Ibru 7:1 - Madak

¹ Na leeme ne Melkisedek, gano neni loorong silok to Salem la neni lamaasa at ne Moroa i silok aleng. Neni ga ekip tangarang mi ne Abaram at laaleng ne Abaram eburu mi limixin teren digamlong boro at leesep no diga sep kepe leventaba lavaorong silok la limixin atdi; la ne Melkisedek ga lox anarong i.

Ibru 7:1 Iomraidhean Croise

Sam 57:2

Nia a toro ri ne Moroa, ni Leeme Avolo, mo im taba ia mi lempanga axap nia ak pakes tin.

Sam 76:2

I ruuna langkolonu ro Jerusalem; la neni i nemen to at loxongkaana Saion.

Sam 78:35

Diga doma ka i do ne Moroa neni Lurutu See Pe at lorooro atnedi, la do mo Lanaraavuk ga vot kusu na lox asepsu di basinge levesongsongot.

Sam 78:56

Ketla leme Israel diga ronga viribang at Lanaraavuk ne Moroa, la diga lok tong pen i mi leveloklok atnedi. Digoxo ronga res at Lenavolo ren,

Lagale Lavavang At Ne Iesu Karisito Mak Ga Malagan I 5:7

La ne Iesu ga lok tin keretna, “Mina on basinge na laradi, nenu lagas kapmek.” La nom laradi gap kup lolos ti ne Iesu xeretna, “Iesu, Nitna ne Moroa i silok aleng. U rupot de ri lok lavanga sala ria? Una xaape ri ne Moroa dola u noxo sev asongor ia.”

Leven Gugu 16:17

Ni ga mumu asu nema mi ne Pol, la gap kup keretna, “Na luvuttadi nedi luvuttadi gugu at ne Moroa i silok aleng! Di tong asu langas at lorooro rinimi!”

Ibru 6:20

La kerepmo bok ne Iesu gamgo ridik uto vana xusu na lok lugugu ngan Lamaasa Avolo kerekngan ne Melkisedek, la lugugu at Lamaasa Avolo noxo xap.

Ibru 7:2

La ne Abaram ga raba ne Melkisedek mi loxot i sev asangaun ap mo levempanga neni ga lok kaka i ap mo lavaorong silok. Avot, lavasuun at laasen ne Melkisedek do, “Loorong silok at loklok mokmokso;” la laasen bok do loorong silok boro Salem i epovo mi levelinga xeretna, “Loorong silok at lenmila.”

Ibru 7:3

Nedik kopmen ataklen leretere at ne temen mi nenen la leretere at lavalabat teren, la dik taxoklen i do diga visix i la ni ga met lingisa. La kerepmo Nitna ne Moroa i lok ngan ne Melkisedek, mo i nemen amisik ngan lamaasa.

Ibru 7:6

Na laradi ne Melkisedek, neni goxopmen livisik li at ne Levi, ketla neni ga lok ka loxot i sev asangaun boro at ne Abaram, ni ga ruuna ka lavapaase alii boro at ne Moroa la ne Melkisedek ga lox anarong i.