Ibru 7:28 - Madak

²⁸ Maxeneng at Lenavolo luvuttadi diga lok lugugu ngan lavamaasa amgomgo, la lorooro atdi goxok mokso xerekngan ne Iesu. Ketla ne Moroa ga raba limixin mi Lenavolo, la melemu ni ga vangpe do ne Nitna na lok kaka lugugu at lamaasa gomgo, luruptuvuk teren nabak mokso amisik.

Ibru 7:28 Iomraidhean Croise

Sam 110:4

La Leeme Silok gara xaape vam la kopmen noxo lox ekun bok ba lodoxoma ren. Neni ga lok keretna, “Nenu naba nemen amisik ngan lamaasa kerekngan ne Melkisedek.”

Lagale Lavavang At Ne Iesu Karisito Luk Ga Malagan i 13:32

Iesu ga vorang i ridi xeretna, “Mina vot pasa nom lavatman atat la mina tong asu levelinga rak tin do, ‘Nenia anak tiki asu lubunggas basinge limixin la anak lox avukat limixin lingina la kantamak bok, la at laaleng sepsev avantun aba lox axap lugugu rak.

Lagale Lavavang At Ne Iesu Karisito Jon Ga Malagan I 19:30

Iesu ga in mo lavaen la melemu ga lok keretna, “I xap ta.” La lavatlak teren ga riding si la neni ga met.

Ibru 1:2

Ketla at na levenaleng melemu at lovotpot at ne Iesu, Moroa ira paase nga ridik limixin nuunu at lungusno ne Nitna. Neni ga soxolik ka i xusu naba ruuna ka levempanga axap, la keneng at ne Iesu, ne Moroa ga rudum li levempanga axap.

Ibru 2:10

Gak mokso do ne Moroa, neni ga rudum li levempanga axap la i lok tatao bok di, do neni na ke xepe ne Iesu xusu neni na xip laxasongsongot kusu na lox agagas avukat ti lugugu ren. Kuren la neni ga ruuna ka laasen do Lamgomgo at langas ti loklox arooro la ga lok ka bok buaang limixin kusu dina ruuna ka loklox arooro.

Ibru 2:17

Kuren la na lavasuun teren la neni ga vee radi at lorooro axap teren ngan luvutneton kusu neni ba ravasu ngan laradi ga umsu mi lebelemumu la laradi ruturun at lugugu at lamaasa gomgo ri ne Moroa, la ga ravasu ngan laxaavuk kusu ne Moroa na doxoma xepe laxakapmek at limixin.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

Ibru 4:14

Nedik di ruuna Lamaasa Avolo, neni ga urut pam uto vana at laxalibet, la mo nga it kis at lekngen tino at ne Temen. Neni ne Iesu, Nitna ne Moroa. Kuren la nedik atam tebeng lolos mo lunuunu atnedik tagara ruuna ka vam i.

Ibru 5:5

La ne Karisito bok kopmen goxo xip ka mo lugugu silok at lamaasa gomgo mi lavavara ren. Ketla ne Moroa ga lok tin keretna, “Nenu ne Nuruk, ningina nenia a lok ngan ne Tamam.” Sam 2:7

Ibru 7:21

Ketla ne Moroa ga vangpe do ne Iesu na lok ka lugugu ngan lamaasa at laaleng ne Moroa ga lok tin keretna, “Leeme Silok ne Moroa ga vangpe vam la neni noxo lox ekun lodoxoma ren. Ni ga lok, ‘Nenu naba nemen amisik ngan lamaasa.” Sam 110:4

Ibru 7:24

Ketla ne Iesu, kopmen taxavaxap at lorooro ren la kerepmo neni bak lox amisik lugugu at lamaasa.

Ibru 7:3

Nedik kopmen ataklen leretere at ne temen mi nenen la leretere at lavalabat teren, la dik taxoklen i do diga visix i la ni ga met lingisa. La kerepmo Nitna ne Moroa i lok ngan ne Melkisedek, mo i nemen amisik ngan lamaasa.