vaase porang soso levelinga, la mita musak soso,

Jems 1:2

Luvutnetak mi luvurinuk. Do levenasen panga mumuat na vot parap nimi, i lox avukat do mina momo mene,

Jems 2:1

Luvutnetak mi luvurinuk. Nemi mi nuunu parap Leeme Silok ne Iesu Karisito, mo i umsu mi lisisixam. Kuren la nemen mita lox asi laradi kopmen taasen silok teren la nemen mita lox aurut tara vetpes; ketla mina ven limixin axap ngan legesara.

Jems 2:14

Luvutnetak mi luvurinuk. Do taradi i tong i do i ruuna lunuunu, ketla kopmen teveloklok nunuan at lorooro ren, lunuunu ren i lok ngan lavanga gamasa la ixo epovo do lunuunu kerepmo na lox arooro i.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

Jems 3:1

Luvutnetak mi luvurinuk. Kopmen na lox avukat do buaang atnimi na lok ka lugugu ngan luvuttadi loklox ase at levelinga at ne Moroa, mila ne Moroa naba ila mumu aleng lugugu at luvuttadi loklox ase. Mira xasep pam at na.

Jems 3:10

Levelinga ri xip aurut laasen at ne Moroa la levelinga xapmek bok ip tavasu at legesa gam mene nga. Luvutnetak mi luvurinuk, na loklok kopmen nak mokso.

Jems 4:11

Luvutnetak mi luvurinuk. Nemen mita vaase asi tara kantubu atnimi mi tevelinga. Do taradi i vaase asi neton mi levelinga, kopla na ila mumu loklok teren, i lok ngan ta do i ronga xepe Lenavolo at ne Moroa la i lox asi i. Do mina vaase asi levelinga at ne Moroa, kopmen mina ronga res teren, la mi lox asi i.

Jems 5:12

Luvutnetak mi luvurinuk. Lara lavanga i silok aleng, i lok keretna; nemen mita vangpe mi laxalibet kopla laxangka kopla levempanga vetpes bok. Dola nemi mina tong i do, “tuturun,” kopla “kopmen,” Moroa ba lok momo. Do mina lok lavangpangpe xerepmo, Moroa ba raba luunun kapmek tinimi.

Jems 5:19

Luvutnetak mi luvurinuk. Mo do tara atnimi i vas tabaara basinge langas tuturun, mina sar amlong ka i.