Ibru 6:19 - Madak

¹⁹ Nedik takleklen i do ne Moroa naba lox asorun levempapaase alii ren, kuren la lebelen dik it kis aulis ngan lesepang it kis aulis do di sepkaa alis i ro xopok at lavaruat. La kerepmo bok i epovo do nedik tana xis esogo mi ne Moroa no vana at laxalibet; i lok ngan gano lamaasa ga vubeles at loxot i xaala aleng, mo loxot gak lok to melemu at lavatbantamon silok to xeneng at loogu laplavang.

Ibru 6:19 Iomraidhean Croise

Sam 39:7

Lavanga sala bok ba i mo xusu nia anam doma ngangais tin, Leeme Silok? Nia a nuunu saga ram.

Sam 42:11

Tila nia ak bulu amisik? Tila nia am doma saasa? Nia anam doma ngangais ti ne Moroa, kusu anaba emi asu amu bok min, ni Laradi Loklok Arooro rak la ne Moroa rak.

Sam 42:5

Tila nia ak bulu amisik? Tila nia am doma saasa? Nia anam doma ngangais ti ne Moroa, kusu anaba emi asu amu bok min, ni Laradi Loklok Arooro la ne Moroa rak.

Sam 43:5

Tila nia ak bulu amisik? Tila nia amdoma saasa? Nia anam doma ngangais ti ne Moroa, kusu anaba emi asu amu bok min; ni Laradi Loklok Arooro rak la ne Moroa rak.

Metiu 27:51

Ap mo loxonaleng lavatamon silok ga merem to xeneng at loogu laplavang ga rem lais ka ro vana, ga su ro xopok la ga ra ngan ta legepu ban, la laxangka gangne la lemparuat ga tepavagam.

Leven Gugu 23:6

La ne Pol ga ven i do lentaba atdi na limixin nedi lubung Sadiusi la lentaba bok atdi nedi lubung Parisi, la ni ga vaase silok tinedi luvuttadi, “Luvutnetak, nenia la Parisi, la ne tamak bok, neni la Parisi. A tu at lavapaase mila nia aklen i do ne Moroa naba lox arooro amlong nedi diga met pam diba roo xat amlong.”

Leven Gugu 27:29

Diga marat aleng mila lavattaaxup naba ebaa ro at laxanuat; kuren la diga lox asu lavanuet lemparaga ro melemu at lavattaaxup la maga sing kusu laxangking na losu.

Leven Gugu 27:40

Kuren la diga ra korop asu lemparaga la diga ke nedi diga dong si ukopok at laras; la ap mo mene loxonaleng diga soxomus lara kua no diga xoxo alis mo lisitia min. Diga lox aurut labantamon to melamgo at lavattaaxup kusu lamanman naba mas aonon lavattaaxup, la na sen epopolo uto loxon.

Lovoang At Ne Pol Ti Limixin Nunu to Rom 4:16

Kuren la laxakaape at ne Moroa naba sorun mun mumu lunuunu, kusu ne Moroa na lox asuusu letaba nabalamu ren la laxakaape ren naba sorun ti livipisik li axap at ne Abaram kerekngan levelinga at ne Moroa ga tong i. Kopmen do tinedi xusuk di mumu asu Lenavolo, ketla tinedi bok di nuunu ngan ne Abaram, neni ne temen nedik axap di ruuna lunuunu.

Lovoang At Ne Pol Ti Limixin Nunu to Rom 4:18

Ga lolos aleng ti ne Abaram kusu na nuunu ap mo laxakaape at ne Moroa rin, ketla neni ga nuunu ren la gam doma voovo rin; kuren la neni ga ravasu ngan ne temen limixin at laranep silok buaang. I ngan Lovoang Kaala i vaase i xeretna, “Livipisik li ram naba umsu.” Lur 15:5

Lovoang At Ne Pol Ti Limixin Nunu to Rom 5:4

La mo lololos ik lox asuusu lorooro mukun keneng atnedik, la na lorooro mukun ik lox asuusu levendoxoma voovo xeneng atnedik.

1 Korin 13:13

Kuren la ana lavantun levempanga naba nemen amisik, lunuunu saparap ne Moroa, lodoxoma voovo ti lomlong at ne Karisito, la labalamu; la lara i silok aleng at nai lavantun, ni labalamu.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

Epesas 2:6

I lok ngan ta do ne Moroa ga lox axatu amlong dik eburu mi ne Karisito la ga lox axis dik eburu min to vana at laxalibet; na i ravasu boro at lugugu at ne Iesu Karisito.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

Kolosi 3:1

Nemi miga lok kaka lorooro maxat, i lok ngan ta do miga roo xat amlong basinge lanmet eburu mi ne Karisito. Kuren la mina lok li lorooro atnimi at lempanga boro vana at laxalibet, no ne Karisito it kis ap mo loxot kitkis avolo teren saparap lekngen tino at ne Moroa.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

Ibru 4:16

Kuren la nemen dik guta marat kusu tana vot pasa ne Moroa mi lodomdoma atdik mila neni i umsu mi lebelemumu la nedik taba ruuna ka letaba nabalamu ren la loklok tooro do nedik atak pakes tin.

Ibru 9:3

To melemu at na loxonnep gu, ni lenep gu i sev agepura; diga soxor i do loxot i xaala aleng tino. Lara lavattamon ga merem to xantubu ri lox epeseves mo lunep gu.

Ibru 9:7

Ketla lamaasa gomgo xusuk mun neni ga pubeles ti mo loxonnep gu maxeneng tino, mo loxot ga xaala aleng tinotno. Neni ga vubeles go at leges aleng mun keneng at legesa maares. Neni goxo pubeles gamasa, ni ga ba pubeles axa eburu mi lada at levempanga mi lavanuet kangkedek. La neni ga lok letaba mi mo lada ti laxakapmek teren la laxakapmek bok at limixin do digara soogong pam, ketla di goxoklen i do mo levempanga ga lok kapmek.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.