Ibru 9:14 - Madak

¹⁴ Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Ibru 9:14 Iomraidhean Croise

Sam 51:2

Una gos kepe axap libilinga rak la una lox amaxar ia basinge leveloklok kakapmek tarak!

Metiu 12:28

Ket do a lox asu di mi lololos at Loroonan Kaala at ne Moroa, Linintoo at ne Moroa mo nga ira vot pam saparap nimi.

Metiu 16:16

Simon Pita ga vorang i xeretna, “Nenu Lanarong, Nitna ne Moroa, Loroo Avolo.”

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 7:11

Keke i do nemi limixin bilinga, ketla mikleklen i do mim taba laxamdak mi laxaalik atnimi mi lempanga nunuan. La kerepmo i epovo rinotno do ne Temen nimi ro vana at laxalibet naba lok momo aleng ti raba bok lempanga nunuan tinedi di ngising tin.

Lagale Lavavang At Ne Iesu Karisito Luk Ga Malagan i 1:74

la ga paase alii do ni naba lox arooro dik basinge limixin dik lok munepen midik, la na lok tooro dik kusu ataba epovo, la tanap kip mo lugugu ren la kopmen dik taxo marat.

Lagale Lavavang At Ne Iesu Karisito Luk Ga Malagan i 12:24

Mina ven lavapixa; dixotlotlo tevempeven una, la dina lili buru leveluxa; dixo ruuna taraugu kopla tengkot lili. Ketla ne Moroa im taba di! Moroa im doma i do nemi mi silok aleng ti lavapixa.

Lagale Lavavang At Ne Iesu Karisito Luk Ga Malagan i 12:28

Ne Moroa axa ik paxasiga na lempatko, i ngan lempivilis mo i nemen de lingina, la kantamak dina rin asonao i to at laxao. Kereva, Moroa ixo epovo xusu na taba nimi mi levesingsiga? Nemi limixin, lunuunu atnemi i lixilik aleng!

Lagale Lavavang At Ne Iesu Karisito Luk Ga Malagan i 4:18

‘Loroonan Kaala at ne Moroa i nemen tarak, mila ira soxolik ka vam ia xusu ana vavang mi Lagale Lavavang tinedi limixin banbalo. Ira sak tiki vam ia xusu ana tong asu langas ti soxomus asu limixin di nemen at loxokoxo, la ana lox arepalas lengkatli atnedi luvuttadi mi lengkatli atdi i main; la ana soxomus asu limixin di baava mi laxanmumuat at na lavatkangka;

Lagale Lavavang At Ne Iesu Karisito Jon Ga Malagan I 3:34

Mo laradi ne Moroa ga riki i, i paase mi levelinga at ne Moroa mila ne Moroa ga raba axav i mi Loroonan Kaala.

Leven Gugu 1:2

se at laaleng ne Moroa ga lam kaka i uto vana at laxalibet. Goxovisi ni goxo urut uto vana la ni ga vaase mi levelinga at Loroonan Kaala rinedi luvuttadi ni ga soxolik ka nedi do luvuttadi vavang teren.

Leven Gugu 10:38

Nemi miklen i do ne Iesu me Nasaret, ne Moroa ga lox anarong i mi Loroonan Kaala la ga raba box i mi lolos teren. Ni gat pas at lengkot axap la ga lok lempanga nunuan la ga lox aroo nedi bok ne Satan ga xoxo di, mila ne Moroa ga nemen eburu min.

Leven Gugu 14:15

“Nemi limixin, tila mi lox i na? Nema mun luradi, luradi xerekngan nimi! Nema na ma nemen de xusu mana tong asu Lagale Lavavang la mina ba gili lorooro atnimi basinge lempanga gamasa xerepmo. La mina mumu asu ne Moroa mo i rooro, ga rudum li laxalibet, laxangka, laras la lempanga axap mo di nemen maxeneng atdi.

Leven Gugu 15:9

Moroa ga lok legesa ngas mun ti lorooro rinedik limixin me Judaia la tinedi limixin kopmen di me Judaia; ni ga gos amaxat lebelen di mila diga nuunu ren.

Lovoang At Ne Pol Ti Limixin Nunu to Rom 1:20

ga ru xaka i gano ne Moroa ga rudum li na lavatbung menemen, mo loklox eburu mi lololos lexen teren i nemen amisik. Limixin kopmen dina epovo na ven mo lololos eburu mi loklok teren, ketla di ven kakasep kaka i at levempanga ne Moroa ga rudum li i. Kuren la kopmen tevelinga atdi ri lox asepsu di basinge lebelemamao at ne Moroa.

Lovoang At Ne Pol Ti Limixin Nunu to Rom 1:4

Ti loklok teren i xaala aleng, ne Iesu ga lok kaka laasen do Nitna ne Moroa at loxonaleng ni ga roo xat amlong basinge lanmet mi langsangan lololos teren.

Lovoang At Ne Pol Ti Limixin Nunu to Rom 11:12

Kerepmo laxapmek at leme Judaia ga lox asuusu leveloklox anarong ti limixin at na lavatbung menemen axap; labaava atnedi ga lox asuusu leveloklox anarong ti limixin kopmen di me Judaia. Ketla laxaloklox anarong naba umsu aleng ap mo laaleng do leme Judaia dina nuunu la dina beles keneng at leexes at ne Moroa.

Lovoang At Ne Pol Ti Limixin Nunu to Rom 11:24

Nemi limixin kopmen nemi me Judaia mi lok ngan laxakan at luuna olip aaxa no ga repit pes la ira ru manga rovana at luuna olip toonu. Ga lolos aleng ti lok mo langas. Limixin me Judaia di lok ngan lengkakan at luuna olip toonu, kuren la ne Moroa i epovo rinotno do na vaxaru amlong lengkakan no ga repit su, atla ni na lok li amlong di ro at luuna akmokso atdi.

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

Lovoang At Ne Pol Ti Limixin Nunu to Rom 6:22

Ketla, amo nga migara sepmus pam basinge laxapmek, la mo nga mi lok ngan lavaanat saxaruki at ne Moroa; mo lavanga nemi minaba lok kaka i, neni lorooro i xaala, la livipisik teren neni lorooro avolo.

1 Korin 15:45

I lok ngan Lovoang Kaala i tong i do, “Laradi avot ne Adam, ne Moroa ga rudum li i ngan laradi rooro.” Ketla ne Adam mumu pit, neni ne Karisito, im taba lorooro at loroonan kusu ridik.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

2 Korin 6:16

Lumukmulus naba vot kereva at loogu laplavang at ne Moroa eburu mi laxampoovo vanga? Mila nedik axa laraugu laplavang at ne Moroa, neni i rooro; la ne Moroa xa ga tong i xeretna, “Abak lox eburu midi la anat pas kantubu atdi, la nenia ba ngan ne Moroa atdi la diba lok ngan limixin tarak.

Galesia 2:19

Lavasuun at na xeretna. Lenavolo ga lox ase ia do nenia laradi xapmek, kuren la aga lok ka lunuunu maxat la aga sepmus ba basinge Lenavolo. La mo nga nia a epovo na rooro ti lok lugugu at ne Moroa.

Epesas 2:5

la ga lox arooro nedik mumu laxakatu kaxat amlong at ne Karisito, keke i do nedik taga lok ngan laxampanga met la taga umsu mi laxakapmek. Neni ga lox arooro nedik keneng mun at letaba nabalamu ren.

Epesas 5:2

La lorooro atnimi na umsu mi labalamu kerekngan ne Karisito ga lox asuusu labalamu ren tidik la ga raba lorooro ren; mo loklok at ne Karisito i lok ngan laramtaba i so misigisigis la lavanga laplavang saparap ne Moroa.

1 Tesalonia 1:9

Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

1 Timoti 3:15

Do nia a noxo vot soso, nenu u epovo na lox ase limixin kusu dina lok tatao avukat di keneng at lixitkis koetemen atdi mi ne Moroa; na loklok, ni lavasuun at lotu ruturun at ne Moroa i rooro amisik, neni luxus una la lusu auru at levelinga ruturun.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 1:3

Ne Nitna i lox asuusu lisisixam at ne Moroa la ni lampenaxa rinotno ren. Ne Nitna i lok tatao levempanga axap at na lavatbung menemen la mo levempanga i mumu asu levelinga ren i lolos aleng. Neni ga lok langas ti limixin kusu dina dadat basinge laxakapmek; melemu at na, neni ga xis to at lekngen tino at ne Moroa i silok to vana at laxalibet.

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 10:12

Ketla Lamaasa Avolo ga etaba mi legesa laplavang mun ti laxakapmek, u ningina la amisik bok, la melemu neni ga xis to saparap lekngen tino at ne Moroa.

Ibru 10:2

Do gita epovo na lox adadat di, na loklok tiplavang to gita xap pam. Mila mo langas i epovo giba lox adadat tinotno limixin, la kerepmo di gitoxo epovo na suma lainmangan bok ba mumu laxakapmek atdi.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 11:21

Jakop ga ruuna lunuunu, kuren la neni ga lox anarong lumdak at ne Josep la ga lotu saparap ne Moroa, ap mo loxonaleng neni ga sox auru i mi lakdak teren, mila neni gara sioxo vam la ga auret levenaleng kusu neni na met.

Ibru 13:12

La kerepmo ne Iesu bok ga xip losongsongot to maxamang at lemenemen silok Jerusalem kusu na lox adadat limixin basinge laxakapmek mi lada xa ren.

Ibru 3:12

Luvutnetak mi luvurinuk. Mina lok tatao avukat nimi xusu tara atnimi noxo ruuna taxakapmek la loklok ting tonga xepe levelinga at ne Moroa xeneng at lorooro ren, la kerepmo na sok tixirixes kepe ne Moroa, mo i rooro.

Ibru 6:1

Kuren la nemen mitam tebeng mun mo levenanasa miga lok ka avor i, i lox avukat kusu mina lolos ti lok kaka levenanasa at ne Karisito kusu miba ravasu ngan limixin mukun. Mina ke be mo levenanasa avot, i lok keretna, laanasa mumu loklok ti leeng basinge laxakapmek kusu mo laxakapmek noxo lox asuusu lanmet; laanasa mumu lunuunu ri ne Moroa;

Ibru 7:16

Lenavolo i tong i do, nedi mun at libibinat at ne Levi, di epovo xusu dina xip ka lugugu ngan lavamaasa. Ketla ne Iesu ga lok ka mo lugugu at langas petpes. Neni ga lok ka i mila neni ga ruuna lololos silok la kopmen taxavaxap at lorooro ren.

Ibru 7:27

Neni xopmen goxo lok ngan mo leventaba lavamaasa amgomgo, nedi xa digaplavang amisik ti laxakapmek atdi, la ti laxakapmek bok at limixin; ketla ne Iesu ga lok laplavang ti laxakapmek at limixin axap, ni ga lok legesa laplavang mun, at laaleng ni ga raba lorooro ren kusu na uu nop loklok atdik.

Ibru 9:12

Karisito xopmen goxo lok kaka lada at lubulumaxao la at lavatme la ga vubeles min, ketla neni ga vubeles mi lada axa ren ti mo loxot ga xaala aleng no vana at laxalibet, la ga lok letaba min at legesa xonaleng mun, ga lox i xuren kusu na un avolo dik mi lada ren la dik ataba ruuna ka lorooro avolo.

Ibru 9:26

Do ne Karisito gita mumu mo loklok, neni gitaba suma amisik losongsongot, ga ru ka i at lavakpaxaru kaxat at na lavatbung menemen. Ketla at na levenaleng kavaxap, ne Karisito ga vot gesara mun kusu na raba lorooro ren ngan laplavang ti lok kepe laxakapmek la ti lox arooro dik basinge lololos at laxakapmek.

Ibru 9:7

Ketla lamaasa gomgo xusuk mun neni ga pubeles ti mo loxonnep gu maxeneng tino, mo loxot ga xaala aleng tinotno. Neni ga vubeles go at leges aleng mun keneng at legesa maares. Neni goxo pubeles gamasa, ni ga ba pubeles axa eburu mi lada at levempanga mi lavanuet kangkedek. La neni ga lok letaba mi mo lada ti laxakapmek teren la laxakapmek bok at limixin do digara soogong pam, ketla di goxoklen i do mo levempanga ga lok kapmek.

Ibru 9:9

Ana lavanga ni lampoovo mun ti na levenaleng ti lox asuusu i do leventamtaba la levelaplavang diga etaba min kopmen goxo epovo na lok kepe loklok mamangan at laxakapmek atnedi diga etaba mi mo levempanga.

1 Pita 1:19

ketla ne Moroa ga un ka nemi mi lada, ni luunun silok at ne Karisito kopmen taxakapmek teren la kopmen bok tibira at Lanasip at ne Moroa.

1 Pita 2:22

“Neni goxo lok bok tekakapmek, la teta goxo ronga asu bok tekaxarang ga ravasu at lungusno ren.” Ais 53:9

1 Pita 2:24

Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Pita 4:2

Kuren la mina ke axap lorooro atnemi at na lavatbung menemen kusu mina mu asu lodoxoma at ne Moroa, la kopmen lavavara kapmek mun at luvuttadi at na lavatkangka.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 3:5

La nemi mikleklen i do ne Iesu ga rupot kusu ri lox asepmus limixin basinge laxakapmek atdi. La kopmen taxapmek nak lok at ne Iesu.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.