Ibru 6:1 - Madak

¹ Kuren la nemen mitam tebeng mun mo levenanasa miga lok ka avor i, i lox avukat kusu mina lolos ti lok kaka levenanasa at ne Karisito kusu miba ravasu ngan limixin mukun. Mina ke be mo levenanasa avot, i lok keretna, laanasa mumu loklok ti leeng basinge laxakapmek kusu mo laxakapmek noxo lox asuusu lanmet; laanasa mumu lunuunu ri ne Moroa;

Ibru 6:1 Iomraidhean Croise

Metiu 21:29

La ne nitna ga lok, ‘Nia a noxot pas.’ Ketla melemu neni ga lox ekun lodoxoma ren la gat pas.

Metiu 21:32

Lavasuun teren keretna; Jon, laradi sep susu, ga vosiga nimi la ga vavang tinimi mi loklok mokmokso kusu mina mumu i, ketla mi goxo nuunu ren; ketla luvuttadi loklok ka pilas mi lavakin ngarangat diga nuunu ren; miga ven nedi diga leeng, ketla nemi mi goxo leeng la mi gita nuunu ren.”

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 4:17

Ga ru ka i ap mo levenaleng ne Iesu ga vavang ti limixin keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 5:48

Kuren la mina nemen manmanton kerekngan mun ne Temen nemi no vana at laxalibet in manton.”

Metiu 7:25

Larakabu ga vot, la ladanut ga sen, la lamanman gat mas lolos mo loogu, ketla loogu goxo rem sup, mila ni gasbo i mi laxanuat.

Lagale Lavavang At Ne Iesu Karisito Mak Ga Malagan I 1:1

Na Lagale Lavavang mumu ne Iesu Karisito, Nitna ne Moroa.

Lagale Lavavang At Ne Iesu Karisito Mak Ga Malagan I 6:12

La luvuttadi loklok ka anasa ren diga vas kaxat uto at levenmenemen la diga vavang do limixin dina leeng.

Lagale Lavavang At Ne Iesu Karisito Luk Ga Malagan i 6:48

Neni i ngan laradi ga vaxaru loogu; ga sev asi lemet ukopok tinotno la gara lok li ba laraexem at nom loogu uto at laxanuat. Ladanut ga xip pot la gak ma nom loogu, ketla loogu kopmen goxo subu; mila ni ga xip avukat tinotno i.

Lagale Lavavang At Ne Iesu Karisito Jon Ga Malagan I 12:44

Iesu ga vaase silok ti limixin keretna, “Do tara na nuunu rak, i nuunu bok ap mo lara ga riki ia ude.

Lagale Lavavang At Ne Iesu Karisito Jon Ga Malagan I 14:1

Iesu ga lok ti luvuttadi loklok ka anasa ren keretna, “Nemen gat lebelen nimi na bulu. Mina nuunu at ne Moroa, la mina nuunu bok tarak.

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 17:30

Gano ne Moroa goxo doma solo laxakapmek at limixin ap mo levenaleng limixin kopmen di goxokleklen i; ketla lingina i tong lolos i ri limixin at lengkot axap do dina leeng basinge laxakapmek atdi.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 26:20

Aga vavang avot to Damasko la to bok Jerusalem, la melemu bok to at lengkot axap Judaia, la kantubu bok at limixin kopmen di me Judaia; aga vavang do dina leeng basinge laxakapmek atnedi la dina mumu asu ne Moroa la dina lok lempanga ri lox asuusu i do dira leeng pam.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

1 Korin 13:10

Ketla melemu Laradi Mokmokso nabamlong la mo leventamtaba kopmen ataklen avukar i naba xap asonao.

1 Korin 2:6

Tinedi mo dira mukun pam keneng at lunuunu, nema luvuttadi vavang, ma paase ridi mi lakleklen at ne Moroa, ketla kopmen lakleklen at na lavatbung menemen, kopla levendoxoma at luvuttadi amgomgo at na levenaleng; mo lolos atnedi naba sonao kot.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

2 Korin 7:10

Lainbulu ne Moroa i lok kaxar i, ni ik lok leretepukus keneng at leveve at laradi la im gomgo nga i at langas ti lorooro, la neni noxo bulu mu mo lainbulu. Ketla lainbulu mede at lavatbung menemen im taba lanmet.

Epesas 2:1

Ganoxa nemi miga lok ngan laxampanga met mene, mumu laxakapmek,

Epesas 2:5

la ga lox arooro nedik mumu laxakatu kaxat amlong at ne Karisito, keke i do nedik taga lok ngan laxampanga met la taga umsu mi laxakapmek. Neni ga lox arooro nedik keneng mun at letaba nabalamu ren.

Epesas 4:12

Karisito ga raba leventamtaba kerepmo ri lox agagas limixin teren ti lok lugugu ren kusu diba epovo na elok tooro ela la dina lox alolos labantuxu at ne Karisito.

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

Kolosi 3:14

La lara lavanga bok mo i silok ti nom levempipisik nunuan at lorooro, ni labalamu; la mina lox aumsu nimi mi labalamu mo naba lox eburu avukat limixin axap.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

1 Timoti 6:19

At na mun langas dinaba lok li bubua lapnovos silok, mo ba nemen tangais di, ngan loogu avukat at lorooro melemu, la dina ruuna ka nom lorooro, ni lorooro ruturun.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

Ibru 11:6

La mo do tara xopmen tunuunu ren, ixo epovo ni na lox amomo ne Moroa, mila do tara i vara na vot pasa ne Moroa, neni na nuunu do ne Moroa mo i rooro la neni i epovo naba lox anarong nedi lebelen di i ngaongao xusu dinaklen ne Moroa.

Ibru 12:13

Mina lok tatao avukat lavatpas atnimi, xusu do teventaba atnimi mo lunuunu atdi xopmen na lolos, di noxo soxepe axap lunuunu atdi at ne Karisito, ketla diba ven mo leveloklox avukat atnimi, la diba mu asu i la kerepmo lunuunu atdi naba lolos.

Ibru 7:11

Limixin me Israel di goxo epovo do dina dadat basinge laxakapmek mila xopmen di goxo epovo xusu dina mu asu avukat leventaangas la levelinga at lavamaasa mo digak lok at libibinat at ne Levi; mo leventaangas, ni lavasuun at Lenavolo, ne Moroa ga raba limixin me Israel min. Kuren la limixin digak pakes ti lamaasa vetpes kusu na vot, la ba lok ngan ne Melkisedek; neni noxo lok ngan ne Aron mi lavamaasa at libibinat at ne Levi.

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Jems 1:4

Mina tu lolos amisik maxeneng at levenmumuat, la nemen mita subu kot. La kerepmo miba vee ngan limixin mukun at lunuunu atnimi la kopmen tempanga xapmek bak lok at lorooro atnimi mo ba umsu aleng mi leveloklok nunuan.

1 Pita 1:21

La at na mun langas neni ga lox i la nemi mira nuunu at ne Moroa, no ga lox arooro amlong i at lanmet la ga raba box i mi laasen silok; kuren la lunuunu atnemi la levendoxoma voovo atnemi i tu rinotno at ne Moroa.

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.

1 Jon 4:12

Kopmen tara goxo ven tu at ne Moroa; ketla do nedik ta ebalamu ela, i lox asuusu i do ne Moroa i nemen keneng atdik, la labalamu ren i lox ampana avukat keneng at lorooro atdik.