Ibru 4:12 - Madak

¹² Levelinga at ne Moroa i ruuna lorooro la i lolos aleng; i lok ngan lavarise i anan evan, mo i tara xoxorop laranin etudum la laramomodong atdik; la kerepmo bok levelinga at ne Moroa i pubeles uto xa xeneng at lodoxoma la lorooro atdik kusu na lox asu leveloklok kakapmek; kuren la nedik toxo epovo xusu ata lipe at lemeren ne Moroa, neni ikleklen levendoxoma atdik la levesumsuma at lebelen dik.

Ibru 4:12 Iomraidhean Croise

Sam 110:2

Leeme Silok naba lox asilok mo lixitkis amgomgo ram naba ruka i ro Saion; la unabam gomgonga nedi lavamunepen taram.

Sam 119:130

Losoksoxomus at levelinga ram im taba ia mi laxasep, la im taba bok lakleklen avukat tinedi kopmen takleklen atdi.

Sam 139:2

Ukleklen axap mo lempanga nia ak lox i; uk lok paxalom tino, ketla ukleklen axap levendoxoma rak.

Sam 149:6

Naba lox avukat do dinap kup silok at loxonaleng dina emi asu mi ne Moroa, la dinam tebeng levenise esep sengsen atnedi,

Sam 45:3

Loorong lolos, una lox agagas lavarise esep taram. Lisisinang taram i umsu la laasen bok taram i silok aleng.

Lagale Lavavang At Ne Iesu Karisito Luk Ga Malagan i 8:11

La ne Iesu ga lok tidi xeretna, “Lavasuun at na lavapaase poovo i lok keretna; levenit neni levelinga at ne Moroa.

Lagale Lavavang At Ne Iesu Karisito Jon Ga Malagan I 12:48

La do tara i raba aralu ia la kopmen na sisiam ka levelinga rak, neni ira sok ka vam lenep tin, mila levelinga mun tarak naba lok li mo lara at lavapaase at laaleng ete.

Lagale Lavavang At Ne Iesu Karisito Jon Ga Malagan I 6:51

Nenia lakde at lorooro la aga si boro vana at laxalibet. Do tara na anan at na lakde, neni naba rooro amisik. Na lakde, ni levenuut tarak. Aba raba i ri limixin axap kusu diba rooro.”

Leven Gugu 2:37

Mo limixin diga ronga i na, diga bulu aleng la diga lok ti ne Pita eburu mi luvuttadi vavang, “Luvutneton nama, maba lok lavanga salai?”

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Leven Gugu 5:33

Diga ronga i mo la diga musak aleng, la diga lok do dina sev amet di.

Leven Gugu 7:38

Neni mo laradi ga nemen eburu mi limixin me Israel to at lamatbin, neni ga nemen eburu mi lavalabat atdik la laangelo bok mo ga paase rin to at lakaana Sinai; neni ga lok ka Lenavolo at ne Moroa xusu na raba i ri nedik limixin me Israel.

Lovoang At Ne Pol Ti Limixin Nunu to Rom 1:16

Nia xopmen ana lok mamangan ti vavang mi Lagale Lavavang, atla ni lololos at ne Moroa ri lox arooro nedi axap di nuunu, leme Judaia avot la melemu rinedi limixin kopmen me Judaia,

1 Korin 1:24

Ketla ne Moroa ga soxolik ka leventaba atnedi leme Judaia la leme Grik. Ma vavang mi laasen at ne Karisito, neni i lox asuusu lololos la lakleklen at ne Moroa rinedi.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

Epesas 5:13

Ketla laxasep i lox asuvos leveloklok kakapmek la limixin dira xasep ba do mo lempanga i lok kapmek,

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

Epesas 6:17

La mina lok ka loklox arooro i ngan lavatkiam tik lok pe lesepsep la minaklen ka levelinga at ne Moroa i ngan lavarise sepsep at Loroonan Kaala.

1 Tesalonia 2:13

La nema ma tong avukat amisik ti ne Moroa mumu nimi. Ap mo laaleng miga siam kaka levelinga at ne Moroa maga tong asu i rinimi, miga doma i do mo levelinga boro at ne Moroa, la goxopmen levelinga at luvuttadi gamasa. Mo levelinga i gugu xeneng at lorooro atnemi limixin mi nuunu.

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

Ibru 13:7

Mina doma loklok at luvuttadi amgomgo atnimi gano, mo diga vaase nimi mi Lagale Lavavang at ne Moroa. Mina doma lunuunu diga ruuna i at lorooro atdi se diga met, la mina lok ka lunuunu xerepmo.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.

1 Pita 1:23

mila miga ruuna xaka livipisik amaxat la na lorooro maxat noxo xap ngan laradi at na lavatkangka, ketla naba nemen amisik; na lorooro ga ravasu at levelinga at ne Moroa la i rooro la naba nemen amisik.

Lisilimet 1:16

At lekngen tino, neni gam tebeng lavanuti larapenti, la to at lungusno lavarise sepsep ga anan evan gak lok teren. La lemeren ga lok ngan laxangking i soosoo bobonot mi lololos teren.

Lisilimet 19:15

Lavarise sengsen i sixisu boro at lungusno ren kusu ri sak tup minedi limixin at levennep silok. La neni naba lok tatao di ngan lamgomgo atnedi, la loklok tatao ren ba lolos aleng. Neni naba lox asuusu lebelemamao silok at ne Moroa i lolos aleng.

Lisilimet 19:21

La mo lavarise sepsep ga sixisu boro at lungusno ap mo lara gat kis at lavaros bunbun, la ga sep kutkut axap limixin esep at lavatpanga sio. La lavapixa axap diga anan tino at levenbaaxin atdi.

Lisilimet 2:16

Kuren la mina leeng tinotno. Mo do mi noxo leeng, anaba vot soso mun la ana esep eburu midi mi lavarise sepsep ba ravasu mede at langsuk.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.

Lisilimet 20:4

La nia aga ven lengkonin at lavaorong silok, la nedi limixin digat kis teren, diga ruuna lololos kusu dina ila mumu loklok at limixin. La aga ven bok leventoonan atnedi limixin la limixin petpes diga ra korop lengkaka atdi mila diga tong asu lunuunu atdi keneng at ne Iesu, la diga nuunu bok at levelinga at ne Moroa. At lorooro atdi di goxo lotu parap lavatpanga sio la lavatpoovo vanga ren la di goxo lok ka loklok katling at lavatpanga sio to at lenmang atdi kopla levengkikngen di. Diga roo xat amlong la nedi eburu mi ne Karisito digam gomgo ri limixin at legesa abin sangsangaun kobot (1000) levenmaares.