Ibru 6:12 - Madak

¹² Ma xopara i do mina molo at lunuunu atnimi xetla mina mu asu loklok atnedi lavalabat atnimi diga tu lolos amisik at lunuunu atdi la digat kis tangais mo leveloklox anarong ne Moroa ga paase alii min tidi.

Ibru 6:12 Iomraidhean Croise

Metiu 22:32

Mo levelinga i lok keretna, ‘Nia ne Moroa at ne Abaram, Moroa at ne Aisak, la Moroa at ne Jakop.’ Pas 3:6 Ap mo laaleng ne Moroa ga tong i na, nedi lavantun diga met pam. La neni ne Moroa atnedi limixin di rooro, la kopmen atnedi luvuttadi met.”

Metiu 25:26

La leeme silok ga lok tin, ‘Nenu lasaxaruki kapmek la lavatpanga molo. Nenu ugaklen i do ak lok kaka levempanga kopmen atarak, la a kaxat ka levempanga anan, nenia goxotlotlo i.

Lagale Lavavang At Ne Iesu Karisito Luk Ga Malagan i 16:22

At lara laaleng laradi banbalo ga met la lubung angelo diga xip kaka i uto saparap ne Abaram, to vana at laxalibet; la nom laradi nopnovos bok ga met la digak mir i.

Lagale Lavavang At Ne Iesu Karisito Luk Ga Malagan i 8:15

Ti levenit no ga subu ro at loxongkangka avukat, i ru katling nedi di ronga levelinga la di lok li avukar i xeneng at lebelen di la i lox avukat, la ia nemen lolos se di visik levempeven avukat.”

Lovoang At Ne Pol Ti Limixin Nunu to Rom 12:11

Mina gugu lolos, la nemen gat migutak molo. Mina gugu taba Leeme Silok mi lebelen nimi la lodoxoma axap atnimi.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

Lovoang At Ne Pol Ti Limixin Nunu to Rom 4:12

Neni ne temen nedi bok mo diga vit kepe vam lengkontuxu atnedi la diga lok ka lunuunu ngan lunuunu at ne temen nedik ne Abaram ga ruuna i, avot tinotno ri laaleng diga vit kepe loxontuxu ren.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

2 Tesalonia 1:4

Kuren la nema ma xip aurut nimi ri levelotu at ne Moroa, mila nemi mi tu lolos at lunuunu atnimi kantubu at levesongsongot mi levenmumuat, mo mip kiv i.

Ibru 1:14

Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

Ibru 10:36

Do mina suma levenmumuat at lorooro atnimi, mina tu lolos at lunuunu atnimi xusu minaba ruuna ka mo leveloklox anarong ne Moroa ga vaase alii min tidik, mo do mina mu asu lavavara ren.

Ibru 11:33

diga ruuna lunuunu, kuren la leventaba atdi diga sep kepe levenabung mixin, leventaba atdi diga lok tatao limixin atdi mi loklok mokmokso, la kerepmo ne Moroa ga lok tooro di xerekngan neni ga vaase alii min tidi; la leventaba atdi, lavamolon diga lu arup midi uto at laramet laion la lubung laion di goxo epovo na anan di, mila ne Moroa ga vamngus lubung laion.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 13:7

Mina doma loklok at luvuttadi amgomgo atnimi gano, mo diga vaase nimi mi Lagale Lavavang at ne Moroa. Mina doma lunuunu diga ruuna i at lorooro atdi se diga met, la mina lok ka lunuunu xerepmo.

Ibru 5:11

Ma ruuna laxalinga solo mumu ne Iesu ngan Lamaasa Avolo, ketla naba lolos ti mus na levelinga rinimi mila lodoxoma atnimi kopmen na gagas ti lok ka na levenanasa.

Ibru 6:15

La ne Abaram gat kis atnaasan mun la ga ngangais ne Moroa, se ni ga lox asorun mo lavapaase alii rin.

Jems 1:3

atla miklen i do nom levenmumuat i tupot parap nimi kusu ri lox alolos lunuunu atnimi la melemu miba tu tuxuruxun keneng at lunuunu atnimi.

2 Pita 1:10

Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.

1 Jon 2:25

La neni naba lox epovo lavapaase alii ren, no ni ga xaape min tinedik keretna, neni naba raba nedik mi lorooro avolo.

Lisilimet 13:10

‘Do ne Moroa gara tong li vam i do tara nabat pas ti loxokoxo, neni naba vubeles ti loxokoxo; la do ne Moroa gara tong li vam i do diba sep tara mi lavarise sepsep, neni naba uu at leesep mi lavarise sepsep.’ Jer 15:2, 43:11 Kuren la limixin at ne Moroa dina tu tuxuruxun at lunuunu atdi la dina ngangais mi lomomo keneng ap mo levenmumuat.