Ibru 7:19 - Madak

¹⁹ la Lenavolo xopmen goxo epovo na lox adadat limixin basinge laxakapmek. La ne Moroa ga lok li langas maxat, i lox avukat ti Lenavolo la maxeneng ap mo langas maxat, i epovo do tana xis esogo mi ne Moroa.

Ibru 7:19 Iomraidhean Croise

Sam 73:28

Ketla nenia, i lox avukat tinotno atla a nemen saparap ne Moroa, ni Lurutu See Pa rak. Neni Leme Silok, Loorong Avolo. La i lox avukat tinotno bok mo do a paase asu lempanga axap neni gara lok pam i!

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Leven Gugu 13:39

Minaklen box i do nedi axap di nuunu ren, Moroa ira lox asepmus pam di basinge leveloklok kakapmek atdi; Lenavolo at ne Moses kopmen na epovo na lox i xuren.

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Lovoang At Ne Pol Ti Limixin Nunu to Rom 7:7

Ataba tong kaka ba la? Ataba tong i do Lenavolo neni ik lox asuusu laxapmek? Kopmen tinotno. Ketla neni ba na Lenavolo ga lox aklen ia do laxakapmek ni lavanga xapmek at lemeren ne Moroa, la ga lox ase box ia mi laxapmek tarak. La nenia gi toxoklen bok loklok ti ngaongao ri lempanga at tara vetpes, do Lenavolo gi toxo vaase do, “Nemen gat u guta ngaongao ri lempanga at tara vetpes.”

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Galesia 2:16

Ketla nema leme Judaia maklen i do, laradi mun i nuunu at ne Iesu Karisito, neni mun i sepmus basinge loklok kakapmek, la kopmen do i mumu asu Lenavolo. La kerepmo bok ma nuunu at ne Iesu Karisito xusu manaba sepmus basinge loklok kakapmek, kopmen do ti mumu asu Lenavolo. Ana kopmen noxo ravasu at loklok ti mumu asu Lenavolo, atla kopmen teta naba sepmus basinge loklok kakapmek do neni na mumu asu mun Lenavolo.

Galesia 3:21

Kereva ba, Lenavolo i ra korop levengkakaape at ne Moroa? Kopmen tinotno. Amo dola neni gita raba bok tenavolo rim taba lorooro, i lok ngan do limixin axap ding tonga res at Lenavolo, nedi dinabak mokso basinge loklok kakapmek. Ketla kopmen na ruturun.

Galesia 3:24

Kuren la Lenavolo gak lok tatao luruptuvuk atnema la ga gagas li nama ti mo laaleng ne Karisito ga vot teren; neni ga vot kusu mana sepmus basinge loklok kakapmek keneng at lunuunu atnema.

Epesas 3:12

Maxeneng teren nedik ta epovo na vosiga ne Moroa, kopmen tavanga i ru pe dik la kopmen tainmarat, mo do dik ta nuunu at ne Iesu Karisito.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

1 Timoti 1:1

Nenia ne Pol, laradi vavang at ne Iesu Karisito, mo nedik ta doxoma voovo rin. Nedu mi ne Moroa, Laradi Loklox Arooro atdik, duga soxolik ka ia ri na lugugu.

Ibru 10:1

Lenavolo at leme Judaia ni lampoovo mun ti mo leveloklox anarong at ne Moroa mo naba vot. Lenavolo ni xopmen mo leveloklox anarong. Kuren la mo leveloklok tiplavang diga lox amisix i at levenmaares axap, goxo epovo rinotno xusu na lox adadat nedi diga vosiga ne Moroa kusu dina lotu saparav i.

Ibru 11:40

Moroa ga lox agagas lekabus maxat kusu neni na lox adadat dik. La kerepmo bok neni ga lox adadat nedik eburu minedi na limixin digap kip laxasongsongot.

Ibru 11:6

La mo do tara xopmen tunuunu ren, ixo epovo ni na lox amomo ne Moroa, mila do tara i vara na vot pasa ne Moroa, neni na nuunu do ne Moroa mo i rooro la neni i epovo naba lox anarong nedi lebelen di i ngaongao xusu dinaklen ne Moroa.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

Ibru 4:16

Kuren la nemen dik guta marat kusu tana vot pasa ne Moroa mi lodomdoma atdik mila neni i umsu mi lebelemumu la nedik taba ruuna ka letaba nabalamu ren la loklok tooro do nedik atak pakes tin.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.

Ibru 7:11

Limixin me Israel di goxo epovo do dina dadat basinge laxakapmek mila xopmen di goxo epovo xusu dina mu asu avukat leventaangas la levelinga at lavamaasa mo digak lok at libibinat at ne Levi; mo leventaangas, ni lavasuun at Lenavolo, ne Moroa ga raba limixin me Israel min. Kuren la limixin digak pakes ti lamaasa vetpes kusu na vot, la ba lok ngan ne Melkisedek; neni noxo lok ngan ne Aron mi lavamaasa at libibinat at ne Levi.

Ibru 7:20

La ne Moroa ga vangpe do ne Iesu na xip ka lugugu at lamaasa, ketla ne Aron la lavamaasa melemu ren diga xip ka mo lugugu ketla goxopmen tavangpangpe at ne Moroa ridi.

Ibru 7:25

Kuren la neni i epovo na lox arooro rinotno nedi di vosiga ne Moroa, mo do dina nuunu sogo at ne Iesu; mila ne Iesu naba nemen amisik saparap ne Moroa la na ngising i xusu na lok tooro di.

Ibru 8:6

Ketla mo lugugu ne Iesu ga lok ka i, i lox avukat ti lugugu at lavamaasa mede xopok, i ngan bok lekabus maxat i lox avukat ti lekabus migomgo; la leveloklox anarong at lekabus maxat i lox avukat ti leveloklox anarong at lekabus migomgo. La ne Iesu neni lavasuun at lekabus maxat, ni ga lok lumulum kantubu at limixin mi ne Moroa.

Ibru 9:9

Ana lavanga ni lampoovo mun ti na levenaleng ti lox asuusu i do leventamtaba la levelaplavang diga etaba min kopmen goxo epovo na lok kepe loklok mamangan at laxakapmek atnedi diga etaba mi mo levempanga.

Jems 4:8

Nemi mina nemen auret ne Moroa la ni naba nemen tino eburu minimi. Nemi luvuttadi at laxakapmek, lorooro atnimi na maxat bilong, i ngan laradi i gos lukngen la ira maxat manga. Nemi mi ruuna legepu doxoma, mina lok pes nom levendoxoma xapmek basinge lorooro atnimi.