Ibru 5:7 - Madak

⁷ Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.

Ibru 5:7 Iomraidhean Croise

Sam 22:24

Leeme Silok ixo raba sinta limixin baava dip kip levesongsongot. La ixo raba arulu bok di, ketla ing tonga di do di toro ri loklok tooro.

Sam 69:1

O Moroa, una lox asepsu ia! Ladan na ira urut pam ti laxaka rak.

Sam 88:1

Leeme Silok ne Moroa, nu laradi loklox arooro rak, ang teng tu at levenaleng kangking la at lengkanimin at pas parav u mi lisingising.

Metiu 27:46

At lavantun konaleng ne Iesu ga xup lolos keretna, “Eloi, Eloi lama sabaktani?” Lavasuun at na levelinga xeretna, “Moroa rak, Moroa rak, tila u raba arulu ia?”

Metiu 27:50

La ne Iesu ga xup kaxat silok manga la lamamas teren ga rekorop, la ni ga met ta.

Lagale Lavavang At Ne Iesu Karisito Mak Ga Malagan I 15:34

La at lavantun konaleng ne Iesu ga xup lolos keretna, “Eloi, Eloi. Lama sabaktani?” Lavasuun at na levelinga xeretna, “Moroa rak, Moroa rak, tila u raba arulu ia?”

Lagale Lavavang At Ne Iesu Karisito Mak Ga Malagan I 15:37

La ne Iesu ga xup lolos la ga met.

Lagale Lavavang At Ne Iesu Karisito Luk Ga Malagan i 23:46

La ne Iesu ga xup lolos, ni ga lok, “Tamak, a lok li loroonan tarak at lukngam!” Ni ga tong i na la ga met ta.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 11:35

La ne Iesu gang teng.

Lagale Lavavang At Ne Iesu Karisito Jon Ga Malagan I 11:42

Aklen i do amisik ung tonga ia, ketla a tong i na xusu na limixin diba nuunu do uga riki ia.”

Lagale Lavavang At Ne Iesu Karisito Jon Ga Malagan I 17:1

Melemu at na levelinga Iesu ga milik aurut uto vana at laxalibet la ni ga sing keretna, “Tamak. Laaleng ira vot pam kusu una lox asilok laasen tarak, ne Nurum, la kusu nenia, ne Nurum, anaba lox asilok laasen taram.

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Galesia 4:4

Ketla loxonaleng ga vot ne Moroa ga vit li i, neni ga riki ne Nitna rinotno. La neni ga ravasu ngan lamdak at latkin at na lavatkangka, la neni gak lok maxopok at Lenavolo at leme Judaia,

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 10:5

Kuren la ap mo loxonaleng ne Karisito ga lok do na si ude at lavatbung menemen, neni ga lok ti ne Moroa xeretna, “Labalam goxo ru levelaplavang la leventamtaba, ketla ugam doma gagas kusu uba riki asi ia la anaba vee radi ngan limixin kusu anaba raba u minia ngan laplavang.

Ibru 11:7

Noa ga ruuna lunuunu, kuren la at laaleng ne Moroa ga tong i rin do laran naba vot, ni ga ronga res la ga lok lavattaaxup silok kusu na lox arooro nedi loxoetemen. Neni ga ruuna lunuunu la kerepmo ga lox asuusu i do loklok at limixin ap mo levenaleng ga lok kapmek, la neni ga ravasu ngan laradi mokmokso at lemeren ne Moroa mila neni ga ruuna lunuunu saparap ne Moroa.

Ibru 12:28

Nedik ata lok ka lixitkis at Linintoo ren mo noxo xap, kuren la ata tong avukat ti ne Moroa la ata lotu ruturun saparav i, la lorooro atdik na umsu mi langsangan loklok ngangao saparav i,

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

1 Jon 4:3

Ketla do tara kopmen na tong i do ne Iesu ga rupot boro at ne Moroa, neni kopmen at ne Moroa. Limixin kerepmo nedi luvuttadi munepen mi ne Iesu. Nemi miga ronga i do diba rupot la monga dira nemen pam at na lavatbung menemen.

2 Jon 1:7

Buaang nedi luvuttadi sosolo arup diga vas epeseves su uto at na lavatbung menemen. Mo limixin kopmen na tong asu i dola Iesu Karisito ga vot ngan laradi ruturun. Luvuttadi xerepmo nedi lavaanat sosolo arup, la di munepen mi ne Karisito.