Ibru 9:28 - Madak

²⁸ La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Ibru 9:28 Iomraidhean Croise

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Metiu 26:28

Lada rak na la i lok katling lekabus maxat. Lada rak ba sen su xusu ri limixin buaang, ne Moroa naba doxoma xepe leveloklok kakapmek atdi.

Lagale Lavavang At Ne Iesu Karisito Jon Ga Malagan I 14:3

Dola anat pas ugo, ana lox agagas tengkot tinimi, la anabamlong bok la ana lam ka nimi ri mo lemenemen nenia ana nemen teren kusu nemi bok miba nemen eburu minia.

Leven Gugu 1:11

La duga lok, “Luvuttadi me Galili, lai mo mi tu mu i la mia reven upana at lamavangkap? Na ne Iesu, ne Moroa i lam kaka i basinge nimi uto vana, ni nabamlong bok kerekngan tai mo nemi mi ven i, i urut uto vana at laxalibet.”

Lovoang At Ne Pol Ti Limixin Nunu to Rom 3:25

Moroa ga raba ne Iesu ngan laxaavuk tinedi limixin dina nuunu do neni ga lox asu lada ren at laxaba xusu ri uu nop loklok atdi. Moroa ga lox i na xusu ri lox asuusu i do neni laradi mokmokso, mila gano migomgo neni gak lok atnaasan, la goxo reven ti laxapmek at limixin;

Lovoang At Ne Pol Ti Limixin Nunu to Rom 5:15

Ketla nedu xopmen duna epovo atla letaba nabalamu at ne Moroa kopmen na lok ngan laxapmek at ne Adam. I ruturun do buaang limixin diga met mumu mun laxapmek at legesa radi. Ketla labalamu at ne Moroa i silok tinotno, la ga lox asuusu letaba nabalamu mene bok teren ti limixin axap mumu labalamu at legesa radi ne Iesu Karisito.

Lovoang At Ne Pol Ti Limixin Nunu to Rom 6:10

La lanmet neni gak lok teren, ni lanmet ti laxakapmek atnedik, la neni ga met gesara mene nga; la lorooro mo nga neni i rooro ren, ni lorooro i esogo rinotno eburu mi ne Moroa.

Lovoang At Ne Pol Ti Limixin Nunu to Rom 8:23

Ketla xopmen neni xusuk mun; nedik bok di ruuna Loroonan Kaala ngan laramtaba avot at ne Moroa, nedik bok dit mes keneng axa atnedik at levenaleng dik di ngangais tinotno ne Moroa xusu neni na lok li nedik ngan luvutnitna, la na lox asepsu labantuxu atnedik.

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

1 Korin 1:7

La livipisik teren keretna, ne Moroa ira raba vam nimi mi leveloklox anarong axap la mi noxotkis pakpakes bok ba se at nom laaleng Leeme Silok atdik ne Iesu Karisito naba vor asaxaven, i ngan tai mo mi nemen tangais i mi lomomo.

1 Korin 15:54

La mo do levempanga na ravasu xerepmo, la lololos at lorooro na sev asi lololos at lanmet, neni na lavanga naba lox asorun levelinga at Lovoang Kaala i lok keretna, “Dira vas asi axap tinotno vam lanmet.” Ais 25:8 La i lok bok,

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

2 Tesalonia 2:1

Mumu lomlong at Leeme Silok atdik ne Iesu Karisito, la lovotpot atdik ti nemen saparav i. Luvutnetak mi luvurinuk, ma sing nimi

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Ibru 1:14

Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Ibru 2:3

La kerepmo bok do nedik ata ronga xepe Lagale Lavavang, ixo epovo do nedik taba sepsu basinge lebelemamao at ne Moroa. Leeme Silok neni avot ga ru ka lavavang at langas ti loklox arooro, la nedi luvuttadi vavang diga ronga xaka mo levelinga ren, la diga lox aruturun i ridik.

Ibru 4:15

Mo Lamaasa Avolo atdik, neni i epovo na suma rooro dik at leveloklok tong pen mila neni ga suma bok laxaloklok tong pen ngan dik, ketla neni xopmen goxo lok taxakapmek.

Ibru 5:9

Kerepmo la ne Moroa ga lox agagas li i, la neni ga ravasu ngan ta lavasuun at lorooro avolo rinedi ding tonga res teren,

Ibru 7:27

Neni xopmen goxo lok ngan mo leventaba lavamaasa amgomgo, nedi xa digaplavang amisik ti laxakapmek atdi, la ti laxakapmek bok at limixin; ketla ne Iesu ga lok laplavang ti laxakapmek at limixin axap, ni ga lok legesa laplavang mun, at laaleng ni ga raba lorooro ren kusu na uu nop loklok atdik.

Ibru 9:25

Neni ga vubeles uto vana at laxalibet, kopmen tim taba amisik lorooro ren ngan lamaasa gomgo ga pubeles amisik mi lada uto xeneng at loxot i xaala aleng at levenmaares axap, ketla mo lada xopmen lada axa ren.

1 Pita 2:24

Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

2 Pita 3:12

Ap mo levenaleng mina ngangais mi lomomo ti laaleng at ne Moroa, mina lox alolos mo laaleng kusu na vot soso mun. Ap mo laaleng laxalibet naba an, la na rem utut, la levempanga axap naba releus at liplivi.

1 Jon 3:2

Larapen tangas orong tarak. Mo nga nedik luvutnitna ne Moroa, ketla kovisi bok ata xasep do nedik taba lok tinotno xereva. Ketla nedik takleklen i do at laaleng ne Iesu na ru asuvos, nedik taba lok ngan i mila ataba epen etang tinotno ba min.

1 Jon 3:5

La nemi mikleklen i do ne Iesu ga rupot kusu ri lox asepmus limixin basinge laxakapmek atdi. La kopmen taxapmek nak lok at ne Iesu.

Lovoang At Ne Jut 1:21

La minam tebeng alis amisik labalamu at ne Moroa kusu labalamu atnimi na umsu ap mo levenaleng mit kis tangais lebelemumu at Leeme Silok atnedik ne Iesu Karisito, la ni naba raba nimi mi lorooro avolo.

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.