Ibru 7:6 - Madak

⁶ Na laradi ne Melkisedek, neni goxopmen livisik li at ne Levi, ketla neni ga lok ka loxot i sev asangaun boro at ne Abaram, ni ga ruuna ka lavapaase alii boro at ne Moroa la ne Melkisedek ga lox anarong i.

Ibru 7:6 Iomraidhean Croise

Leven Gugu 3:25

Nemi mi ruuna laxakaape at ne Moroa keneng at lavaeme vapaase alii ren, la nemi mi nemen keneng at nom lekabus no ne Moroa ga lox i eburu mi lavalabat atnimi, kerekngan ni ga tong i ri ne Abaram keretna. ‘Keneng at livipisik li ram, nia anaba lox anarong limixin axap at lavatbung menemen.’ Lur 22:18, 26:4

Lovoang At Ne Pol Ti Limixin Nunu to Rom 4:13

Ne Moroa ga lok laxakaape eburu mi ne Abaram do lavatbung menemen axap, ateren eburu mi livipisik li ren. Na laxakaape goxo vot mumu i do ne Abaram gang tonga res at Lenavolo, ketla atla neni ga nuunu. Kuren la ne Moroa ga siam kaka i ngan laradi mokmokso.

Lovoang At Ne Pol Ti Limixin Nunu to Rom 9:4

Nedi limixin soksoxolik ka at ne Moroa; la ni ga lok li nedi ngan luvutnitna. Ni ga lok levenekabus eburu minedi la lisisixam teren ga nemen kantubu atdi, la ga raba nedi mi Lenavolo; la diklen langas kusu dina lotu saparav i mi luruturun; la dira ruuna ka vam levengkakaape ren.

Galesia 3:16

La i ngan pam ne Moroa ga lok laxakaape ren ti ne Abaram eburu mi legesi visik li ren. Lovoang Kaala kopmen na vaase mi loxolinga ri limixin solo, ngan loxolinga “Livipisik li ren.” Lavasuun teren do buaang limixin, kopmen. Legesara mene nga, ngan loxolinga, “Legesi visik li ren,” la neni ne Karisito.

Ibru 11:13

Nedi axap luvuttadi diga ruuna lunuunu at lorooro axap atdi se at loxonaleng diga met. Nedi goxo ruuna ka mo levempanga ne Moroa ga vaase alii min tidi, ketla diga ven avaxalom ka mo levempanga la diga momo ka i, keke i do di goxovisi ruuna ka i. La diga siam ka mun lorooro alua at na lavatbung menemen.

Ibru 11:17

Abaram ga ruuna lunuunu, kuren la ap mo laaleng ne Moroa ga lok tong pen i, neni ga ronga res la ga raba ne Aisak ngan laplavang. Abaram neni mo laradi ne Moroa ga vaase alii rin do livipisik li ren naba umsu aleng. Ketla melemu manga ni ga gagas kusu naplavang mi mo legesa nitna.

Ibru 7:1

Na leeme ne Melkisedek, gano neni loorong silok to Salem la neni lamaasa at ne Moroa i silok aleng. Neni ga ekip tangarang mi ne Abaram at laaleng ne Abaram eburu mi limixin teren digamlong boro at leesep no diga sep kepe leventaba lavaorong silok la limixin atdi; la ne Melkisedek ga lox anarong i.

Ibru 7:7

La i ruturun aleng do lara i silok, neni na lox anarong mo lara i lixilik tin. La kerepmo ne Melkisedek ga silok ti ne Abaram.