Ibru 5:2 - Madak

² Lamaasa gomgo im suma leveloklok tong pen, kuren la i epovo do ni na suma rooro nedi di lok laxakapmek mila kopmen dinaklen i do mo levempanga i lok kapmek.

Ibru 5:2 Iomraidhean Croise

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

2 Korin 11:30

Dola ana lox aru ia, ana lox asilox ia mi na levempanga ga vot parav ia ua di lox asuusu lomolo rak.

2 Korin 12:5

Aba lox aru mo laradi, a noxo lox aru ia; ketla kusuk mun nia ba lox aru ia at levempanga i lox asuusu lomolo rak.

Galesia 4:13

Miklen bok ua lavasuun teren la nenia aga vavang avot mi Lagale Lavavang tinemi; lavasuun teren atla nenia aga lok mekmeres.

Epesas 4:18

Levendoxoma atnedi i nemen keneng at lamain. Nedi xopmen dina ruuna ka toxot keneng at na lorooro ne Moroa im taba i, mila kopmen takleklen tinotno atnedi la lebelen atnedi i rebonot pe.

1 Timoti 1:13

Keke i do gano migomgo aga paase vupu rin, la agap sep limixin teren, la agak lox asongot di. Ketla ne Moroa ga lox asuusu lebelemumu ren tia, mila nenia agoxoklen levempanga salai gak mokso la goxopmen tunuunu rak.

Ibru 12:13

Mina lok tatao avukat lavatpas atnimi, xusu do teventaba atnimi mo lunuunu atdi xopmen na lolos, di noxo soxepe axap lunuunu atdi at ne Karisito, ketla diba ven mo leveloklox avukat atnimi, la diba mu asu i la kerepmo lunuunu atdi naba lolos.

Ibru 2:17

Kuren la na lavasuun teren la neni ga vee radi at lorooro axap teren ngan luvutneton kusu neni ba ravasu ngan laradi ga umsu mi lebelemumu la laradi ruturun at lugugu at lamaasa gomgo ri ne Moroa, la ga ravasu ngan laxaavuk kusu ne Moroa na doxoma xepe laxakapmek at limixin.

Ibru 2:18

Neni xa ga xip lumumuat at loxonaleng ne Satan ga lok tong pen i, ketla ne Iesu goxo subu, kuren la neni i epovo na lok tooro nedi di ekip tangarang mi leveloklok tong pen.

Ibru 4:15

Mo Lamaasa Avolo atdik, neni i epovo na suma rooro dik at leveloklok tong pen mila neni ga suma bok laxaloklok tong pen ngan dik, ketla neni xopmen goxo lok taxakapmek.

Ibru 7:28

Maxeneng at Lenavolo luvuttadi diga lok lugugu ngan lavamaasa amgomgo, la lorooro atdi goxok mokso xerekngan ne Iesu. Ketla ne Moroa ga raba limixin mi Lenavolo, la melemu ni ga vangpe do ne Nitna na lok kaka lugugu at lamaasa gomgo, luruptuvuk teren nabak mokso amisik.

Ibru 9:7

Ketla lamaasa gomgo xusuk mun neni ga pubeles ti mo loxonnep gu maxeneng tino, mo loxot ga xaala aleng tinotno. Neni ga vubeles go at leges aleng mun keneng at legesa maares. Neni goxo pubeles gamasa, ni ga ba pubeles axa eburu mi lada at levempanga mi lavanuet kangkedek. La neni ga lok letaba mi mo lada ti laxakapmek teren la laxakapmek bok at limixin do digara soogong pam, ketla di goxoklen i do mo levempanga ga lok kapmek.

Jems 5:19

Luvutnetak mi luvurinuk. Mo do tara atnimi i vas tabaara basinge langas tuturun, mina sar amlong ka i.

1 Pita 2:25

Nemi miga lok ngan laxasipsip diga soronga, ketla ana nga, migaramlong pam kusu mina mumu asu Lamgomgo atnemi la neni laradi loklok tatao bok at lorooro at loroonan atnemi.