Ibru 9:25 - Madak

²⁵ Neni ga vubeles uto vana at laxalibet, kopmen tim taba amisik lorooro ren ngan lamaasa gomgo ga pubeles amisik mi lada uto xeneng at loxot i xaala aleng at levenmaares axap, ketla mo lada xopmen lada axa ren.

Ibru 9:25 Iomraidhean Croise

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 10:19

Luvutnetak mi luvurinuk. I epovo do ata vosiga ne Moroa ap mo loxot i xaala aleng, mila ne Iesu gara suang pam mo langas mi lada ren.

Ibru 9:12

Karisito xopmen goxo lok kaka lada at lubulumaxao la at lavatme la ga vubeles min, ketla neni ga vubeles mi lada axa ren ti mo loxot ga xaala aleng no vana at laxalibet, la ga lok letaba min at legesa xonaleng mun, ga lox i xuren kusu na un avolo dik mi lada ren la dik ataba ruuna ka lorooro avolo.

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Ibru 9:2

To xeneng teren diga xip lara loogu kadis. La keneng ap mo loogu kadis diga lok legepu xonnep gu; at loxonnep gu avot diga lok li loxot kusu lababao bak lok teren, la loxonin eburu mi levengkongkide gak lok bok teren, mo levengkongkide di etaba min ti ne Moroa. Na loxot diga soxor i do loxot kaala.

Ibru 9:26

Do ne Karisito gita mumu mo loklok, neni gitaba suma amisik losongsongot, ga ru ka i at lavakpaxaru kaxat at na lavatbung menemen. Ketla at na levenaleng kavaxap, ne Karisito ga vot gesara mun kusu na raba lorooro ren ngan laplavang ti lok kepe laxakapmek la ti lox arooro dik basinge lololos at laxakapmek.

Ibru 9:7

Ketla lamaasa gomgo xusuk mun neni ga pubeles ti mo loxonnep gu maxeneng tino, mo loxot ga xaala aleng tinotno. Neni ga vubeles go at leges aleng mun keneng at legesa maares. Neni goxo pubeles gamasa, ni ga ba pubeles axa eburu mi lada at levempanga mi lavanuet kangkedek. La neni ga lok letaba mi mo lada ti laxakapmek teren la laxakapmek bok at limixin do digara soogong pam, ketla di goxoklen i do mo levempanga ga lok kapmek.