Ibru 5:5 - Madak

⁵ La ne Karisito bok kopmen goxo xip ka mo lugugu silok at lamaasa gomgo mi lavavara ren. Ketla ne Moroa ga lok tin keretna, “Nenu ne Nuruk, ningina nenia a lok ngan ne Tamam.” Sam 2:7

Ibru 5:5 Iomraidhean Croise

Sam 2:7

Loorong Silok i lok, “Anaba vaase asu bok levempanga Leeme Silok i tong ali i. La ni ga lok tia, ‘Nenu ne Nuruk; ningina nia a lok ngan ne Tamam.

Lagale Lavavang At Ne Iesu Karisito Jon Ga Malagan I 3:16

Moroa ga balamu rinotno limixin axap at na lavatbung menemen, kuren la ni gam taba mi legesa madak mun teren, kusu do nege i nuunu ren, neni noxo seeve, ketla neni naba ruuna ka lorooro avolo.

Lagale Lavavang At Ne Iesu Karisito Jon Ga Malagan I 7:18

Laradi do i paase aru xa i, neni i ngan do i lox asilok axa i. Do tara i vara i do na lox asilok mo lara ga riki i, neni i paase ruturun la kopmen taxaxarang na nemen teren.

Lagale Lavavang At Ne Iesu Karisito Jon Ga Malagan I 8:54

Iesu ga vorang i ridi xeretna, “Dola nenia ana lok asilox ia, levelinga rak naba lok ngan lavanga gamasa. Ketla ne Tamak ik lox asilox ia. Nemi mi tong i do neni ne Moroa atnimi.

Leven Gugu 13:33

La mo laxakaape ira sorun pam tinedik luvuttubuno avolo atnedi limixin me Israel keretna; Moroa ga lox aroo amlong ne Iesu basinge lanmet. I lok ngan mo levelinga ik lok at levempikpixan sepsev agepura at ne Devit. Moroa ga lok keretna, ‘Nenu ne Nuruk la Lanarong, lingina a lox u, i ngan Loorong Silok.’ Sam 2:7

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Ibru 1:1

Ganoxa ne Moroa ga vaase ri lavalabat atdik at levenngusno nedi lavaeme vapaase alii, at levengkonaleng getgesara la at leventaangas axap.

Ibru 1:5

Moroa goxo vaase ri tara ta angelo do, “Nenu ne Nuruk, ningina nenia a lok ngan ne Tamam.” Sam 2:7 La ni goxo vaase mumu taangelo xeretna, “Nenia aba lok ngan ne Temen, la neni ba lok ngan ne Nuruk.” 2 Sml 7:14

Ibru 2:17

Kuren la na lavasuun teren la neni ga vee radi at lorooro axap teren ngan luvutneton kusu neni ba ravasu ngan laradi ga umsu mi lebelemumu la laradi ruturun at lugugu at lamaasa gomgo ri ne Moroa, la ga ravasu ngan laxaavuk kusu ne Moroa na doxoma xepe laxakapmek at limixin.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

Ibru 5:10

la ne Moroa ga lok li i ngan Lamaasa Avolo ngan ne Melkisedek.