Ibru 6:2 - Madak

² laanasa ri lesep susu; laanasa ri loklok ti sa li levengkikngen mavana at teventaba rik lox anarong di; laanasa ri laxakatu kaxat basinge lanmet; la laanasa ri lugugu at ne Moroa ngan laradi rongtonga linga at laaleng ete.

Ibru 6:2 Iomraidhean Croise

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Metiu 3:14

Ketla ne Jon ga lok tin, “Ixo epovo xusu una mu asu i na. I epovo do nenu una sep susu ia. La tila xa la ura sing ia do ana sep susu u?”

Lagale Lavavang At Ne Iesu Karisito Mak Ga Malagan I 16:16

Dola tara na nuunu at Lagale Lavavang tarak la mina sep susu i, neni naba roo suu. Dola tara noxo nuunu at Lagale Lavavang tarak, neni naba seeve.

Lagale Lavavang At Ne Iesu Karisito Mak Ga Malagan I 7:4

Loklok bok at lavalabat atdi xeretna; se digamlong boro at leetang, kopmen di goxo anan se digak lox adadat avot be di. Leveloklok petpes bok diga mumu asu i xeretna; diga sogos amisik levengkap inin atdi, leventingtigon, la levesosopen.

Lagale Lavavang At Ne Iesu Karisito Mak Ga Malagan I 7:8

La ne Iesu ga lok tidi xeretna, “Mi onon basinge levelinga mumuat at ne Moroa, ketla mim tebeng lolos leveloklok at limixin.”

Lagale Lavavang At Ne Iesu Karisito Luk Ga Malagan i 11:38

Mo la Parisi ga rakdu aleng mila neni ga ven ne Iesu kopmen goxo gos avot be lukngen kusu ri anan.

Lagale Lavavang At Ne Iesu Karisito Luk Ga Malagan i 12:50

A ruuna lara lumumuat kusu anap kiv i, la labalak i muat aleng kusu ana lok kaka i se ana lox epovo i!

Lagale Lavavang At Ne Iesu Karisito Luk Ga Malagan i 14:14

la ne Moroa naba lox anarong u, mila kopmen dina epovo xusu dina vorang lempanga ram. Ketla ne Moroa axa naba raba u mi luunun at laaleng limixin mokmokso diba xatu kaxat basinge lanmet.”

Lagale Lavavang At Ne Iesu Karisito Luk Ga Malagan i 3:16

Kuren la ne Jon ga lok tidi axap, “Nenia a sep susu nimi mi ladan, ketla lara naba vot. Lololos teren i volo lololos tarak. Axo epovo xusu ana soxomus luvanga vatpas teren mila neni i silok aleng tia. Neni naba sep susu nimi mi Loroonan Kaala la naba lok kepe laxakapmek atnimi kerekngan laxao i rin kepe levenboobong.

Lagale Lavavang At Ne Iesu Karisito Jon Ga Malagan I 1:33

Nia xovisi goxoklen i, ketla ne Moroa ga riki ia xusu anap sep susu limixin mi ladan la neni ga lok tia xeretna, ‘Uba ven Loroonan Kaala naba si boro vana la nasga taradi; neni mo laradi naba sep susu limixin mi Loroonan Kaala.’

Lagale Lavavang At Ne Iesu Karisito Jon Ga Malagan I 5:29

la diba ru suu boro at lara maaut atdi; la nedi, diga lok loklok nunuan, diba xatu la dina rooro, la nedi digak lok laxakapmek, diba xatu la dinat pas uto at lemenemen songsongot.

Leven Gugu 10:47

“Na limixin dia ruuna ka vam Loroonan Kaala kerekngan pam nedik taga ruuna ka i. Ixo epovo do tara na sep pepe di, do di noxo lok ka lesep susu mi ladan.”

Leven Gugu 13:3

La diga mun anan la diga ngising, la diga lok li levengkikngen di mavana atdu; la diga riki aonon ba du.

Leven Gugu 16:15

Neni eburu minedi diga nemen min ap mo loogu ren diga lok ka lesep susu; melemu ni ga xup kaka nama, “Ude nimi la mina nemen to at loogu rak, mo do nemi mi doxoma i do nenia latkin nuunu ruturun at Leeme Silok.” La ni ga vaase lolos tinama la maga beles.

Leven Gugu 16:33

Ap mo mene laaleng at laxanimin laradi loklok tatao loogu xokoxo ga sat kaka du la ga gos levenin kooxing atdu; la neni eburu minedi diga nemen at loogu ren diga lok ka lesep susu ap mo mene loxonaleng.

Leven Gugu 17:18

Lentaba luvuttadi loklox ase diga tong nedi do Epikurian la Stoik diga etep mi levelinga eburu mi ne Pol. Lentaba diga sue, “Lavanga salai na laradi baulang i lok do na tong asu i?” Lentaba vetpes diga lok, “Ni i paase mumu levenmoroa at lengkot petpes.” Diga tong i na mila Pol ga vavang mumu ne Iesu la laxakatu kaxat amlong teren.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 23:6

La ne Pol ga ven i do lentaba atdi na limixin nedi lubung Sadiusi la lentaba bok atdi nedi lubung Parisi, la ni ga vaase silok tinedi luvuttadi, “Luvutnetak, nenia la Parisi, la ne tamak bok, neni la Parisi. A tu at lavapaase mila nia aklen i do ne Moroa naba lox arooro amlong nedi diga met pam diba roo xat amlong.”

Leven Gugu 24:15

Nia a doxoma voovo ri ne Moroa xerekngan bok di, di nuunu do limixin axap, limixin avukat la limixin kapmek, diba roo xat amlong basinge lanmet.

Leven Gugu 24:21

Nia aga tu mun at legesa vanga. Nia aga xup lolos ap mo laaleng nia aga tu ro melamgo atdi xeretna, ‘Mi vaxaru ia at lavapaase mo lingina mila a nuunu do limixin no diga met pam diba roo xat amlong ti lorooro.”

Leven Gugu 24:25

Ketla ne Pol ga paase mumu luruptuvuk avukat, la loklok ti lok tatao avukat lodoxoma, la laaleng at ne Moroa naba lok li limixin at lavapaase, la ne Pelik ga marat aleng tinotno la ga lok, “I epovo nga. Aba ro xaka bok ba u do nia ana ruuna bok ba taaleng.”

Leven Gugu 26:8

Tila ba, i lolos aleng tinimi xusu nemi mina nuunu do ne Moroa i epovo naba lox arooro amlong limixin diga met pam?

Leven Gugu 4:2

Diga musak mila nedu duga tong i ri limixin do ne Iesu mo ga roo xat amlong pam basinge lanmet, ti lox asuusu i do limixin di met, dinaba roo xat amlong bok.

Leven Gugu 6:6

Nedi na diga raba nedi ri luvuttadi vavang la diga lok lising la diga lok li levengkikngen di ro mavana atdi, kusu dina lox anarong di.

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

1 Korin 10:2

Keneng at loxontakabu la keneng ap mo loxontas, i lok ngan ta diga lok ka lesep susu atdi ngan loklok katling at lixitkis etangas atdi mi ne Moses.

1 Korin 12:13

Nedik axap limixin, ne Moroa gara suxuna vam dik mi mo legeso Roonan Kaala ren, kuren mun la nedik at legesa bantuxu; mila nedik axap ataga lok ka vam legeso Roonan Kaala ne Moroa ga raba nedik min. Keke i do buaang atnedik limixin, la nedik at levengkot petpes, leventaba at leme Judaia, la leventaba xopmen di me Judaia, la leventaba nedi levenasaxaruki, la leventaba nedi luvuttadi mene xuren.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

Pilipai 3:21

Neni naba lox asuusu lololos silok teren kusu levempanga axap naba mu asu mun lavavara ren la neni naba lox ekun labantuxu gamasa atnedik kusu naba lok ngan labantuxu ren imgames la i lolos.

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

2 Timoti 2:18

Nedu duga soogong basinge levelinga ruturun at ne Moroa. La duga lok kapmek lunuunu at leventaba limixin, duga xarang di keretna, “Moroa ga lox arooro vam limixin at na lorooro la noxo lox axatu amlong bok ba limixin basinge lanmet.”

Ibru 11:35

Leventaba lavakin diga ruuna lunuunu kuren la leventaba atnedi digara met pam, ketla ne Moroa ga lox aroo amlong bok di. Leventaba atnedi luvuttadi nuunu, diga lok ka losongsongot kapmek tinotno, lavamolon diga lok mo leveloklok ti lok kepe lunuunu atdi, ketla diga tu lolos la diga siam ka mo laxanmumuat, mila diga nuunu do melemu diba lok ka lorooro avolo.

Ibru 9:10

Mo leveloklok ti laanan la liinin la leventaangas ti sogos panga, mo leventaangas ga nemen mun kusu mo limixin dina mumu asu i se at laaleng lekabus maxat ga vot.

2 Pita 3:7

Ketla, laxalibet eburu mi laxangka move duk lok mumu asu levelinga at ne Moroa, la duk lox agagas kusu laxao naba sele utut nedu. La nedu dunabak lok se ap mo laaleng limixin ua dixo mumu asu ne Moroa dinaba ru at lavapaase la ne Moroa naba sele utut nedi.