Ibru 8:13 - Madak

¹³ Moroa ga soxot na lekabus do lekabus maxat, kuren la Moroa ga ke xepe lekabus migomgo mila kopmen bok ba tugugu ren la ma lixilik na sonao axap.

Ibru 8:13 Iomraidhean Croise

Metiu 24:35

Laxalibet mi lavatbung menemen naba sonao, ketla levelinga rak noxo xap.”

Lagale Lavavang At Ne Iesu Karisito Luk Ga Malagan i 22:20

Se diga an axap, neni ga lok kaka bok lakap inin la ga raba nedi min la ga lok, “Ana lavaen i ngan lada rak la i lok katling lekabus maxat, la nenia anaba lox epovo i xusu ri lox arooro buaang limixin.]

1 Korin 13:8

Anai leventamtaba at Loroonan Kaala, laramtaba ri paase alii, la laramtaba ri paase mi levempapaase vetpes, la laramtaba ri tong asu levelinga at ne Moroa. Di axap na lavantun di noxo nemen abao la dina sonao manga; ketla labalamu naba nemen amisik la kopmen taxavaxap teren.

2 Korin 3:6

La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Ibru 1:11

Na levempanga uga rudum li di, naba sonao la diba lok ngan lempanga gamasa, ketla nenu uba rooro amisik. La dinaba rem teterek ngan labantamon.

Ibru 12:24

Mira vosiga vam ne Iesu, neni ga lok lumulum ti lekabus maxat kantubu at ne Moroa eburu mi limixin, la mira vot pam ap mo loxot ne Iesu ga semla li lada ren to melamgo at ne Moroa ngan luunun ti laxakapmek at limixin. Mo lada ren i lox avukat ti lada at ne Abel, mila lada at ne Abel ga lox asuusu lumukmusak at ne Moroa ketla lada at ne Iesu i lox asuusu lumulum.

Ibru 7:22

Moroa ga vangpe xerepmo, kuren la ne Iesu neni i lok ngan losoksoxoba pe ri lekabus maxat, mo i nunuan aleng ti Lenavolo.

Ibru 8:6

Ketla mo lugugu ne Iesu ga lok ka i, i lox avukat ti lugugu at lavamaasa mede xopok, i ngan bok lekabus maxat i lox avukat ti lekabus migomgo; la leveloklox anarong at lekabus maxat i lox avukat ti leveloklox anarong at lekabus migomgo. La ne Iesu neni lavasuun at lekabus maxat, ni ga lok lumulum kantubu at limixin mi ne Moroa.

Ibru 8:8

Moroa ga ven kibis i do lekabus migomgo goxo epovo mila limixin diga soogong aleng; ni ga lok, “Mina ronga i na. Laaleng mo naba vot la nia anaba lok lekabus maxat mi limixin tarak to Israel la limixin tarak at libibinat me Juda.

Ibru 9:15

Kuren la Karisito, neni laradi ga lok lumulum kantubu at limixin mi ne Moroa, la at na langas neni ga lok lekabus maxat. La nedi ne Moroa gara soxolik ka vam di, diba ruuna amisik leveloklox anarong neni ga vaase alii min tidik. Karisito ga met ngan laxaavuk kusu na lox asepmus limixin teren basinge laxakapmek diga lox i ap mo levenaleng diga mumu lekabus migomgo.