Ibru 7:3 - Madak

³ Nedik kopmen ataklen leretere at ne temen mi nenen la leretere at lavalabat teren, la dik taxoklen i do diga visix i la ni ga met lingisa. La kerepmo Nitna ne Moroa i lok ngan ne Melkisedek, mo i nemen amisik ngan lamaasa.

Ibru 7:3 Iomraidhean Croise

Metiu 4:3

Satan ga vot pasa i la ga lok tin, “Mo do nenu ne Nitna ne Moroa, una tong i ri na laxanuat la dina vee xongkide.”

Ibru 4:14

Nedik di ruuna Lamaasa Avolo, neni ga urut pam uto vana at laxalibet, la mo nga it kis at lekngen tino at ne Temen. Neni ne Iesu, Nitna ne Moroa. Kuren la nedik atam tebeng lolos mo lunuunu atnedik tagara ruuna ka vam i.

Ibru 7:1

Na leeme ne Melkisedek, gano neni loorong silok to Salem la neni lamaasa at ne Moroa i silok aleng. Neni ga ekip tangarang mi ne Abaram at laaleng ne Abaram eburu mi limixin teren digamlong boro at leesep no diga sep kepe leventaba lavaorong silok la limixin atdi; la ne Melkisedek ga lox anarong i.

Ibru 7:17

I lok ngan ne Moroa ga tong i at Lovoang Kaala, levelinga ren i lok keretna, “Nenu unaba nemen amisik ngan lamaasa kerekngan ne Melkisedek.” Sam 110:4

Ibru 7:2

La ne Abaram ga raba ne Melkisedek mi loxot i sev asangaun ap mo levempanga neni ga lok kaka i ap mo lavaorong silok. Avot, lavasuun at laasen ne Melkisedek do, “Loorong silok at loklok mokmokso;” la laasen bok do loorong silok boro Salem i epovo mi levelinga xeretna, “Loorong silok at lenmila.”

Ibru 7:6

Na laradi ne Melkisedek, neni goxopmen livisik li at ne Levi, ketla neni ga lok ka loxot i sev asangaun boro at ne Abaram, ni ga ruuna ka lavapaase alii boro at ne Moroa la ne Melkisedek ga lox anarong i.