Ibru 4:6 - Madak

⁶ I ruturun do leventaba move diba vubeles ap mo loxot loklok mamas. La nedi gano diga ronga Lagale Lavavang, di goxo vubeles teren mila diga ronga xepe levelinga at ne Moroa.

Ibru 4:6 Iomraidhean Croise

Metiu 21:43

Kuren la a tong i rinimi; Moroa naba lok kepe Linintoo basinge nemi limixin me Judaia la naba raba i ri limixin mo diba lox asuusu levempeven una nunuan.

Leven Gugu 28:28

La ne Pol ga lok bok, “Minaklen avukar i do, levelinga loklox arooro at ne Moroa diga lox aonon pam i uto at limixin kopmen di me Judaia. Dibang tonga i.”

1 Korin 7:29

Luvutnetak mi luvurinuk. Lavasuun at na levelinga rak i lok keretna; ixo lox abao bok ba levenaleng mo i nemen ti lomlong at ne Karisito. La i ru ka i mo ningina, lavatlok epot dina nemen ngan ta luvuttadi at ne Moroa.

Galesia 3:8

Lovoang Kaala ga vaase avot be i xeretna do ne Moroa naba lok li limixin kopmen di me Judaia ngan nedi limixin mokmokso mumu mun lunuunu atnedi. La avot ti lovotpot at Lagale Lavavang keneng at ne Iesu, Lovoang Kaala ga vaase asu i ri ne Abaram keretna, “Mumu mun lunuunu ram, nenia anaba lox anarong limixin axap at na lavatbung menemen.”

Ibru 4:11

Kuren la mina raba axap lodoxoma atnimi xusu mina vubeles ap mo loklok mamas la kopmen tara noxo subu kot la na mu asu lampoovo atnedi leme Israel, diga raba arulu ne Moroa.

Ibru 4:2

Nemi bok miga ronga Lagale Lavavang kerekngan nedi diga ronga i. Ketla mo lavavang diga ronga i, goxo lok tooro di mila di goxo nuunu ren.

Ibru 4:9

Loxonaleng ti vubeles to xeneng at loxot loklok mamas at ne Moroa move i rem suang ti limixin teren.